မွန်ပြည်နယ်၊ ကျိုက်မရောမြို့နယ်က မွတ်စလင်လူငယ်တွေဟာ ဒီကနေ့ မေလ ၁၄ နေ့မှာ ကျရောက်တဲ့ အီးဒ်နေ့မှာ အာဏာသိမ်း စစ်ကောင်စီကို ဆန့်ကျင် ဆန္ဒဖော်ထုတ်ခဲ့ကြပါတယ်။

မွတ်စလင်လူငယ်တွေကတော့ စစ်အာဏာသိမ်းမှုကြောင့် အများနည်းတူ အီးဒ်နေ့မှာ မပျော်ရွှင်နိုင်ကြောင်းနဲ့ အရေးတော်ပုံကာလအတွင်း ကျဆုံးခဲ့တဲ့ သူရဲကောင်းတွေကို အလေးပြုတယ်လို့ ဆိုကြပါတယ်။

ဒီကနေ့ဟာ အစ္စလာမ် ဘာသာဝင်တွေရဲ့ နေ့ထူးနေ့မြတ်နေ့လည်း ဖြစ်ပါတယ်။ မွန်ပြည်နယ်မှာတော့ အာဏာသိမ်း စစ်ကောင်စီရဲ့ တပ်နဲ့ရဲတို့ရဲ့ ပစ်ခတ်မှုကြောင့် အစ္စလာမ် ဘာသာဝင် မွတ်စလင် လူငယ် ၂ ဦး သေဆုံးထားပါတယ်။