close

အာဆင်နယ်ပရိသတ်

close

July 23, 2022

ငယ်စဉ်ကတည်းက အာဆင်နယ်ပရိသတ်ဖြစ်ခဲ့ကြောင်း ကစားသမားသစ် ဇန်ချင်ကို ဖွင့်ဟ

ငယ်စဉ်ကလေးဘဝကတည်းက အာဆင်နယ်အသင်းကို အားပေးကြည့်ရူခဲ့တယ်လို့ ကစားသမားသစ် ဇန်ချင်ကိုက ထုတ်ဖော်ပြောပါတယ်။

မန်စီးတီးကနေ အာဆင်နယ်အသင်းဆီကို ပေါင် ၃၂ သန်းနဲ့ ပြောင်းရွှေ့လာခဲ့ပြီးနောက် ပထမဆုံးအင်တာဗျူးအစီအစဉ်မှာ ဇန်ချင်ကိုကပြောခဲ့တာပါ။

ငယ်စဉ်ကတည်းကအားပေး ခဲ့တဲ့အသင်းကို ပြောင်းရွှေ့ခွင့်ရခဲ့လို့ အိပ်မက်တွေ အမှန်တကယ်ဖြစ်လာခဲ့ပြီး ပွဲထွက်ကစားဖို့ မစောင့် နိုင်တော့ကြောင်း ဇန်ချင်ကိုက ပြောပါတယ်။

“ပထမဆုံးအနေနဲ့ ကျနော့်ရဲ့ ငယ်ဘဝအိပ်မက်တွေ အမှန်တကယ်ဖြစ်လာပြီလို့ပြောချင်ပါတယ်။ ဘာဖြစ်လို့လဲဆိုတော့ ကလေးဘဝကတည်းက အာဆင်နယ်အသင်းရဲ့အ အမာခံပရိသတ်ဖြစ်ခဲ့ဖူးလို့ပါပဲ။ သီယာရီဟင်နရီနဲ့ လူငယ်ကစားသမား ဆက်ဖာဘရီဂတ်စ်တို့ ကစားချိန်ကတည်းက အာဆင်နယ်ပွဲတွေကိုကြည့်ရတာကို ကြိုက်နှစ်သက် ခဲ့တာပါ။ နောက်ထပ်စိန်ခေါ်မှုတွေအတွက် အဆင်သင့်ဖြစ်နေပါပြီ” လို့ ဇန်ချင်ကိုက ပြောပါတယ်။ 

ယူကရိန်းလက်ရွေးစင်ဟာ ဘယ်နောက်ခံလူနေရာနဲ့ ကွင်းလယ်လူနေရာတွေမှာကစားနိုင်ပြီး စွယ်စုံ အသုံးပြုနိုင်တာကြောင့် အသင်းရဲ့ကစားကွက်ကို ရွေးချယ်စရာပိုများလာစေလိမ့်မယ်လို့လည်း နည်းပြ အာတေတာကချီးကျူးသွားခဲ့ပါတယ်။

10 mins Ago

October 9, 2020

အာဆင်နယ်ပရိသတ်များကို ကျေးဇူးတင်ကြောင်း ကစားသမားသစ် သောမက်စ်ပါတေးပြော

အာဆင်နယ်ပရိသတ်တွေရဲ့ အားပေးချစ်ခင်မှုကို ရရှိခဲ့တဲ့အတွက် အားလုံးကို ကျေးဇူးတင်ရှိကြောင်း ကွင်းလယ်ကစားသမားသစ် သောမက်စ်ပါတေးက ပြောပါတယ်။  အက်သလက်တီကို ကွင်းလယ်လူ သောမက်စ်ပါတေးကို အာဆင်နယ်က စာချုပ် ဖျက်သိမ်းကြေးပေါင် ၄၅ သန်းပေးချေပြီး ခေါ်ယူခဲ့တာပါ။  ပါတေးဟာ လက်ရှိအချိန်မှာ ဂါနာလက်ရွေးစင်အသင်းနဲ့ ပူးပေါင်းလေ့ကျင့်နေတာကြောင့် အာဆင်နယ်အသင်းဆီတော့ ရောက်ရှိလာခြင်း မရှိသေးတာဖြစ်ပါတယ်။  အာဆင်နယ်ပရိသတ်တွေကတော့ ဆိုရှယ်မီဒီယာတွေကနေတစ်ဆင့် ပါတေးကို ကြိုဆို ကြောင်း စာတွေပေးပို့ခဲ့ပြီး ပါတေးကလည်း အားပေးချစ်ခင်မှုတွေအတွက် ကျေးဇူးတင်ကြောင်း အသင်းရဲ့ တွစ်တာစာမျက်နှာကနေ တဆင့်ပြန်လည်ပြောခဲ့တာပါ။  မိသားစုဝင်တဦးလို ခံစားရတာက ခမ်းနားတဲ့ ခံစားမှုဖြစ်ပြီး အံ့အားသင့်စရာ ကြိုဆိုမှုတွေနဲ့ ချစ်ခင်အားပေးမှုတွေအတွက် ပျော်ရွှင်ရကြောင်းနဲ့ အားလုံးနဲ့အတူ တွေ့ဆုံရဖို့ မစောင့်နိုင်တော့ ကြောင်း ပါတေးက ပြောခဲ့ပါတယ်။  အသက် ၂၇ နှစ်ရှိ ပါတေးဟာ အက်သလက်တီကိုအတွက် စုစုပေါင်း ၁၈၈ ပွဲ ကစား ပေးခဲ့ပါတယ်။ 
2 years Ago
Up