မြန်မာနိုင်ငံနိုင်ငံမှာ ကိုဗစ်တတိယလှိုင်းဖြစ်ပွားချိန်ကစပြီး အောက်ဆီဂျင်လိုအပ်ချက် များပြားလာတဲ့အတွက် ရောင်းချပေးဖို့ မြန်မာနိုင်ငံလုံးဆိုင်ရာ အစ္စလာမ်ဘာသာရေးအဖွဲ့ကြီး ပံ့ပိုးကူညီရေးကော်မတီ (MMAID) က မှာယူထားတဲ့ အောက်ဆီဂျင်အိုးတွေ သြဂုတ် ၁ ရက်နေ့က ရောက်လာပြီလို့ သိရပါတယ်။

အစ္စလာမ်သာသနာရေးရာကောင်စီဌာနချုပ် အတွင်းရေးမှူးချုပ် ဦးတင်မောင်သန်းက “အိုးတွေကတော့ အသုတ်တွေခွဲပြီး ရောက်တာပေါ့။ စုစုပေါင်း ၃၄၀၀ သွင်းဖို့ လျာထားတာ။ ၄၀ လီတာအိုးက နှစ်သိန်း။ ၁၅ လီတာအိုးကတော့ ၁၄၀,၀၀၀ ပေါ့။ အဲဒါက ပစ္စည်းအစုံအလင်ပေါ့။ ၃၀၀၀ ကိုတော့ ရောင်းပါ မယ် ၄၀၀ ကိုတော့ လှူဒါန်းတာတွေ လုပ်ပါမယ်။ အခုက ကားနဲ့သယ်လာတာ အလုံး ၇၀၀ ကျော်ပါ” လို့ ပြောပါတယ်။

MMAID အနေနဲ့ ကိုဗစ်တတတိယလှိုင်းကစတင်ပြီး သက်ဆိုင်ရာဗလီတွေနဲ့ အသင်းပိုင်နေရာတွေမှာ အောက်ဆီဂျင် ပေးဝေလှူဒါန်းတာတွေ ပြုလုပ်နေတယ်လို့ သိရပါတယ်။

အခုအောက်ဆီဂျင် ရောင်းချပေးမယ့် အစီအစဥ်အတွက် အွန်လိုင်းကနေ လျှောာက်လွှာတွေ  ခေါ်ယူခဲ့ပြီး လာရောက်လျှောက်ထားသူ များပြားပြီး ဝယ်ယူလိုတဲ့ အိုးအလုံးရေ တစ်သောင်းကျော်ရှိတယ်လို့ သိရပါတယ်။

လူတစ်ဦးချင်းအနေနဲ့ တစ်လုံးသာ ရောင်းချပေးမှာဖြစ်ပြီး ပရဟိတအသင်းတွေနဲ့ ဘာသာရေးဆိုင်ရာ ကူညီရေးအသင်းတွေကို နှစ်လုံးနှုန်းစီ၊ ဘာသာရေးဆိုင်ရာ ဆေးရုံတွေကို ငါးလုံးစီနဲ့ ရန်ကုန်ပြည်သူ့ဆေးရုံကြီးကို ၁၀ လုံး လှူဒါန်းသွားမယ်လို့ ဆိုပါတယ်။

လက်ရှိအချိန်မှာ အိုး ၇၀၀ ကျော်ရောက်ရှိလာပြီဖြစ်ပြီး ရန်ကုန်နဲ့ မန္တလေးအတွက် ပစ္စည်းတွေ ချထားပေးပြီးပြီလို့ သိရပါတယ်။

မြန်မာနိုင်ငံမှာ ကိုဗစ်ရောဂါကူးစက်မှု များလာချိန်ကစပြီး အောက်ဆီဂျင်လိုအပ်ချက် ရှိလာပြီး အောက်ဆီဂျင်အိုးနဲ့ ဆက်စပ်ပစ္စည်းတွေကို ဈေးတင်ရောင်းချတာနဲ့ ပစ္စည်းပြတ်လပ်တာတွေ ကြုံနေကြရတာပါ။

Myanmar Muslim Aid (MMAID) ရဲ့ လူမှုကွန်ရက်စာမျက်နှာမှာ ရောင်းချမယ့်ပုံစံတွေကို ဖော်ပြထားပါတယ်။

Photo - MPA

တရုတ်-မြန်မာနယ်စပ် ချင်းရွှေဟော်နယ်စပ်ကုန်သွယ်ရေး စခန်းကနေ လီတာ ၄၀ ဆံ့ ‌အောက်ဆီဂျင်အိုး အလုံးရေ ၂၀,၀၀၀ ဇူလိုင်လအတွင်း   တင်သွင်းဖို့ကုန်သည်တွေက စီစဉ်နေပါတယ်။

အဆိုပါတရုတ်နယ်စပ်စခန်းကနေ flow meter အပါ အောက်ဆီဂျင် လီတာ ၄၀  အိုးအလွတ် တစ်လုံးကို မန္တလေးအရောက်စျေး ၁၇၈,၅၀၀ ကျပ်နဲ့ ၀ယ်ယူနိုင်ခဲ့ကြောင်း ကွမ်းလုံ၊ ဟိုပန်-ချင်း ရွှေဟော်-လောက်ကိုင် နယ်စပ်ကုန်သည်များအသင်းက ကုန်သည်စက်မှုအသင်းချုပ်ထံ ပေးပို့တင်ပြတဲ့စာအရ သိရပါတယ်။

ဒီလိုတင်သွင်းဖို့ စီစဉ်ထားပြီး ဖြစ်တာကြောင့်လတ်တလော ဖြစ်ပေါ်နေတဲ့ အောင်ဆီဂျင်လိုအပ်ချက်ကို အထိုက်အလျောက် ဖြည့်တင်းနိုင်မှာဖြစ်ပါတယ်။

လတ်တလောမှာ ကိုဗစ်တတိယလှိုင်းကြောင့် ကူးစက်မှုနှုန်းနဲ့အတူ အောက်ဆီဂျင် လိုအပ်ချက် မြင့်တက်နေမှုအပေါ် အခွင့်ကောင်းယူပြီး စျေးကွက်အတွင်းမှာ တရုတ်ထုတ် လီတာ ၄၀  ‌ေ အောက်ဆီဂျင် တစ်အိုးကို ကျပ်နှစ်သိန်းခွဲကနေ ကျပ်ခုနှစ်သိန်း၀န်းကျင်ထိ စျေးတင်ရောင်းချ နေကြတာ တွေ့ရပါတယ်။

ပြည်ပက အောင်ဆီဂျင် တင်သွင်းသူတွေအနေနဲ့ သင့်တင့်မျှတတဲ့ အမြတ်ငွေရယူပြီး ၀င်ငွေနည်းပါးတဲ့လူနာတွေကို သက်သက်သာသာနဲ့  အောက်ဆီဂျင်အိုးဝယ်လို့ရအောင် ရောင်းချပေးခြင်းနဲ့ ကူညီပေးသင့်တယ်လို့ ကုန်သည်စက်မှုအသင်းချုပ် အလုပ်အမူဆောင် အဖွဲ့၀င်ဒေါက်တာစိုးထွန်းက အကြံပြု ပါတယ်။

ကွမ်းလုံ၊ဟိုပန်-ချင်းရွှေဟော်-လောက်ကိုင် နယ်စပ်ကုန်သည်များအသင်းအနေနဲ့ ဇူလိုင် ၈ ရက်မှ ၂၀ရက်နေ့အထိကို အောက်ဆီဂျင် အလုံးရေ ၇၅၀၀ ထိတင်သွင်းထားပြီး ဖြစ်ပါတယ်။ နောက်လ တွေမှာလည်း အောက်ဆီဂျင်အိုးတွေကိုထပ်မံ၀ယ်ယူတင်သွင်းနိုင်ဖို့  ဆောင်ရွက်မယ်လို့ သိရပါတယ်။

ကိုဗစ်-၁၉ ရောဂါကာကွယ်ထိန်းချုပ်ကုသရေးပစ္စည်းတွေကို လေကြောင်း၊ ဆိပ်ကမ်း၊ နယ်စပ်ဂိတ် အသီးသီးကနေ တင်သွင်းခွင့်ပြုနေပြီး အခုလို ရုံးပိတ်ရက်ရှည်ကာလမှာလည်း တင်သွင်းခွင့်ပြုနေတယ်လို့ အကောက်ခွန်ဌာနက ဆိုပါတယ်။