ဝက်စ်ဟမ်းနဲ့ပွဲမှာ နှစ်ဂိုးစီသရေကျခဲ့တဲ့အပေါ် ကစားသမားတွေရဲ့စိတ်ပိုင်းဆိုင်ရာကို အာဆင်နယ်နည်းပြ အာတေတာကအပြစ်တင်သွားပါတယ်။
အာဆင်နယ်ဟာ အရင်တစ်ပတ်က ကစားခဲ့တဲ့ လီဗာပူးအသင်းနဲ့ ပွဲစဉ်အတိုင်းပဲ နှစ်ဂိုးအရင်သွင်းပြီးမှ ချေပဂိုးနှစ်ဂိုးပေးရပြီး သရေကျခဲ့ရတာပါ။
၂ ဂိုးပြတ်ဦးဆောင်နေချိန်မှာပွဲကို အဆုံးသတ်ရမယ်ဆိုတဲ့ စရိုက်လက္ခဏာ ပျောက်ဆုံးနေခဲ့ပြီး ၃ ဂိုး ၄ ဂိုးရဖို့ မကြိုးစားတော့ကြောင်း နည်းပြအာတေတာက ပြောပါတယ်။
ပေးလိုက်ရတဲ့ ချေပဂိုး နှစ်ဂိုး အပေါ်မှာလည်း စိတ်ပျက်စရာဖြစ်ပြီး ပွဲအစမှာ ထိန်းချုပ်ကစားနိုင်ခဲ့ပေမဲ့ နောက်ပိုင်းမှာ ရည်မှန်းချက်ပျောက်ဆုံးနေခဲ့ကြောင်း နည်းပြအာတေတာက ပြောပါတယ်။
ပင်နယ်တီမဝင်ခဲ့တဲ့ ဆာကာနဲ့ ပတ်သက်ပြီး အသင်းရှိကစားသမားတွေထဲ ပင်နယ်တီကန်သွင်းမယ့်သူကို ရွေးချယ်မယ်ဆိုရင် ဆာကာကိုပဲ ထပ်မံရွေးချယ်မှာဖြစ်ကြောင်း နည်းပြအာတေတာက ပြောသွားပါတယ်။
အာဆင်နယ်ဟာ ဒီပွဲသရေရလဒ်ကြောင့် ဒုတိယနေရာက မန်စီးတီးထက်တစ်ပွဲပိုအခြေအနေမှာ ၄ မှတ်သာ ကွာဟာ တော့တာဖြစ်ပါတယ်။
