ကျုံပျော်မြို့နယ်၊ အထောင်တိုက်နယ်၊ EPC ရုံးအ၀င်ဝမှာ ဒီဇင်ဘာ ၃ ရက်နေ့ မနက် ၄ နာရီ ၄၅ မိနစ်လောက် လက်လုပ်ဗုံးတစ်လုံး ပေါက်ကွဲခဲ့တယ်လို့ သိရှိရပါတယ်။
အထောင် EPC ရုံးအ၀င်မှာ ဗုံးပေါက်ကွဲမှုအား KSTF (Kyonpyaw Special Task Force)က ပြုလုပ်တာဖြစ်ပြီး ထူထိခိုက်မှုမရှိကြောင်း သိရပါတယ်။
EPC ဝန်ထမ်းတွေကို ပထမကြိမ် လက်တွေ့သတိပေးတဲ့အနေနဲ့ ဖောက်ခွဲခဲ့တာ ဖြစ်ကြောင်း၊ သတိပေးခဲ့တဲ့အတိုင်း မီတာခ ဖိအားပေးကောက်ခံတာ၊ မပေးပါက မီးဖြတ်တောက်ဆိုပြီး ခြိမ်းခြောက်တာတွေ ဆက်လက်ပြုလုပ်ပါက ထိထိရောက်တုံ့ပြန်သွားမယ်လို့ KSTF အဖွဲ့က ထုတ်ပြန်ထားပါတယ်။
ကျုံပျော်မြို့ပေါ်နဲ့ ကျေးရွာတွေမှာ စစ်ကောင်စီတပ်နဲ့ လက်အောက်ခံ EPC က လျှပ်စစ်မီတာခတွေ ပေးဖို့ ဖိအားပေးကောက်ခံနေတယ်လို့ ဒေသခံတွေက ပြောပါတယ်။
ကျုံပျော်မြို့နယ်မှာ နို၀င်ဘာလအတွင်း စစ်တပ်ပိုင် မိုင်တဲလ်တာဝါတိုင်တိုက်ခိုက်ခံရသလို ဒလန်ရှင်းလင်းခံရတာတွေလည်း ရှိတယ်လို့ သိရပါတယ်။
