close

အီကာဒီ

close

October 10, 2021

အီကာဒီကိုခေါ်ယူရန် ထိပ်တန်းကလပ်များနှင့်အပြိုင် နယူးကာဆယ် ကြိုးပမ်းမည်

နယူးကာဆယ်အသင်းဟာ ပိုင်ရှင်အသစ်လက်ထက်မှာ အင်အားတောင့်တင်းဖို့ စတင်ပြင်ဆင် လာခဲ့ပြီး ပီအက်စ်ဂျီတိုက်စစ်မှူး အီကာဒီကိုခေါ်ယူဖို့ ကြိုးပမ်းမယ်လို့ သိရပါတယ်။ 

အာဂျင်တီးနား တိုက်စစ်မှူး အီကာဒီကို စပါး နဲ့ ဂျူဗင်တပ်အသင်းတွေကလည်း ခေါ်ယူလိုနေပြီး နယူးကာဆယ်အသင်းက အဲဒီအသင်းတွေနဲ့ အပြိုင် ကမ်းလှမ်းသွားမယ်လို့ ဆိုပါတယ်။ 

အသက် ၂၈ နှစ်ရှိ အီကာဒီဟာ  ပီအက်စ်ဂျီအသင်းအတွက် စုစုပေါင်း ၇၂ ပွဲမှာ ၃၆ ဂိုး သွင်းယူထားပေမယ့် ပုံမှန်ပွဲထွက်ခွင့်ရဖို့ ရုန်းကန်နေရတာပါ။ 

နယူးကာဆယ်အသင်းဟာ ပရီးမီးယားလိဂ်မှာ အဆင့် ၁၉ နေရာ ရပ်တည်နေပြီး တိုက်စစ်ပိုင်းက ဝီလ်ဆင်၊ ဂျိုလင်တန်နဲ့ ဒွိုက်ဂေးလ်တို့ရဲ့ ခြေစွမ်းကို အသင်းဘက်က အားမလိုအားမရ ဖြစ်နေတာပါ။ 

လာမယ့်ဇန်နဝါရီ အပြောင်းအရွှေ့မှာ ခံစစ်ပိုင်းကိုပြင်ဆင်ဖို့အတွက် ဘန်လေနောက်ခံလူ တာကောစကီးကို ခေါ်ယူဖို့လည်း နယူးကာဆယ်အသင်းက ပြင်ဆင်နေပါတယ်။

7 mins Ago

May 31, 2020

အီကာဒီကို ပီအက်စ်ဂျီအသင်း အပြီးသတ်ခေါ်ယူဟု သတင်းထွက်

ပီအက်စ်ဂျီအသင်းဟာ တိုက်စစ်မှူး အီကာဒီကို အပြီးသတ်ခေါ်ယူလိုက်ပြီလို့ သတင်းထွက်ပေါ်နေပါတယ်။  အီကာဒီကို အင်တာမီလန်အသင်းကနေ အငှားစာချုပ်နဲ့ခေါ်ယူထားတာဖြစ်ပါတယ်။ ပြင်သစ် သတင်းစာတွေရဲ့ ဖော်ပြချက်အရ ယူရို ၅၇ သန်းနဲ့ အပြီးသတ်ခေါ်ယူခဲ့တာလို့ သိရပါတယ်။  အာဂျင်တီးနားတိုက်စစ်မှူး အီကာဒီဟာ ပြီးခဲ့တဲ့နှစ် စက်တင်ဘာလက တရာသီအငှားစာချုပ်နဲ့ ပြောင်းရွှေ့လာတာပါ။  ပီအက်စ်ဂျီအသင်းအတွက် စုစုပေါင်း ပွဲ ၂၀ မှာ ၁၂ ဂိုးသွင်းယူနိုင်ခဲ့ပါတယ်။ ပီအက်စ်ဂျီ အသင်းဟာ အခုနှစ်လိဂ်ပြိုင်ပွဲကို မပြီးသေးပေမယ့် ဗိုင်းရပ်စ်အန္တရာယ်ကြောင့် ဖျက်သိမ်းလိုက်လို့ ချန်ပီယံဖြစ်ခဲ့ပြီး ဥရောပချန်ပီယံလိဂ်ပြိုင်ပွဲကိုပဲ ယှဉ်ပြိုင်သွားရမှာဖြစ်ပါတယ်။ 
1 year Ago
Up