close

အာဖဂန်နယ်ခြား‌ေစာင့်တပ်

close

December 12, 2022

အာဖဂန်နယ်ခြားစောင့်တပ် ပစ်ခတ်မှုကြောင့် အရပ်သား ၆ ဦးသေဆုံးပြီး ၁၇ ဦး ဒဏ်ရာရ

အာဖဂန် နယ်ခြားစောင့်တပ်တွေက သေနတ်တွေ အမြောက်တွေနဲ့ အပြင်းအထန် ပစ်ခတ်ခဲ့လို့ ပါကစ္စတန်နယ်စပ်မှာ ဒီဇင်ဘာ ၁၁ ရက်က အရပ်သား ၆ ဦး သေဆုံးပြီး ၁၇ ဦး ဒဏ်ရာရခဲ့တယ်လို့ ပါကစ္စတန်စစ်တပ်က ပြောပါတယ်။

ပါကစ္စတန်စစ်တပ်ဟာ နိုင်ငံအနောက်တောင်ပိုင်း ဘာလိုချီစတန်ပြည်နယ်ထဲက ချာမန် နယ်စပ်ဖြတ်ကျော်ရေးစခန်းကို လက်တုံ့ပြန်ခဲ့တယ်လို့ ကြေညာချက် ထုတ်ပြန်ခဲ့ပေမဲ့ တဖက်က ဆုံးရှုံးမှုအသေးစိတ်ကို မဖော်ပြခဲ့ပါဘူး။

အာဖဂန်နစ္စတန်နယ်စပ်မှာရှိတဲ့ ကန်ဒါဟာပြည်နယ်မှာ အာဖဂန်အရာရှိ နူးရ်အာမဒ်က ဒီဖြစ်ရပ်ဟာ မတော်တဆသာဖြစ်ပြီး နှစ်ဖက်တွေ့ဆုံမှုအပြီးမှာ အခြေအနေ ပုံမှန်ပြန်ဖြစ်ခဲ့တယ်လို့ ရိုက်တာသတင်းဌာနကို ပြောပါတယ်။

အာဖဂန်နစ္စတန်ဘက်က အသေအပျောက်တွေနဲ့ပတ်သက်ပြီး အသေးစိတ် အချက်အလက်တွေကိုတော့ မပြောခဲ့ပါဘူး။

အာဖဂန်နစ္စတန်နယ်စပ်မှာ စစ်ဆေးရေးစခန်းအသစ်တခု တည်ဆောက်နေတာကို ရပ်ဖို့ ပါကစ္စတန်တပ်ဖွဲ့တွေက တောင်းဆိုခဲ့ပြီးတဲ့နောက် တိုက်ပွဲဖြစ်ခဲ့တာလို့ အာဖဂန် လုံခြုံရေး သတင်းရင်းမြစ်တွေက ပြောပါတယ်။

ပါကစ္စတန်စစ်တပ်ရဲ့ ထုတ်ပြန်ချက်မှာ ဒီဖြစ်ရပ်ဟာ ရန်စဖို့မလိုအပ်ဘူးလို့ ဖော်ပြထားပြီး တဖက်က အရပ်သားတွေကို ပစ်မှတ်ထားတာမျိုးကို ရှောင်ရှားရင်း ပါကစ္စတန် တပ်ဖွဲ့ဝင်တွေက အချိုးကျတုံ့ပြန်ခဲ့တယ်လို့ ဆိုပါတယ်။

ပါကစ္စတန်အစိုးရက အာဖဂန်အစိုးရကို ချဉ်းကပ်ပြီး ဒါမျိုးအဖြစ်အပျက် ထပ်မဖြစ်အောင် ရှောင်ဖို့ တောင်းဆိုခဲ့တယ်လို့ ပြောပါတယ်။

ကုန်သွယ်မှုနဲ့ ဖြတ်သန်းသွားလာရာမှာသုံးတဲ့ ချာမန်မြို့က စည်ကားတဲ့ အာဖဂန်နယ်စပ် ဖြတ်ကျော်ရေးဂိတ်ကို ပြန်မဖွင့်ခင် နာရီအနည်းငယ်ကြာအောင် ပိတ်ထားခဲ့တယ်လို့ နှစ်ဖက် တာဝန်ရှိသူတွေက ပြောခဲ့ပါတယ်။ အလားတူ တိုက်ပွဲတွေ ဖြစ်ပြီးတဲ့နောက် လွန်ခဲ့တဲ့လက တံတားကို ရက်အတော်ကြာကြာ ပိတ်ထားခဲ့ရပါတယ်။

5 mins Ago
Up