ကာတာ ကမ္ဘာ့ဖလားပြိုင်ပွဲ နိုဝင်ဘာ ၂၆ ရက်ညက ကစားခဲ့တဲ့ပွဲစဉ်မှာ ဒိန်းမတ်ကို ၂ ဂိုး ၁ ဂိုးနဲ့ အနိုင်ရခဲ့တဲ့ ပြင်သစ်ဟာ ၁၆ သင်း အဆင့်ကို အစောဆုံး တက်ရောက်နိုင်ခဲ့ပါတယ်။
ပြင်သစ်အသင်းဟာ အမ်ဘာပေရဲ့ သွင်းဂိုး ၂ ဂိုးနဲ့အတူ ၂ ဂိုး ၁ ဂိုးနဲ့ အနိုင်ရခဲ့တာဖြစ်ပြီး လက်ကျန် တစ်ပွဲကျန်နေသေးပေမယ့် ၁၆ သင်းအဆင့်ကို တက်ရောက်ဖို့ သေချာခဲ့တာပါ။
၂ ဂိုးသွင်းခဲ့တဲ့ အမ်ဘာပေဟာ ကမ္ဘာ့ဖလားသွင်းဂိုးစုစုပေါင်း ၇ ဂိုးအထိရှိလာပြီး ပြင်သစ် တိုက်စစ်မှူးဟောင်း အွန်နရီထက် တစ်ဂိုး ပိုများလာခဲ့ပါတယ်။
၂၀၁၀ ပြည်နှစ်ပြိုင်ပွဲ နောက်ပိုင်းမှာ လက်ရှိချန်ပီယံအသင်းတွေ အားလုံး အုပ်စုအဆင့်ကနေ ထွက်ခဲ့ရပေမယ့် အခုနှစ်ပြိုင်ပွဲမှာတော့ လက်ရှိချန်ပီယံပြင်သစ်တို့ နောက်တဆင့်တက်ခဲ့တာပါ။
ပြင်သစ်ဟာ အုပ်စု နောက်ဆုံးပွဲစဉ် အနေနဲ့ နိုဝင်ဘာ ၃၀ ရက်မှာ တူနီးရှားနဲ့ ယှဉ်ပြိုင်သွားရမှာ ဖြစ်ပါတယ်။
