close

ဦးနှောက်သွေးကြောပြတ်

close

April 29, 2023

တာချီလိတ်တွင် ပန်ကာဖွင့်အိပ်သည့်အမျိုးသား ၁ ဦး ဦးနှောက်သွေးကြောပြတ်သေဆုံး

ရှမ်းပြည်နယ်အရှေ့ပိုင်း တာချီလိတ်မြို၊ ဆန်ဆိုင်းဝမ်မိုင်ရပ်ကွက်မှာ ဧပြီ ၂၉ ရက် မနက် ၉ နာရီ လောက်က  တညလုံးပန်ကာဖွင့်အိပ်ခဲ့တဲ့ အမျိုးသားတစ်ဦး ဦးနှောက်သွေးကြောပြတ်ပြီး သေဆုံးသွားတယ်လို ဒေသခံတွေက ပြောပါတယ်။

အတူနေမိသားစုဝင်တဦးက  "မနက် ၉ နာရီလောက်က သတိလစ်ပြီး ခေါ်မရတော့ဘူး   လူမှုကူညီရေး အသင်းကို အကြောင်းကြားပြီး ဆေးရုံပို့ဖို့ အကူညီတောင်းပေမဲ့ အသက်က မရှိတော့ဘူး" လို ပြောပါတယ်။

သေဆုံးသူဟာ အသက် ၂၇ နှစ်အရွယ်  ဦးထွန်းထွန်းဦး ဖြစ်ပြီး ရာသီဥတု ပူပြင်းလွန်းတာကြောင့် တညလုံး လျှပ်စစ်ပန်ကာဖွင့်ပြီး အိပ်ပျော်သွားတဲ့အတွက် ဦးနှောက် သွေးကြောပြတ်ပြီး သေဆုံးခဲ့ရတာလို့ ဆေးရုံရဲ့ စစ်ဆေးတွေ့ရှိချက်ကို  ဦးလှမိုး လူမှုကူညီရေးအသင်း(တာချီလိတ်)က ပြောပါတယ်။

ရာသီဥတု ပူပြင်းတာကြောင့် ချွေးထွက်လွန်ပြီး ခန္ဓာကိုယ်ရဲ့ ရေဓာတ်နဲ့ ဆားဓာတ် ဆုံးရှုံးတာတွေကြောင့် သတိလစ်မူးလဲတာတွေ နေ့စဉ်နဲ့အမျှ နိုင်ငံတဝန်းဖြစ်ပေါ်နေသလို အသက် သေဆုံးတာတွေလည်း ဖြစ်ပေါ်နေပါတယ်။

9 mins Ago

February 23, 2020

ရေးမြို့တွင် တရုတ်နိုင်ငံသား သေဆုံးမှု လေဖြတ်ရောဂါကြောင့်ဟု ကျန်းမာရေးဌာနအတည်ပြု

ရေးမြို့နယ်မှာ ငါးခြောက်လုပ်ငန်းလာရောက်လေ့လာတဲ့ တရုတ်နိုင်ငံသားဟာ  ဦးနှောက်သွေးကြောပြတ်ပြီး လေဖြတ်ရောဂါကြောင့် သေဆုံးခဲ့တာဖြစ်ကြောင်း ပြည်နယ်ကျန်းမာရေးဌာနရဲ့ အတည်ပြုချက်အရ သိရတယ်လို့ မြို့နယ်ရဲမှူးက ပြောပါတယ်။ ကိုရိုနာဗိုင်းရပ်စ်ကြောင့် စိုးရိမ်မှုမြင့်နေချိန် ရေးမြို့နယ် ဆိပ်ကလေးကျေးရွာမှာ တရုတ်နိုင်ငံသား တယောက် ရုတ်တရက်လဲကျ သတိလစ်သေဆုံးတာနဲ့ပတ်သက်လို့ အခုလို အတည်ပြုပြောဆိုလိုက်တာပါ။ သူဟာ ဖေဖော်ဝါရီ ၂၂ ရက် မနက် ၁၀ နာရီက ငါးခြောက်လုပ်ငန်းကို လေ့လာနေတုန်း ရုတ်တရက် လဲကျသွားလို့  ကျေးရွာတာဝန်ရှိသူတွေက ရေးမြို့ပြည်သူ့ဆေးရုံကို ချက်ချင်းပို့ဆောင်ခဲ့ပြီး မနက် ၁၁ နာရီ လောက် မှာ သေဆုံးသွားခဲ့ပါတယ်။ အပူချိန်မြင့်တာကြောင့် သွေးပေါင် ရုတ်တရက်တက်ပြီး ဦးနှောက်သွေးကြောပေါက်ကာ ရုတ်တရက် သတိလစ် သေဆုံးတာလို့ ရေးမြို့နယ်ပြည်သူ့ဆေးရုံက ပြောခဲ့သလို အဲဒီနေ့ညနေမှာပဲ မွန်ပြည်နယ်ကျန်းမာရေးဦးစီးဌာနကို ပေးပို့စစ်ဆေးရာမှာလည်း သွေးတိုးရောဂါ မြင့်ပြီး ဦးနှောက်သွေးကြောပြတ် လေဖြတ်ရောဂါနဲ့ သေဆုံးတာဖြစ်ကြောင်း အတည်ပြုခဲ့တာလို့ ဆိုပါတယ်။ ဒါ့အပြင် ည ၁၁ နာရီကျော်လောက်မှာ ရန်ကုန်ဆေးရုံကြီးကို ပေးပို့ပြီး ရင်ခွဲစစ်ဆေးရာမှလည်း အလားတူအဖြေမျိုး ထွက်ရှိခဲ့ပြီး သူ့ရဲ့ မိသားစုဝင်တွေနဲ့လည်း ဆက်သွယ်ရထားပြီး ဖြစ်တယ်လို့ မြို့နယ်ရဲမှူးက ဆိုပါတယ်။ သေဆုံးသူဟာ ယူနန်ပြည်နယ် ရွှေလီမြို့နေ အသက် ၄၁ နှစ်အရွယ် TANG ZIUSHENG ဖြစ်ပြီး ဇန်နဝါရီ ၃၁ ရက်က  ရန်ကုန်လေဆိပ်ကိုရောက်ရှိကာ မွန်ပြည်နယ် ရေးမြို့မှာ ဖေဖော်ဝါရီ ၁၄ ရက်ကတည်းက ငါးခြောက်လုပ်ငန်းကို လာရောက် လေ့လာနေတာပါ။ နေမျိုးထွဋ်
3 years Ago
Up