close

အိမ်ဆောက်ပစ္စည်းဆိုင်

close

November 3, 2022

ရန်ကုန်မြို့လယ် ကုန်သည်လမ်းပေါ်က ဆိုင် ၁ ဆိုင် ဓားထောက်လုယက်ခံရ

ရန်ကုန်၊ ပန်းဘဲတန်းမြို့နယ်ရှိ အိမ်ဆောက်ပစ္စည်းအရောင်းဆိုင်မှာ နိုဝင်ဘာ ၂ ရက် ည ၇ နာရီလောက်က အမည်မသိအမျိုးသားသုံးယောက်က ဆိုင်ရှင်ကို ဓားနဲ့ထိုးကာ ငွေကျပ် သိန်း ၁၅၀ လောက် လုယက်သွားတယ်လို့ ရပ်ကွက်နေသူတွေဆီက သိရပါတယ်။

ပန်းပဲတန်းမြို့နယ် ၁ ရပ်ကွက် ၂၆ လမ်းနဲ့ ကုန်သည်လမ်းထိပ်မှာ ဖွင့်လှစ်ထားတဲ့ ကုန်မာဆိုင်ကို ဓားကိုင်ထားသူတွေဝင်လာပြီး ဆိုင်ရှင်အပါအဝင် နှစ်ယောက်ကို  ဓားနဲ့ထိုးကာ ငွေတွေရော ကားနဲ့ ဖုန်း ၃ လုံးပါ လုယက်သွားတာလို့ ရပ်ကွက်နေသူတစ်ဦးက ဒီဗွီဘီ ကိုပြောပါတယ်။ 

“ဆိုင်ရှင်ကို ပေါင်တွေချည်းပဲ ဓားနဲ့ထိုးတာ။ တော်သေးတယ် အသေမသတ်သွားလို့။ သိန်း ၁၅၀ ရော ကားရော ပါသွားတယ် ကြားတယ်”’လို့ ပြောပါတယ်။

လုယက်ခံရဲတဲ့ဆိုင်မှာ သစ္စာကုန်မာဆိုင် ဖြစ်ပြီး ဆိုင်ရှင်ဦးမောင်မောင်ထွန်းဟာ ဓားနဲ့ ထိုးခံရတဲ့အတွက် ပြတ်ရှဒဏ်ရာအနည်းငယ်ရရှိခဲ့ပါတယ်။

ဓားပြတိုက်ခံရတဲ့ ငွေပမာဏအတိအကျကိုတော့ စိစစ်ဆဲဖြစ်ပြီး အိမ်စီးကား Toyota Allison ကားခဲရောင်ကိုပါ ယူဆောင်သွားတယ်လို့ ရဲတပ်ဖွဲ့နဲ့နီးစပ်သူတစ်ဦးက ဒီဗွီဘီကို ပြောပါတယ်။

“ဖြစ်တာက ၆ နာရီ ၅၀ မှာဖြစ်တာ။ ဆိုင်ရှင်ရော အတူနေ အမျိုးသားရော ဒဏ်ရာရတယ်။ ငွေက စိစစ်နေတုန်းပဲ။ Toyota ကားလည်း ယူသွားတယ်။”

ဓားထောက်လုယက်ခံရတာနဲ့ပတ်သက်ပြီး ပန်းဘဲတန်းမြို့မရဲစခန်းမှာ အမှုဖွင့်လှစ်ထားပြီး တရားခံတွေကိုတော့ ဖမ်းဆီးရမိတာ မရှိသေးပါဘူး။

နိုဝင်ဘာလ ၁ ရက် မနက်ကလည်း ပုဇွန်တောင်ဘူတာရုံမှာ  ဆိုင်ခန်းခကောက်ပြီး ပြန်လာတဲ့ မီးရထားဝန်တယောက်ကို  အမည်မသိအမျိုးသားတွေက သေနတ်ပြပြီး ငွေကျပ် သိန်း ၂၀ ကျော် လုယက်ခဲ့ပါတယ်။

2 mins Ago

October 2, 2020

အသုတ်မြို့တွင် မီးအားမြှင့်စက် အပူလွန်ကဲပြီး အိမ်ဆောက်ပစ္စည်းဆိုင် မီးလောင် (ဓာတ်ပုံ)

ဧရာဝတီတိုင်းဒေသကြီး၊ ပုသိမ်ခရိုင်၊ ရေကြည်မြို့နယ်၊ အသုတ်မြို့မှာ အောက်တိုဘာ ၂ ရက်နေ့ မနက်ပိုင်းက အိမ်ဆောက်ပစ္စည်းဆိုင် မီးလောင်မှုဖြစ်ပွားခဲ့တယ်လို့ အသုတ်နယ်မြေမီးသတ်စခန်းက သိရပါတယ်။ အမှတ် ၄ ရပ်ကွက်ရှိ ကျောင်းလမ်းနဲ့ဘူတာရုံ လမ်းထောင့်က ဦးဝင်းစိန် အိမ်ဆောက်ပစ္စည်းအရောင်ဆိုင်မှာ မီးအားမြင့်စက်အပူလွန်ကဲပြီး အနီးရှိ စားရေးကိရိယာ ပစွည်းတွေကို မီးကူးကာ စတင်လောင်ကျွမ်းခဲ့တာလို့ ရေကြည်မြို့နယ်မီးသတ်ဦးစီးဌာနက ဦးစီးမှူး ဦးစိုးနိုင်က DVB ကိုပြောပါတယ်။ "မနက်အစောကြီး ဖြစ်တာပေါ့နော်၊  အိမ်ဆောက်ပစ္စည်းဆိုင်ပါ ပေါက်ကွဲမှုအနည်းငယ်ဖြစ်ပါတယ်။ တင်ဒါ သင်္ဘောဆေး တို့ကြောင့် ပေါက်ကွဲတာပါ။ လူထိခိုက်မှုမရှိပါဘူး၊ ဆိုင်ကတော့ တော်တော်ကုန်သွားတယ်။" မီးလောင်းကျွမ်းမှုဖြစ်ပွားခဲ့တဲ့ အိမ်ဆောက်ပစ္စည်းဆိုင်မှာ လူနေအိမ်ပါတွဲထားကာ ညဘက် မအိပ်ခင် မီးအားမြှင့်တင်အသုံးပြုခဲ့ပြီး မီးပျက်ချိန်မှာ အိပ်ပြီးမီးအား မချမိတာကြောင့် မီးပြန်လာချိန် ဆောင့်တက်ပြီး ခုလို လောင်းကျွမ်းတာဖြစ်နိုင်တယ်လို့ ဆိုပါတယ်။ မီးလောင်ကျွမ်းမှုကို အသုတ်နယ်မြေမီးသတ်စခန်း မီးငြိမ်းသတ်ယာဉ် ၂ စီး ရေသယ်ယာဉ် ၁ စီ၊ ရေကြည်မြို့နယ်မီးသတ်ဦးစီးမှူးရုံးက မီးငြီမ်းသတ်ယာဉ် ၁ စီး၊ ရေသယ်ယာဉ် ၁ စီး မီးသတ်တပ်ဖွဲ့ဝင်တွေ၊ အရန်မီးသတ်တပ်ဖွဲ့ဝင်တွေ၊  ရဲတပ်ဖွဲ့များ အထွေထွေအုပ်ချုပ်ရေးမှူးနဲ့ တာဝန်ရှိသူတွေနဲ့ ပြည်သူတွေ  ဝိုင်းဝန်း မီးငြှိမ်းသတ်ခဲ့ကြပါတယ်။ မီးလောင်မှုကြောင့် စုစုပေါင်းတန်ဖိုး သိန်း ၈၂ သိန်းကျော်ဖိုး ပျက်စီးဆုံးရှုံးခဲ့တယ်လို့ ရေကြည်မြို့နယ်မီးသတ်ဦးစီးဌာနက သိရပါတယ်။ မီးလောင်မှုကြောင့် အိမ်ရှင် ဦးဝင်းစိန်အား အသုတ်နယ်မြေရဲစခန်းမှာ (ပ)၂၃၉/၂၀၂၀၊ ရာဇသတ်ကြီးပုဒ်မ ၂၈၅ နဲ့ အမှုဖွင့် အရေးယူထားတယ်လို့ ရဲတပ်ဖွဲ့ထံက သိရပါတယ်။ သတင်း - မင်းထက်မုန်း (ပုသိမ်)
2 years Ago
Up