မလေးရှားနိုင်ငံမှာ ကိုဗစ်-၁၉ ရောဂါ ကူးစက်ပျံ့နှံ့မှုတွေ မြင့်တက်နေတာကြောင့် လာမယ့် ဇွန် ၁ ရက်က စတင်ကာ တနိုင်ငံလုံး သီတင်း ၂ ပတ်ကြာ လော့ခ်ဒေါင်းချသွားမယ်လို့ သိရပါတယ်။
ခုလိုကန့်သတ်မှုမှာတော့ လော့ခ်ဒေါင်းကာလအတွင်း မရှိမဖြစ်လိုအပ်တဲ့ စီးပွားရေးနဲ့ ဝန်ဆောင်မှုလုပ်ငန်းတွေကလွဲလို့ ဘယ်လိုအရာကိုမှ ခွင့်ပြုသွားမှာမဟုတ်ဘူးလို့ ဆိုပါတယ်။
မေ ၂၈ ရက်က မလေးရှားဝန်ကြီးချုပ် မူယစ်ဒင်ယက်ဆင်ပါဝင်တဲ့ အထူးအမျိုး သားလုံခြုံရေးကောင်စီအစည်းအဝေးမှာ ခုလိုဆုံးဖြတ်ချက်ချမှတ်လိုက်တာပါ။
ဒီဆုံးဖြတ်ချက်ဟာ ပြီးခဲ့တဲ့ ရက်က ကိုဗစ်-၁၉ ရောဂါကူးစက်မှုအသစ် ၈,၀၀၀ ထိ ရောက်ရှိခဲ့ပြီး လက်ရှိဆေးကုသမှုခံယူနေရသူ ၇ သောင်းကျော်ထိ ရှိလာခဲ့ပြီးနောက်မှာ ခုလို ချမှတ်ဖို့ ဖြစ်လာခဲ့တာလို့ ဆိုပါတယ်။
“(ကိုဗစ်-၁၉ ကြောင့်) လူပေါင်း ၂,၅၅၂ ယောက် သေဆုံးခဲ့ပြီး ဒီအရေအတွက်ဟာ ထပ်တိုးနေတုန်းပါပဲ။ လက်ရှိကူးစက်မှုအသစ်နဲ့ ဗီဇပြောင်း ကိုဗစ်-၁၉ ရောဂါအခြေအ နေတွေကလည်း ဒီကနေ့ဆုံးဖြတ်မှုအပေါ် ဩဇာသက်ရောက်စေပါတယ်။ ရောဂါကူးစက် ခံရသူအရေအတွက် တိုးလာတာနဲ့အမျှ နိုင်ငံတဝှမ်း ကိုဗစ်-၁၉ ကုသရေးစောင့်ရှောက်မှု ပေးနိုင်တဲ့ ဆေးရုံအနေအထားက ပိုပြီးတော့ နည်းပါးသွားပါလိမ့်မယ်”
လက်ရှိမှာတော့ မလေးရှားနိုင်ငံသားတွေကို ကိုဗစ်-၁၉ ရောဂါကူးစက်ပျံ့ပွားမှု ပိုမို မြင့်တက်မလာစေရေးအတွက် ကန့်သတ်စည်းမျဉ်းစည်းကမ်းတွေနဲ့အညီ နေထိုင်ကြဖို့ နှိုးဆော်ထားပါတယ်။
မလေးရှားနိုင်ငံတဝန်း လတ်တလောအချိန်ထိ ကိုဗစ်-၁၉ ရောဂါကူးစက်ခံရသူဦး ရေ ၅ သိန်း ၄ သောင်းကျော်နဲ့ သေဆုံးသူ ၂,၅၀၀ ကျော် ရှိနေပြီဖြစ်ကာ အာဆီယံနိုင်ငံ တွေထဲ ကူးစက်မှုအမြင့်ဆုံး ၃ နိုင်ငံထဲမှာ ပါဝင်နေပါတယ်။
တကမ္ဘာလုံးအတိုင်းအတာနဲ့ ရောဂါကူးစက်ခံရသူပေါင်း သန်း ၁၇၀ ကျော်၊ သေ ဆုံးသူ ၃ သန်းခွဲကျော်နဲ့ ရောဂါပြန်လည်ပျောက်ကင်းလာသူအရေအတွက်ကတော့ ၁၅၂ သန်းနီးပါး ရှိနေတာပါ။
