ကမ္ဘာဖလားဘောလုံးပြိုင်ပွဲ သမိုင်းတလျှောက် ပထမဆုံးအကြိမ်အဖြစ် အာရှတိုက် ကိုယ်စားပြုအသင်း ဂျပန်၊ တောင်ကိုရီးယားနဲ့ သြစတြေးလျ အသင်း ၃ သင်းတို့ အုပ်စုအဆင့်ကို ကျော်လွန်ပြီး ရှုံးထွက် ၁၆ သင်းအဆင့်ဆီ တက်ရောက်နိုင်ခဲ့ပါတယ်။
ပြီးခဲ့တဲ့ ပြိုင်ပွဲနှစ်ကြိမ်ဆက်မှာ ဂျပန်တသင်းပဲ အုပ်စုအဆင့်ကနေ ကျော်လွန်ခဲ့ဖူးပေမဲ့ အခုနှစ်ပြိုင်ပွဲမှာ သုံးသင်းအထိ ၁၆ သင်းအဆင့်ကို တက်ရောက်လာခဲ့တာပါ။
သြစတြေးလျအသင်းက ဒိန်းမတ်နဲ့ တူနီရှားကို ကျော်ဖြတ်ပြီး နောက်တစ်ဆင့်တက်ခဲ့သလို ဂျပန်ဟာလည်း စပိန်နဲ့ ဂျာမနီကို အနိုင်ယူပြီး ၁၆ သင်းအဆင့် တက်ရောက်ခဲ့တာပါ။
တောင်ကိုရီးယားအသင်းကတော့ ပေါ်တူဂီကို အနိုင်ယူပြီး နောက်တစ်ဆင့် တက်ခဲ့တာပါ။ လာမယ့် ဒီဇင်ဘာ ၄ ရက်မှာ သြစတြေးလျအသင်းက အာဂျင်တီးနားနဲ့ တွေ့ဆုံနေပြီး ဂျပန်အသင်းက ခရိုအေးရှားနဲ့တွေဆုံနေကာ ဒီဇင်ဘာ ၅ ရက်မှာတော့ တောင်ကိုရီးယားအသင်းက ဘရာဇီး အသင်းတွေနဲ့ ယှဉ်ပြိုင်သွားရမှာဖြစ်ပါတယ်။
