တောင်ကိုရီးယားအစိုးရက သူ့ရဲ့ လုပ်သားအင်အားနဲ့ လိုက်လျောညီထွေရှိပြီး ဝန်ထမ်းတွေကို ကူညီပေးနိုင်မယ်လို့ မျှော်လင့်ထားတဲ့ အလုပ်သမားပြုပြင်ပြောင်းလဲရေး ဥပဒေကြမ်းကို လာမယ့်လမှာ ကြေညာဖို့ စီစဉ်ထားပါတယ်။
ဝန်ထမ်းတွေရဲ့ လုပ်ငန်းခွင်ဘဝ ဟန်ချက်ညီမှုက ပိုကောင်းကောင်း ပြောင်းလဲသွားမယ်လို့ တော်တော်များများက ယုံကြည်ကြပါတယ်။
ကမ္ဘာ့ ၁၀ ခုမြောက် စီးပွားရေး အင်အားကြီးနိုင်ငံ တောင်ကိုရီးယားမှာ နိုင်ငံသား ၁၈ ရာခိုင်နှုန်းကျော်ဟာ ၂၀၂၁ ခုနှစ်မှာ တပတ်ကို နာရီ ၅၀ ကျော် အလုပ်လုပ်ခဲ့တယ်လို့ စီးပွားရေး ပူးပေါင်းဆောင်ရွက်မှုနှင့် ဖွံ့ဖြိုးတိုးတက်ရေးအဖွဲ့အစည်း (OECD) က ထုတ်ပြန်တဲ့ အချက်အလက်တွေက ဆိုထားပါတယ်။
ဥပဒေကြမ်းအရ အလုပ်သမားတွေဟာ အပတ်စဉ်၊ လစဉ် ဒါမှမဟုတ် နှစ်အလိုက် အချိန်ပိုအလုပ် ဘယ်လောက်လုပ်ဆောင်နိုင်သလဲ ဆိုတာကို ရွေးချယ်နိုင်ပါတယ်။
လူနေမှုဘဝ အရည်အသွေးကို တိုးတက်စေဖို့ မျှော်လင့်ချက်နဲ့ ၂၀၁၈ မှာ ပြဋ္ဌာန်းခဲ့တဲ့ တပတ်ကို ၅၂ နာရီ အလုပ်လုပ်ရမယ့် မူဝါဒကို ကျောခိုင်းဖို့ ရွေးချယ်နိုင်တော့မှာပါ။
အလုပ်သမားတွေကို လိုက်လျောညီထွေမှု ပိုပေးခြင်းအားဖြင့် အလုပ်သမားတွေ အဆုံးမှာ အလုပ်လျှော့လုပ်နိုင်မယ်လို့ ယုံကြည်ပေမဲ့ လူတွေဟာ လစဉ် တပတ်ကို ၆၉ နာရီအထိ အလုပ်လုပ်နိုင်တယ်လို့ အစိုးရက ယုံကြည်ထားပါတယ်။
