စစ်အာဏာရှင်လက်ထက် စားဝတ်နေရေးအခက်အခဲတွေ ကြုံတွေ့နေရတဲ့ ပြည်သူတွေအတွက်  ရည်ရွယ်ပြီး စတင်ခဲ့တဲ့ “၅၀၀ ကျပ်ပဲ လှူပါ” ကမ်ပိန်းကနေ အလှူငွေကျပ်သိန်း ၈၀ ရရှိခဲ့ပြီး အားလုံးကို လှူဒါန်းပြီးဖြစ်တယ်လို့ သိရပါတယ်။

Heroes for Myanmar က ဦးဆောင်ခဲ့တဲ့ ဒီကမ်ပိန်းမှာတော့ အိမ်ထောင်စုတွေအတွက် လိုအပ်တဲ့ ဆန်၊ ဆီ၊ ဆား၊ ကြက် သွန်၊ ဟင်းသီးဟင်းရွက်နဲ့ ဆေးဝါး စတာတွေကို လှူဒါန်းဖို့အတွက် အားလုံးနည်းများမဆို ၅၀၀ ကျပ်ကစတင် ပါဝင်နိုင်ကြောင်း နှိုးဆော် ထားခဲ့တာပါ။

ခုရရှိခဲ့တဲ့ ငွေကျပ်သိန်း ၈၀ ကိုတော့ ပြည့်သူ့၀န်ထမ်း သူရဲကောင်းတွေဆီ Digital Payment နဲ့ ထောက်ပံ့ငွေကျပ်သိန်း ၄၀၊ စားနပ်ရိက္ခာနဲ့ ဆေးဝါးတွေ လူကိုယ်တိုင်နဲ့ Digital Payment တို့ကတဆင့် လှူဒါန်းငွေကျပ်သိန်း ၂၀၊ တိုင်းရင်းသားနယ်မြေတွေဆီ ဆေးဝါးနဲ့ ရိက္ခာအတွက် Digital Payment ကတဆင့် လှူဒါန်းငွေကျပ်သိန်း ၂၀ စီ အသီးသီး လှူဒါန်းပြီး ဖြစ်တယ်လို့ ထုတ်ပြန်ထားပါတယ်။

မြန်မာနိုင်ငံတွင်းမှာ လူဦးရေ ၃ သန်းခွဲလောက်ဟာ လာမယ့် ၃ လကနေ ၆ လ လောက်အတွင်း အငတ်ဘေးနဲ့ ရင်ဆိုင်ရနိုင်တယ်လို့ ကမ္ဘာ့စားနပ်ရိက္ခာအစီအစဉ် World Food Program က  သတိပေးထားပါတယ်။

ဖေဖော်ဝါရီလကုန်ပိုင်းကစလို့ အခြေခံစားသောက်ကုန် ဆန်နဲ့ဆီဈေးတွေဟာ မြင့်တက်လာခဲ့ပြီး စီးပွားရေးမြို့တော် ရန်ကုန်မှာတောင် အစားလျှော့စားနေရတာတွေ၊ အာဟာရရှိတဲ့ အစားအစာ မစားနိုင်တာတွေ၊ အကြွေးတင်နေကြတာတွေ ဖြစ်ပေါ်နေပါတယ်။

လက်ရှိအခြေအနေမှာ ဘဏ်လုပ်ငန်းတွေလည်း ရပ်ဆိုင်းနေပြီး ငွေအပေးအယူ မလုပ်နိုင်တာတွေ၊ ဘဏ်က ငွေသားထုတ်ယူဖို့ အခက်အခဲတွေ ရင်ဆိုင်နေရသလို စက်ရုံ အလုပ်ရုံတွေ ပိတ်ထားရတဲ့အခြေအနေကြောင့် သွင်းကုန်ပို့ကုန်လုပ်ငန်း အတော်များများလည်း ရပ်ဆိုင်းနေကြပါတယ်။

ကမ္ဘာ့ဘဏ်ကတော့ မြန်မာ့စီးပွားရေးဟာ ၂၀၂၁ ခုနှစ်အတွင်းမှာ ၁၀ ရာခိုင်နှုန်းလောက် ကျဆင်းလိမ့်မယ်လို့ ခန့်မှန်းထားပါတယ်။

နိုင်ငံတော်အာဏာကို အကြမ်းဖက်စစ်အုပ်စုက မတရားသိမ်းယူထားတဲ့ကာလဟာ ၃ လကျော် ကြာမြင့်ခဲ့ချိန်မှာ အခက်အခဲတွေ ကြုံတွေ့နေရတဲ့ အိမ်ထောင်စုတွေအတွက် “၅၀၀ ကျပ်ပဲလှူပါ” ကမ်ပိန်းမှာ လှူဒါန်းနိုင်ဖို့ Heroes for Myanmar က ဖိတ်ခေါ်ထားပါတယ်။

ဒီကမ်ပိန်းမှာတော့ အိမ်ထောင်စုတွေအတွက် လိုအပ်တဲ့ ဆန်၊ ဆီ၊ ဆား၊ ကြက်သွန်၊ ဟင်းသီးဟင်းရွက်နဲ့ ဆေးဝါးစတာတွေကို လှူဒါန်းမှာဖြစ်ပြီး အလှူငွေကို KBZ Pay နဲ့ Wave Pay ၂ ခုကနေ လှူဒါန်းနိုင်မယ်လို့ ဆိုပါတယ်။

ပါဝင်လှူဒါန်းလိုသူတွေအနေနဲ့ ဒီကနေ့ကစတင်ကာ မေ ၆ ရက်နေ့ထိ လှူဒါန်း နိုင်မှာဖြစ်ကာ WavePay နဲ့ KBZ Pay မှာ Zero Balance ဖြစ်တဲ့အထိ လှူလို့ရပြီး KBZPay နဲ့ WavePay ထဲမှာပိုနေတဲ့ အကြွေတွေလည်း လှူလို့ရတယ်လို့ ဆိုပါတယ်။

လှူဒါန်းလိုသူတွေအနေနဲ့ KBZPay 09425313270 နဲ့  WavePay 09269843498 တွေ့ကို ဆက်သွယ်လှူဒါန်းရမှာဖြစ်ပါတယ်။

မြန်မာနိုင်ငံတွင်းမှာ လူဦးရေ ၃သန်းခွဲလောက်ဟာ လာမယ့် ၃ လကနေ ၆ လ လောက်အတွင်း အငတ်ဘေးနဲ့ ရင်ဆိုင်ရနိုင်တယ်လို့ ကမ္ဘာ့စားနပ်ရိက္ခာအစီအစဉ် World Food Program က  သတိပေးထားပါတယ်။

ဖေဖော်ဝါရီလကုန်ပိုင်းကစလို့ အခြေခံစားသောက်ကုန် ဆန်နဲ့ဆီဈေးတွေဟာ မြင့် တက်လာခဲ့ပြီး စီးပွားရေးမြို့တော် ရန်ကုန်မှာတောင် အစားလျှော့စားနေရတာတွေ၊ အာ ဟာရရှိတဲ့အစားအစာ မစားနိုင်တာတွေ၊ အကြွေးတင်နေကြတာတွေ ဖြစ်ပေါ်နေပါတယ်။

လက်ရှိအခြေအနေမှာ ဘဏ်လုပ်ငန်းတွေလည်းရပ်ဆိုင်းနေပြီး ငွေအပေးအယူ မ လုပ်နိုင်တာတွေ၊ ဘဏ်က ငွေသားထုတ်ယူဖို့အခက်အတွေ ရင်ဆိုင်နေရသလို စက်ရုံအ လုပ်ရုံတွေပိတ်ထားရတဲ့အခြေအနေကြောင့် သွင်းကုန်ပို့ကုန်လုပ်ငန်း အတော်များများ လည်း ရပ်ဆိုင်းနေကြပါတယ်။

ကမ္ဘာ့ဘဏ်ကတော့ မြန်မာ့စီးပွားရေးဟာ ၂၀၂၁ခုနှစ်အတွင်းမှာ ၁၀ ရာခိုင်နှုန်းလောက် ကျဆင်းလိမ့်မယ်လို့ ခန့်မှန်းထားပါတယ်။