close

ဦးဌေးအောင်

close

November 16, 2021

ချောင်းသာကမ်းခြေမှ ပြန်လာသည့် ဝန်ကြီးလမ်းကြောင်း ပစ်ခတ်ခံရမှု စစ်သား ၁၀ ဦးထက်မနည်း သေဆုံး

ဧရာဝတီတိုင်း၊ ပုသိမ်မြို့နယ်မှာ နိုဝင်ဘာလ ၁၅ ရက် ညနေပိုင်းက စစ်ကောင်စီခန့် ဟိုတယ်နဲ့ ခရီး  ဝန်ကြီးနဲ့ တိုင်းဝန်ကြီးချုပ်လမ်းကြောင်းကို တော်လှန်ရေးအင်အားစုတွေပူးပေါင်းပြီး ပစ်ခတ်တိုက်ခိုက်မှုမှာ စစ်သား ၁၀ ဦးထက်မနည်း သေဆုံးခဲ့တယ်လို့ သိရပါတယ်။  

ချောင်းသာကမ်းခြေမှာ ဖွင့်ပွဲလုပ်ပြီးပြန်လာတဲ့ စစ်ကောင်စီခန့် ဟိုတယ်နဲ့ခရီးဝန်ကြီးဌာန ပြည်ထောင်စုဝန်ကြီးဦးဌေးအောင်နဲ့ ဧရာဝတီတိုင်းဝန်ကြီးချုပ်တို့ရဲ့ လမ်းကြောင်းကို ခြောက်ကောင်ကျေးရွာ တောင်သာယာအနားမှာ တော်လှန်ရေးအင်အားစုတွေက ပူးပေါင်းတိုက်ခိုက်ခဲ့ကြတာလို့ မြစ်ဝကျွန်းပေါ်ပြောက်ကျားစစ်ဆင်ရေး တပ်ပေါင်းစုက တာဝန်ရှိသူက ပြောပါတယ်။

“အားလုံး အဲဒီလမ်းကြောင်းကို အဖွဲ့ ၃ ဖွဲ့ပေါင်းပြီး တိုက်ခိုက်တာပါ။ အရင်ဆုံး မိုင်းခွဲတာပါ၊ ပြီးမှ ဝိုင်းပစ်တာ။ အပြန်အလှန် ပစ်ခတ်မှု ဖြစ်တာတော့ ၅ မိနစ်လောက်ကြာမယ်။ ပြီးတာနဲ့ ကျနော်တို့ ပြန်ဆုတ်ခွာတာပါ၊ ခုတော့ အားလုံး လုံခြုံတဲ့နေရာ ရောက်ပြီ” လို့ မြစ်ဝကျွန်းပေါ်ပြောက်ကျားစစ်ဆင်ရေးတပ်ပေါင်းစု တာဝန်ရှိသူ ဗိုလ်ဖြူလေးက ပြောပါတယ်။ 

စစ်ကောင်စီခန့် ပြည်ထောင်စုဝန်ကြီးနဲ့ တိုင်းဝန်ကြီးချုပ်လမ်းကြောင်းကို PWDF၊ မြစ်ဝကျွန်းပေါ်ပြောက်ကျား စစ်ဆင်ရေးတပ်ပေါင်းစုနဲ့ BDF စတဲ့ အဖွဲ့ ၃ ဖွဲ့က ပူးပေါင်းပြီး တိုက်ခိုက်ခဲ့တာလို့ ဆိုပါတယ်။

အပြန်အလှန်ပစ်ခတ်မှုဖြစ်စဉ်မှာ ပြည်ထောင်စုဝန်ကြီးနဲ့ တိုင်းဝန်ကြီးချုပ်တို့ ထိမှန်တာ ရှိ မရှိကိုတော့ မသိရသေးပါဘူး။

ဧရာဝတီတိုင်းမှာ ပြီးခဲ့တဲ့လပိုင်းက ကန်ကြီးထောင့်စစ်ကောင်စီယာဉ် ဗုံးပစ်ခံရမှုဖြစ်စဉ်အပြီး တော်လှန်ရေး အင်အားစုတွေ တိုက်ခိုက်တဲ့အထဲမှာ အခုဖြစ်စဉ်က စစ်ကောင်စီတပ်သား အများဆုံး သေဆုံးခဲ့တာဖြစ်ပါတယ်။

4 mins Ago

September 1, 2020

ခိုးဆိုးလုနှိုက်အချုပ်သားများနှင့် အတူမထားရန် ဦးဌေးအောင် ရုံးတော်ကိုလျှောက်ထား

နိုင်ငံတော်အကြည်ညိုပျက်စေမှု ပုဒ်မ ၁၂၄(က)နဲ့ တရားစွဲဆိုထားတဲ့ Orchid ဟော်တယ်ပိုင်ရှင် ဦးဌေးအောင်အမှုကို အရှေ့ပိုင်းခရိုင်တရားရုံးမှာ ဒီနေ့ ရုံးထုတ်ခဲ့ပြီး မှုခင်းစီမံခန့်ခွဲမှု အပြီးသတ်လုပ်ဆောင်ခဲ့ပါတယ်။  ဒီအမှုကို ၆ လအတွင်း (ရက်ပေါင်း ၁၈၀) နဲ့အပြီးသတ်စစ်ဆေးသွားမယ်လို့ အမှုစစ်တရားသူကြီးက ပြောပါတယ်။ ရုံးထုတ်စစ်ဆေးစဉ် တရားခွင်မှာ ဦးဌေးအောင်က အခုအမှုကို အာမခံလျှောက်ထားမှာ မဟုတ်ဘူးလို့ပြောပါတယ်။ ဒါ့အပြင် လတ်တလော ရှေ့နေငှားရမ်းတာမျိုးလည်း မရှိသေးပါဘူး။  လက်ရှိ အင်းစိန်ထောင်ကနေ အချုပ်နဲ့ တရားရင်ဆိုင်နေရတာဖြစ်တဲ့အတွက် သူ့ကို ခိုးဆိုးလုနှိုက်အချုပ်သားတွေနဲ့အတူမထားဖို့ ရုံးတော်ကိုလျှောက်ထားရာမှာ တရားသူကြီးက အဲဒီကိစ္စဟာ ထောင်အာဏာပိုင်တွေရဲ့ စီမံခန့်ခွဲတဲ့အလုပ်သာဖြစ်တယ်လို့ ပြန်လည်ပြောကြားခဲ့ ပါတယ်။ နောက် တပတ်ရုံးချိန်းကို အခုလ ၁၁ ရက်နေ့ပြန်လည်ချိန်းဆိုထားပြီး အဲဒီနေ့မှာ အပြီးသတ် အကြိုညှိနှိုင်းအစည်းအဝေးပြုလုပ်ကာ တရားလိုဘက်ကို စတင်စစ်ဆေးသွားမှာပါ။ ပြီးခဲ့တဲ့ ဩဂုတ် ၈ ရက်က နိုင်ငံရေးပါတီတွေကို ဖိတ်ကြားပြီး Orchid ဟိုတယ်မှာ ရှင်းလင်းပွဲပြုလုပ်ခဲ့တဲ့ကိစ္စရယ် ၂၀ ရက်နေ့မှာ လူမှုကွန်ရက်ကနေ NLD ပါတီကို အမေရိကန်က ထောက်ပံ့ထားတယ်ဆိုပြီးတင်ခဲ့တာတွေကို အခြေခံကာ ဦးဌေးအောင်ကို ပုဇွန်တောင်မြို့နယ် အုပ်ချုပ်ရေးမှူးက တရားလိုပြုလုပ်ပြီး နိုင်ငံတော်အကြည်ညိုပျက်စေမှု ပုဒ်မ ၁၂၄(က)နဲ့ စွဲဆိုခဲ့တာပါ။
1 year Ago
Up