နယူးကာဆယ်အသင်းဟာ မန်ချက်စတာယူနိုက်တက်မှာ ပွဲထွက်ခွင့်နည်းပါးနေတဲ့ ကစားသမား ၄ ဦးကို ခေါ်ယူဖို့ ကြိုးပမ်းနေတယ်လို့ သိရပါတယ်။ 

Mirror သတင်းစာရဲ့အဆိုအရ နယူးကာဆယ်အသင်းဟာ ယူနိုက်တက်ကွင်းလယ်လူတွေဖြစ်တဲ့ ဂျီဆီလင်ဂတ်နဲ့ ဗန်ဒီဘိခ်၊ တိုက်စစ်မှူးမာစီယယ် နဲ့ နောက်ခံလူ အဲရစ်ဘိုင်ယီတို့ကို ခေါ်ယူဖို့ ဆန္ဒရှိနေတယ်လို့ဆိုပါတယ်။ 

လာမယ့် ဇန်နဝါရီ အပြောင်းအရွှေ့မှာပဲ ကမ်းလှမ်းမှုတွေ စတင်လုပ်ဆောင်မယ်လို့ သိရပါတယ်။ 

အသက် ၂၄ နှစ်ရှိ ဟော်လန်ကွင်းလယ်လူ ဗန်ဒီဘိခ်ဟာ ပွဲထွက်ခွင့်နည်းပါနေလို့ အသင်းကနေ ထွက်ခွာချင်သူဖြစ်ပြီး လင်ဂတ်နဲ့ တိုက်စစ်မှူးမာစီယယ်ကိုလည်း ယူနိုက်တက်က ရောင်းချဖို့ရှိနေပါတယ်။ နောက်ခံလူ ဘိုင်ယီဟာလည်း နည်းပြဆိုးလ်ရှားလက်ထက်မှာ ပွဲထွက်ခွင့်မရတာကြောင့် အသင်းပြောင်းရွှေ့ဖို့ ရှိနေတာဖြစ်ပါတယ်။ 

နယူးကာဆယ်အသင်းကို ဆော်ဒီအိမ်ရှေ့မင်းသား ဦးဆောင်တဲ့အဖွဲ့က ပေါင် ၃၀၅ သန်းနဲ့ ဝယ်ယူပြီးတဲ့နောက်မှာ ကစားသမားကောင်းတွေကို ခေါ်ယူသွားဖို့ ရှိနေပါတယ်။