ပြီးခဲ့တဲ့ ကာတာကမ္ဘာ့ဖလားပြိုင်ပွဲမှာ ဒိုင်လူကြီးတွေကို ဖိအားပေး တောင်းဆိုခဲ့တဲ့ ဥရုဂွေး ကစားသမားတွေကို ဖီဖာကပွဲပယ်နဲ့ ဒဏ်ငွေပြစ်ဒဏ်တွေချမှတ်ခဲ့ပါတယ်။
ဥရုဂွေးအသင်းဟာ အုပ်စုနောက်ဆုံးပွဲစဉ်မှာ ဂါနာကို ၂ ဂိုး ဂိုးမရှိနဲ့အနိုင်ရခဲ့ပေမယ့် နောက်တစ်ဆင့်တက်ခွင့်မရခဲ့ပါဘူး။
ပွဲပြီးခါနီးအချိန်တွေမှာ ပင်နယ်တီမပေးခဲ့မှုအပေါ် ဥရုဂွေးကစားသမားတွေက ပွဲအပြီးမှာ ဒိုင်လူကြီး တွေအနားလာပြီး တွန်းထိုးဆဲဆိုခဲ့ကြတာပါ။
အဲဒီအထဲမှာ နောက်ခံလူ ဟီမီနက်ဇ်လည်းပါဝင်ပြီး ၄ ပွဲပယ်ပြစ်ဒဏ်ချမှတ်ခံခဲ့ရတယ်လို့ မာကာသတင်းမှာဖော်ပြပါတယ်။
ဒါ့အပြင် ကွင်းအတွင်းက VAR မော်နီတာကိုချိုးဖျက်ခဲ့တဲ့ တိုက်စစ်မှူးကာဗာနီကို တစ်ပွဲပယ်ပြစ်ဒဏ်၊ စောဒကတက်ခဲ့တဲ့ ဂိုးသမား မူဆာလာယာကတော့ ၄ ပွဲ ပယ်ပြစ်ဒဏ်ချမှတ်ဖို့ရှိတယ်လို့ဆိုပါတယ်။
သူတို့ရဲ့ ပွဲပယ်ပြစ်ဒဏ်တွေမှာ ကလပ်အသင်းနဲ့ သက်ဆိုင်ခြင်းမရှိဘဲ နိုင်ငံတကာပွဲစဉ်တွေရောက်မှ စတင်ကျခံရမယ်လို့ သိရပါတယ်။
