ဒီဇင်ဘာ ၃၁ ရက်မှာ ကျရောက်တဲ့ ၂၃၇ နှစ်မြောက် ရက္ခိုင်ဘုရင့်အချုပ်အခြာ ကျဆုံးခြင်း ဝမ်းနည်းအောက်မေ့ဖွယ် အခမ်းအနားကို ရခိုင်ပြည်နယ်တဝန်း ကျင်းပခဲ့ကြပါတယ်။
အောက်မေ့ဖွယ် အခမ်းအနားတွေကို ကျောက်ဖြူ၊ အမ်း၊ စစ်တွေ၊ မြောက်ဦး၊ ကျောက်တော်၊ မင်းပြား၊ ပုဏ္ဏားကျွန်း၊ ရသေ့တောင်၊ ဘူးသီးတောင်၊ မောင်တောစတဲ့မြို့နယ်တွေအပြင် စစ်တွေ တက္ကသိုလ်နဲ့ ရခိုင်အမျိုးသားပါတီရုံးတို့မှာပါ ကျင်းပခဲ့ကြတာပါ။
မောင်တောမြို့မှာ ဦးဆောင်ကျင်းပသူ ရခိုင်စည်တော်အသင်းနာယက ဦးဘိုဟန်သိန်းက "ဆီမီး ပူဇော်ရတာက ရခိုင်တစ်ပြည်နယ်လုံးကို ရည်ရွယ်ပြီး မီးထွန်းညှိကြတာ ဖြစ်တယ်။ ဒီဇင်ဘာ ၃၁ ရက်ဟာ ရခိုင်နိုင်ငံတော်အချုပ်အခြာ အာဏာကျဆုံးရတဲ့နေ့ ဖြစ်ပါတယ်။ ဒီနေ့ကို ရခိုင်တစ်ပြည်နယ်လုံးက ရခိုင်ပြည်သူတွေက အောက့်မေ့တမ်းတတဲ့အနေနဲ့ အခုလို မြို့ဦးရွာ ဘုန်းတော်ကြီးကျောင်းတိုက်မှာ ဆီမီးပူဇော်ရတာဖြစ်ပါတယ်။ နောက်နောင်တွင်လည်း အခုလို အောက်မေ့ဖွယ်အခမ်းအနားတွေ လုပ်ကြဖို့ မျှော်လင့်မိပါတယ်"လို့ ပြောပါတယ်။
အဲဒီအထိမ်းအမှတ်ပွဲမှာ ရခိုင်သမိုင်းစာပေ အထောက်အထားတွေနဲ့တကွ မြောက်ဦးခေတ် သရုပ်ပြ ပန်းချီကားတွေကို လူငယ်တွေ လေ့လာနိုင်ဖို့ ပြသထားပါတယ်။
ဆရာတော် သံဃာတော်တွေက ပရိတ်တရားတော်တွေဟောကြားတာ၊ အာရက္ခနိုင်ငံသီချင်း ဖွင့်တာ၊ ရက္ခိုင့်အချုပ်အခြာအာဏာကျဆုံးခြင်းနေ့မှာ ဖယောင်းတိုင်မီးထွန်း ဆုတောင်းခြင်း၊ ရခိုင်ခေါင်းဆောင်တွေကို တစ်မိနစ်ခန့်ငြိမ်သက် အလေးပြုတာ၊ ကဗျာဆရာ တချို့က ကဗျာရွတ်ဆိုတာ၊ ရခိုင်သမိုင်းစာပေအထောက်အထားတွေနဲ့တကွ မြောက်ဦးခေတ်သရုပ်ပြ ပန်းချီကားတွေကို လူငယ်တွေ လေ့လာနိုင်ဖို့ ပြသခဲ့ကြပါတယ်။
ရခိုင်တို့ရဲ့ ရှေးဟောင်းမင်းနေပြည်တော် မြောက်ဦးဟာ အေဒီ ၁၄၃၀ ခုနှစ်မှာ ရခိုင်ဘုရင် မင်းစောမွန်က တည်ထောင်ခဲ့ပြီး အေဒီ ၁၇၈၄ ခုနှစ် နှစ်ပေါင်း ၃၄၅ နှစ်အကြာမှာ ဘိုးတော်ဘုရား က ၀င်ရောက် သိမ်းပိုက်ရာက ရခိုင်ဘုရင့်နိုင်ငံတော် နိဂုံးချုပ်ခဲ့ရတာပါ။
ရခိုင်ဘုရင့်နိုင်ငံတော်အချုပ်အခြာ အာဏာကျဆုံးခြင်းနေ့ကို ရခိုင်လူမျိုးတွေအနေနဲ့ ပြည်တွင်းမှာ ၂၀၁၈ ခုနှစ်မတိုင်ခင်က ကျင်းပခွင့်မရခဲ့ဘဲ ပြည်ပနိုင်ငံတွေမှာသာ ကျင်းပခဲ့ကြတာပါ။
ဒီနှစ်မှာတော့ ရခိုင်ပြည်နယ်နယ်စပ် ဘင်္ဂလားဒေ့ရှိနိုင်ငံ၊ ကော့ဇ်ဘဇားခရိုင်၊ ကယူချောင်းမြို့နဲ့ ဖလောင်းချိတ်မြို့များမှာပါ စည်ကားစွာကျင်းပခဲ့ကြပါတယ်။
ဩဂုတ် ၈ ရက်နေ့ ကျရောက်တဲ့ ရှစ်လေးလုံးလူထုအရေးတော်ပုံ ၃၃ နှစ်မြောက် အောက်မေ့ဖွယ်အခမ်းအနားကို လွတ်မြောက်နယ်မြေတစ်ခုမှာ ပညာရေးသမဂ္ဂအင်အားစုများ စုပေါင်းပြီး ကျင်းပပြုလုပ်ခဲ့ကြပါတယ်။
ပညာရေးကောလိပ်ကျောင်းသားသမဂ္ဂများကိုယ်စားပြုကော်မတီနှင့် အခြေခံပညာ ပညာရေးလုပ်သားသမဂ္ဂများ တိုက်ပွဲဦးဆောင်ကော်မတ်၊ အခြေခံပညာ ပညာရေးဝန်ထမ်းများ အထွေအထွေသပိတ်ကော်မတီ၊ CDM ဝန်ထမ်းများ၊ တောင်ငူပညာရေး ဒီဂရီကောလိပ် ကျောင်းသားများသမဂ္ဂ၊ ဘားအံပညာရေး ဒီဂရီကောလိပ် ကျောင်းသားများသမဂ္ဂတို့ စုပေါင်းပြုလုပ်ခဲ့ကြတာပါ။
အခမ်းအနားမှာ ဒီမိုကရေတိုက်ပွဲအတွင်းကျဆုံးလေပြီးသော သူရဲကောင်းအပေါင်းအား အလေးပြုတာ၊ ဝမ်းနည်းခြင်းအထိမ်းအမှတ် တစ်မိနစ်ငြိမ်သက်တာ၊ ကမ္ဘာမကြေသီချင်း သံပြိုင်သီဆိုတာ၊ သွေးသစ္စာသီချင်းသံပြိုင်သီဆိုတာတွေ ပြုလုပ်ခဲ့ကြပြီး အခြေခံပညာရေးအထွေထွေသပိတ်ကော်မတီနဲ့ ပညာရေးဒီဂရီကောလိပ်အသီးသီးက ပေးပို့တဲ့သဝဏ်လွှာတွေ ဖတ်ကြားခဲ့ကြပါတယ်။
