တရုတ်အာကာသယာဉ် ရှန်ကျို-၁၃ (Shenzhou-13) မှ အာကာသယာဉ်မှူးနှစ်ယောက်ရဲ့ အာကာသလမ်းလျှောက်မှု အောင်မြင်စွာပြီးမြောက်ခဲ့ပြီလို့ တရုတ်နိုင်ငံပိုင်မီဒီယာက ဒီဇင်ဘာ ၂၇ ရက်နေ့မှာ ကြေညာပါတယ်။
တရုတ်တွေက ‘တိုင်ကိုနော့စ်’ (taikonauts) လို့ ချစ်စနိုးခေါ်တဲ့ အာကာသယာဉ်မှူး ဇိုင်ရှီဂန်နဲ့ ရီကွာဖုတို့ အာကာသထဲ လမ်းလျှောက်တဲ့ ဗွီဒီယိုပုံတွေကို CCTV ရုပ်သံက ပြသခဲ့ပါတယ်။
ဒီဇင်ဘာ ၂၆ ရက်နေ့ အာကာသယာဉ်မှူး နှစ်ယောက်ဟာ ထျင်းဟော် (Tianhe) အာကာသယာဉ် module ထဲကထွက် ခြောက်နာရီကြာ လမ်းလျှောက်ပြီး ပြန်ဝင်သွားပါတယ်။ သူတို့ နိုဝင်ဘာလက ပထမအကြိမ် အာကာသထဲ လမ်းလျှောက်ခဲ့ပြီး အခုက ဒုတိယအကြိမ်ပါ။
အာကာသယာဉ်မှူးတွေက စက်တင်ဘာလမှာ ရှန်ကျို-၁၃ အာကာသယာဉ်ကတဆင့် ထျင်းဟော် မော်ဒျူးထဲကို ဆင်းသက်ခဲ့တာပါ။ အဲဒီမှာ စုစုပေါင်း ခြောက်လ နေပါမယ်။
အာကာသစခန်းကို တည်ဆောက်ဖို့အတွက် လိုအပ်တဲ့ နည်းပညာတွေ စက်ရုပ်တွေ ပါသွားပြီး၊ သိပ္ပံစမ်းသပ်မှု အများအပြား လုပ်ခဲ့တယ်လို့ CCTV က ဖော်ပြပါတယ်။
