ပါကစ္စတန်ဝန်ကြီးချုပ်ဟောင်း အင်မ်ရန်ခန်းကို အစ္စလာမာဘတ်တရားရုံးချုပ်က ၂ ပတ်အာမခံနဲ့ ပြန်လွှတ်ပေးလိုက်ပါတယ်။
မစ္စတာခန်းဟာ မြေယာလိမ်လည်မှု၊ အကျင့်ပျက်ခြစားမှုစွပ်စွဲချက်တွေနဲ့ မေလ ၉ ရက်က ဖမ်းဆီးခံခဲ့ရပြီးတဲ့နောက် ပါကစ္စတန်နိုင်ငံတဝန်း အစိုးရဆန့်ကျင် ဆန္ဒပြမှုတွေဖြစ်ပွားခဲ့ကာ အကြမ်းဖက်မှုတွေကြောင့် လူ ၁၀ ဦးသေဆုံးပြီး ဒါဇင်နဲ့ချီဒဏ်ရာရခဲ့ ကြပါတယ်။
မစ္စတာခန်းဟာ သူ့ကိုယ်ပိုင်လုံခြုံရေးနဲ့ ရဲတပ်ဖွဲ့ဧည့်ခန်းမဆောင်မှာ တစ်ညအိပ်ခဲ့ရပေမဲ့ တရားရုံးက နောက်ပိုင်းမှာ ဥပဒေမဲ့ဖမ်းဆီးခံရတာဆိုပြီး လုပ်ငန်းစဉ်ကို နောက်ဆုတ်ဖို့အမိန့်ချခဲ့ ပါတယ်။
သူရဲ့ဖမ်းဆီးမှုကို ဆက်လက်လုပ်ဆောင်ဖို့ ကနဦးဆုံးဖြတ်ချက်ကို ပြန်လည်စဉ်းစားဖို့ အစ္စလာမာဘတ် အထက်လွှတ်တော်က အောက်လွှတ်တော်ကိုတောင်းဆိုခဲ့ပါတယ်။
မစ္စတာခန်းက "သူတို့က ကျနော့်ကို ဖမ်းဖို့ ကျိုးကြောင်းဆီလျော်တဲ့ အကြောင်းပြချက်မရှိဘူး။ ကျနော်ပြန်ပေးဆွဲခံရတာ။ တောတွင်း ဥပဒေသလိုပဲ"လို့ The Independent သတင်းစာကို ပြောပါတယ်။
ဝန်ကြီးချုပ်ရှဘတ်ဇ်ရှရိဖ်က မစ္စတာ ခန်းဟာ အကျင့်ပျက်ခြစားမှုကြီးရှိတယ်လို့ မေလ ၁၂ ရက် က တရားရုံးချုပ်ကို တင်ပြခဲ့ပါတယ်။
မစ္စတာခန်းဟာ အဂတိလိုက်စားမှုအများအပြားမှာ အလားတူတရား သူကြီးတွေကို အကာကွယ်ပေးရေး သူရဲ့ရှေ့နေတွေနဲ့ အသနားခံစာတင်ခဲ့ပြီး အစိုးရက သူ့ကိုထပ်ဖမ်းဆီးနိုင်တဲ့ တရားဝင်လမ်းကြောင်းကို ပိတ်ဖို့ ကြိုးစားနေပါတယ်။
နိုင်ငံတကာ ခရစ်ကတ်ကစားသမားဟောင်းလည်းဖြစ်တဲ့ မစ္စတာခန်း အဖမ်းခံရတာကို ပါကစ္စတန် ပြန်ကြားရေးဝန်ကြီး မာရီရန်မ် အေရောင်ဇက်ဘ်က ကာကွယ်ပြောဆိုပေးထားပါတယ်။
သီတင်းပတ် အစောပိုင်းက အသက် ၇၀ အရွယ် လူသိများတဲ့ အတိုက်အခံခေါင်းဆောင် အင်မ်ရန်ခန်းကို အကျင့်ပျက်ခြစားမှုစွဲချက်တွေနဲ့ ပါကစ္စတန်နိုင်ငံရဲ့ အဂတိလိုက်စားမှုတိုက်ဖျက်ရေးအဖွဲ့က ဖမ်းဆီးခဲ့တာဖြစ်ပါတယ်။
Source -Sky News
အမှုပေါင်းများစွာ စွဲချက်တင်ခံထားရတဲ့ ပါကစ္စတန်ဝန်ကြီးချုပ်ဟောင်း အီမရန် ခန်းဟာ မတ် ၁၇ ရက်က လာဟိုးမြို့ အဆင့်မြင့်တရားရုံးမှာ အာမခံရရှိပြီးနောက် သူ့အပေါ် ထောက်ခံသူတွေနဲ့အတူ ဝန်းရံကာ တရားရုံးကနေ ပြန်လည်ထွက်ခွာသွားပါတယ်။
ဝန်ကြီးချုပ်ဟောင်း ခန်းရဲ့ ရှေ့နေဖြစ်သူ အက်ဇ် ဟာ စီဒစ် က “တရားသူကြီး တာရီ ဆာလင်းမ် ရှိတ်ခ် အနေနဲ့ အီမရန်ခန်း အပေါ်စွဲဆိုထားတဲ့ အမှု ၉ မှု အတွက် အကာအကွယ် ပါဝင်တဲ့ အာမခံပေးလိုက်တာပါ။ ဒီအမှုတွေထဲမှာ အစ္စလာမာဘတ် ပြည်နယ်အစိုးရက စွဲဆိုထားတဲ့ အမှု ၅ မှုနဲ့ ပန်ဂျပ်ဘ် ပြည်နယ်အစိုးရက စွဲဆိုထားတဲ့ အမှု ၄ မှုတို့ ပါဝင်ပါတယ်” လို့ တရားရုံးအပြင်ဘက်မှာ ပြောကြားသွားပါတယ်။
လာမယ့်မတ် ၁၈ ရက်မှာ ခန်းက တရားရုံးကို လာရောက်မယ်လို့လည်း ရှေ့နေဖြစ်သူက အတည်ပြုပါတယ်။
ဒီမတိုင်ခင် တရားစွဲဆိုမှုတွေကနေ ရှောင်တိမ်းနေတာကြောင့် အီမရန်ခန်းကို ဖမ်းဆီးဖို့ ကြိုးပမ်းခဲ့ တဲ့ လုံခြုံရေးတပ်ဖွဲ့တွေနဲ့ ခန်းအပေါ် ထောက်ခံသူတွေအကြား သဘောထားတင်းမာနေမှုကို ဖြေလျှော့ ထိန်းသိမ်းနိုင်ဖို့ ခန်းက တရားရင်ဆိုင်မယ်လို့ သိရပါတယ်။
နာမည်ကြီး ခရစ်ကတ် ကစားသမားဟောင်းလည်းဖြစ်တဲ့ ခန်းဟာ မြို့တော့်အစ္စလာမာဘတ်ရှိ အဆင့်မြင့်တရားရုံးက ထုတ်ပြန်ထားတဲ့ ဖမ်းဝရမ်းကို ပြန်လည်ရုပ်သိမ်းခဲ့ပြီးနောက်မှာ အခုလို တရားရင်ဆိုင်ဖို့ ဆုံးဖြတ်ခဲ့တာပါ။
ပါကစ္စတန်ဝန်ကြီးချုပ်အဖြစ် တာဝန်ယူစဉ်ကာလမှာ နိုင်ငံရပ်ခြားက ရာထူးဂုဏ်ထူးရှိသူတွေ ပေးအပ်ခဲ့တဲ့ နိုင်ငံတော်လက်ဆောင်ပစ္စည်းတွေကို တရားမဝင် ရောင်းချခဲ့တယ်ဆိုတဲ့ စွဲချက်တွေ အရ တရားရုံးမှာ လာရောက်ကြားနားဖို့ ခန်းက အကြိမ်ကြိမ်ပျက်ကွက်ခဲ့တာကြောင့် သူ့ကိုဖမ်းဆီးဖို့ တရားရုံးတွေက ဝရမ်းထုတ်ပြန်ခဲ့တာ ဖြစ်ပါတယ်။
ဝန်ကြီးချုပ်ဟောင်း ခန်း ကတော့ ဒီတရားစွဲချက်တွေအပေါ်မှာ ငြင်းဆိုထားပါတယ်။
