အိန္ဒိယနိုင်ငံအနောက်ပိုင်း အန်မက်နာဂါမြို့က အစိုးရဆေးရုံအတွင်း နိုဝင်ဘာ ၆ ရက်က အထူးကြပ်မတ်ကုသဆောင် မီးလောင်ခဲ့ပါတယ်။
လူ ဆယ်ယောက်ထက် မနည်း သေဆုံးပြီး လူတော်တော်များများ ဒဏ်ရာရခဲ့တယ်လို့ ကျန်းမာရေး အရာရှိတယောက်ကို ကိုးကားပြီး ရိုက်တာသတင်းမှာ ဖော်ပြပါတယ်။
သေဆုံးသူတွေအတွက် ဝမ်းနည်းရပြီး ဒဏ်ရာရသူတွေ အစောဆုံး နာလန်ထပါစေလို့ ဆုတောင်းကြောင်း ဝန်ကြီးချုပ် နရင်ဒြာမိုဒီက တွစ်တာ လူမှုကွန်ရက်ပေါ်မှာ ပြောခဲ့ပါတယ်။
အန်မက်နာဂါမြို့တည်ရှိရာ အိန္ဒိယနိုင်ငံရဲ့ အချမ်းသာဆုံးပြည်နယ် မဟာရတ်ရှ်ထျာ ပြည်နယ် အပါအဝင် နေရာတချို့မှာ ဒီနှစ်ထဲ ဆေးရုံတွေမှာ ဝါယာရှော့ခ်ကြောင့်အပါအဝင် မီးလောင်မှု တွေကြောင့် လူနာဒါဇင်ချီ သေဆုံးခဲ့ပါတယ်။
