ရှမ်းပြည်နယ်တောင်ပိုင်း၊ ကလောမြို့နယ်၊ အောင်ပန်းမြို့ပြပြောက်ကျားတပ်ဖွဲ့ ( Urban Task Force Aung Ban – UTF) တည်ထောင်ခြင်း တစ်နှစ်ပြည့် အခမ်းအနားကို ဖေဖော်ဝါရီ ၁၃ ရက်နေ့က လွတ်မြောက်နယ်မြေတရာမှာ ကျင်းပခဲ့ပါတယ်။
Urban Task Force Aung Ban - UTF တပ်ဖွဲ့ထူထောင်ခြင်း တစ်နှစ်ပြည့် အခမ်းအနားမှာ ရှမ်းပြည်နယ်တောင်ပိုင်းဒေသခံ တော်လှန်ရေးတပ်ပေါင်းစု SSLRU ဥက္ကဋ္ဌ၊ ကလောမြို့နယ် ပကဖတာဝန်ခံနဲ့ အောင်ပန်းမြို့ပြပြောက်ကျားတပ်ဖွဲ့တာဝန်ခံတို့က မိန့်ခွန်းအသီးသီး ပြောကြားခဲ့ပါတယ်။
ဒါ့အပြင် တပ်ဖွဲ့ဝင် ရဲဘော်တွေက တော်လှန်ရေးသစ္စာအဓိဋ္ဌာန် သစ္စာဆိုတာ၊ စစ်ရေးပြချီတက်တာ၊ အားကစားပြိုင်ပွဲဆုရအဖွဲ့တွေကို ဆုပေးတာတွေ ပြုလုပ်ခဲ့ပါတယ်။
စစ်ကိုင်းတိုင်း၊ တမူးမြို့နယ်အခြေစိုက် တမူးပြည်သူ့ကာကွယ်ရေးတပ်ဖွဲ့ရဲ့ တပ်ရင်းတစ်ခုဖြစ်တဲ့ ဗမာ့ကျောင်းသားအဖွဲ့အစည်း(BSO)ဖွဲ့စည်းတည်ထောင်ခြင်း ၁ နှစ်ပြည့် အကြိုအခမ်းအနားကို ဇွန် ၄ ရက်က လွတ်မြောက်နယ်မြေတနေရာမှာ ကျင်းပခဲ့ပါတယ်။
အခမ်းအနားကို သက်ဆိုင်ရာဒေသအသီးသီးမှ လွှတ်တော်ကိုယ်စားလှယ်တွေ၊ CDM အဖွဲ့အစည်းတွေ၊ ဒေသကာကွယ်ရေးတပ်တွေ၊ NGO -EAOs အဖွဲ့တွေရဲ့ ကိုယ်စားလှယ်တွေ၊ တမူးဒေသအခြေစိုက် တော်လှန်ရေးအဖွဲ့ ၁၇ ဖွဲ့မှကိုယ်စားလှယ်တွေ တက်ရောက်ခဲ့တယ်လို့ဆိုပါတယ်။
တပ်ရင်းတည်ထောင်တာ တစ်နှစ်ပြည့်ခဲ့ပြီး တစ်နှစ်ပြည့်အခမ်း အနားကနေ စစ်အာဏာရှင်ကျဆုံးတဲ့ အထိတော်လှန်သွားမယ်လို့ ဗမာ့ကျောင်းသားအဖွဲ့ အစည်းက ပြောပါတယ်။
အဲ့ဒီအခမ်းအနားမှာ ဂုဏ်ပြုစစ်ရေးပြစစ်ကြောင်းတွေချီတက်တာ၊ ပြည့်သူကာကွယ်ရေးတပ်မတော် အလံတင်အခမ်းအနားကျင်းပတာ၊ NUG ကာကွယ်ရေး၀န်ကြီး ဦးရည်မွန်အပါအဝင် အဖွဲ့အစည်းအသီးသီးမှ ပေးပို့တဲ့သ၀ဏ်လွှာတွေဖတ်ကြားတာ၊ ဆုရရှိတဲ့ တပ်ဖွဲ့၀င်တွေကို ဆုများချီးမြှင့်တာတွေ ပြုလုပ်ခဲ့ပါတယ်။
စစ်အာဏာရှင်ကို လက်နက်ကိုင်တော်လှန်ဖို့အတွက် ဗမာ့ကျောင်းသားအဖွဲ့အစည်း(BSO)ကို ၂၀၂၁ ခုနှစ် ဇွန် ၆ ရက်က စတင်တည်ထောင်ဖွဲ့စည်းခဲ့တာဖြစ်ပြီး ၂၀၂၂ ခုနှစ် ဇွန် ၆ ရက်မှာ တပ်ရင်းဖွဲ့စည်းခဲ့တာ တစ်နှစ်ပြည့်တော့မှာလည်း ဖြစ်ပါတယ်။
