close

ဥရောပကလပ်

close

February 25, 2022

ယူကရိန်းနဲ့အတူရှိကြောင်း ဥရောပကလပ်၊ ကစားသမားနှင့်ပရိသတ်များ ထုတ်ဖော်ပြသ

မနေ့က ကစားသွားခဲ့တဲ့ ဥရောပကလပ်အသင်းပြိုင်ပွဲတွေမှာ ယူကရိန်းနိုင်ငံနဲ့ အတူရှိကြောင်း ကလပ်တွေ၊ ကစားသမားတွေ နဲ့ ပရိသတ်တွေက ထုတ်ဖော်ပြသခဲ့ကြပါတယ်။

အီတလီကလပ် အက်တလန်တာက ဂရိကလပ် အိုလံပီယာကော့စ်အသင်းကို ၃ ဂိုး ဂိုးမရှိနဲ့အနိုင်ရတဲ့ ယူရိုပါလိဂ်ပွဲစဉ်မှာ ယူကရိန်းကွင်းလယ်လူ မာလင်နိုဗက်စကီးက အနိုင်ဂိုးတစ်ဂိုး သွင်းခဲ့ပါတယ်။

ဂိုးသွင်း ပြီးနောက်မှာ အောက်ခံအင်္ကျီမှာရိုက်နှိပ်ထားတဲ့ “ယူကရိန်းမှာစစ်ပွဲအလိုမရှိ” ဆိုတဲ့စာသားနဲ့ အောင်ပွဲခံခဲ့ပါတယ်။

စပိန်ကလပ် ရီးရဲလ်ဘက်တစ်နဲ့ ယူရိုပါလိဂ်မှာ တစ်သင်းတည်းသာကျန်ရှိတဲ့ ရုရှားကလပ် ဇင်းနစ်တို့ရဲ့ ယူရိုပါလိဂ်ပွဲစဉ်မှာလည်း အိမ်ရှင်ဘက်တစ်ပရိသတ်တွေဟာ ယူကရိန်း အလံတချို့ ကိုင်ဆောင်ပြီး အားပေးခဲ့ပါတယ်။

အီတလီကလပ် နာပိုလီနဲ့ ဘာစီလိုနာတို့ ကစားခဲ့တဲ့ ယူရိုပါလိဂ်ပွဲစဉ်မှာလည်း ပွဲမစတင်ခင်မှာ “စစ်ပွဲရပ်” ဆိုတဲ့ ပိုစတာကို နှစ်ဖက်အသင်းသားတွေက ကိုင်ဆောင်ပြီး ဆန္ဒထုတ်ဖော်ခဲ့ကြပါတယ်။

ခရိုအေးရှားကလပ် ဒိုင်နမိုဇာဂရတ်ပရိသတ်တွေဟာလည်း ဆီဗီလာနဲ့ပွဲမှာ “ယူကရိန်းပြည်သူတွေကို ထောက်ခံအားပေးပါ” ဆိုတဲ့ ပိုစတာတွေ၊ ယူကရိန်းအလံတွေနဲ့ အားပေးခဲ့ကြပါတယ်။ နော်ဝေကလပ် ဘိုဒိုဂလစ်ပရိသတ်တွေဟာလည်း ဆဲလ်တစ်နဲ့ပွဲစဉ်မှာ ယူကရိန်းအလံငယ်တွေ ကိုင်ဆောင်ပြီး အားပေးခဲ့ကြပါတယ်။

အလားတူ ချက်ကလပ် ဆလားဗီးယားပရက်ဂ် ကစားသမားတွေဟာလည်း တူရကီကလပ် ဖီနာဘာချီနဲ့ ကွန်းဖရန့်လိဂ် ပွဲမကစားခင်မှာ “ငါတို့ဟာ ယူကရိန်းနဲ့အတူရှိတယ်” ဆိုတဲ့စာသားပါ တီရှပ်တွေကို ဝတ်ဆင်ပြီး အားပေးခဲ့ကြပါတယ်။

15 mins Ago

November 12, 2020

ဆာအိုပေါ်လိုတိုက်စစ်မှူးကို ဥရောပကလပ်အသင်း ၆သင်း ရရှိရန် အပြိုင် ကြိုးပမ်း

ဘရာဇီးကလပ် ဆာအိုပေါ်လို တိုက်စစ်မှူး ဘရန်နာကို အာဆင်နယ်အပါအဝင် ဥရောပ ကလပ် ၆ သင်းလောက်က အပြိုင်ခေါ်ယူလိုနေပါတယ်။  အသက် ၂၀ သာရှိသေးတဲ့ ဘရန်နာဟာ  အခုနှစ် ဘောလုံးရာသီမှာ စုစုပေါင်း ၁၅ ဂိုး သွင်းယူထားပြီး ဥရောပထိပ်တန်းကလပ်တွေက ခေါ်ယူလိုနေတာ ဖြစ်ပါတယ်။  ဘရန်နာကို အီတလီကလပ်တွေဖြစ်ကြတဲ့ ဂျူဗင်တပ်၊ အေစီမီလန်နဲ့လာဇီယိုတို့က ခေါ်ယူဖို့ စိတ်ဝင်စားနေပြီး အေဂျက်ဇ်၊ ပီအက်စ်ဂျီနဲ့ အာဆင်နယ်အသင်းတွေကလည်း စိတ်ဝင်စားလာတာ ဖြစ်ပါတယ်။  ဘရန်နာဟာ ၂၀၂၂ ခုနှစ်မှာ အသင်းနဲ့စာချုပ် သက်တမ်းကုန်ဆုံးခဲ့ပြီး စာချုပ်ဖျက်သိမ်းကြေး အဖြစ် ယူရို ၄၅ သန်း သတ်မှတ်ထားတယ်လို့ သိရပါတယ်။ 
1 year Ago
Up