ဧရာဝတီတိုင်း၊ ပုသိမ်မြို့မှာ မေလ ၁၉ ရက် ညပိုင်းက မြန်မာ့စီးပွားရေးဘဏ်ရှေ့ လုံခြုံရေးယူနေတဲ့ အကြမ်းဖက်စစ်ကောင်စီရဲ့ လက်နက်ကိုင် စစ်သား တစ်ယောက် အုတ်ခဲနဲ့ အထုခံခဲ့ရပါတယ်။
ညမထွက်ရ အမိန့်ထုတ်ပြန်ထားချိန် မနေ့ ည ၉ နာရီခွဲလောက်မှာ ဘဏ်ရှေ့ ရပ်စောင့်နေတဲ့ အကြမ်းဖက်စစ်သားတစ်ယောက်ကို လူတစ်ယောက်က ဆိုင်ကယ်မောင်းနှင်ရင်း အုတ်ခဲနဲ့ ထုသွားတာလို့ အနီးအနားရပ်ကွက်နေ မျက်မြင်တွေသူ့တွေက ဒီဗွီဘီကို ပြောပါတယ်။
အုတ်ခဲနဲ့အထုခံရတဲ့ အကြမ်းဖက်စစ်သားဟာ သေနတ်ကိုင်ပြီး နောက်ယိုင်သွား တာကြောင့် ဆိုင်ကယ်သမားကို ဖမ်းမိတာမျိုးမရှိပေမယ့် စစ်တပ်က မြို့ထဲပိတ်ဆို့ ရှာဖွေနေတယ်လို့ ဆိုပါတယ်။
ပုသိမ်မြို့မှာ စစ်တပ်အာဏာသိမ်းပြီးနောက်ပိုင်း စစ်အာဏာရှင်ဆန့်ကျင်ရေး ဆန္ဒပြတာတွေရှိခဲ့ပေမယ့် အကြမ်းဖက်စစ်သားတွေကို လူထုက ခုလို ပြန်တိုက်ခိုက်တာဟာ ပထမဆုံးအကြိမ်ဖြစ်ပါတယ်။
