မြန်မာ့နွေဦးတော်လှန်ရေးရဲ့ အဓိကအင်အားစုတခုဖြစ်တဲ့ အကြမ်းမဖက် အာဏာဖီဆန်ရေး (CDM) လှုပ်ရှားမှုတွေနဲ့ တော်လှန်ရေးကာလ ၂ နှစ်တိတိ ပါဝင်နေကြတဲ့ ပြည်သူ့သူရဲကောင်း၊ နိုင်ငံ့သူရဲကောင်း CDM ဝန်ထမ်းတွေကို အမျိုးသားညီညွတ်ရေးအစိုးရ (NUG) က ဂုဏ်ပြုချီးမြှင့်သွားမယ်လို့ ထုတ်ပြန်ပါတယ်။

အဆိုပါထုတ်ပြန်ချက်မှာတော့ ပြီးခဲ့တဲ့ ၂၀၂၁ ခုနှစ်၊ ဖေဖော်ဝါရီ ၁ ရက် အကြမ်းဖက်စစ်အုပ်စုက နိုင်ငံတော်အာဏာကို မတရားသဖြင့် အဓမ္မသိမ်းယူခဲ့ချိန်ကတည်းက ခုချိန်ထိတိုင်အောင် အမှန်တရားနဲ့ ဓမ္မဘက်ကနေ ရပ်တည်နေကြတဲ့ ပြည်သူ့သူရဲကောင်း CDM တွေအားလုံးကို တော်လှန်ရေးအလွန်ကာလမှာ နိုင်ငံတော်အဆင့် ဂုဏ်ထူးဆောင် ဘွဲ့တံဆိပ်တွေ ချီးမြှင့်ပေးအပ်သွားမယ်လို့ ဆိုပါတယ်။

ဒါ့အပြင် နိုင်ငံ့ဝန်ထမ်း CDM သူရဲကောင်းတွေရဲ့ အကြမ်းဖက်စစ်အုပ်စုကနေ အာဏာသိမ်းတဲ့ နေ့ရက် မတိုင်ခင်အချိန်ထိ ထမ်းဆောင်ခဲ့တဲ့ ရာထူးတာဝန်တွေကနေ ရာထူးတဆင့် တိုးမြှင့်ခန့်အပ်သွားမှာဖြစ်ကာ အဆိုပါ ရာထူးတိုးမြှင့်တဲ့အမိန့်ဟာ အခု ကြေညာချက် ထုတ်ပြန်တဲ့ ဖေဖော်ဝါရီ ၁ ရက်က စတင်ပြီးတော့ အကျိုးသက်ရောက်မှုရှိမှာဖြစ်တယ်လို့ ဆိုပါတယ်။

နိုင်ငံ့ဝန်ထမ်း CDM သူရဲကောင်းတွေဖြစ်ကြတဲ့ နေ့စားဝန်ထမ်းတွေ (အချိန်ပိုင်းနည်းပြ၊ သရုပ်ပြတွေ အပါအဝင်) ကိုလည်း ဖေဖော်ဝါရီ ၁ ရက်က စတင်ကာ အမြဲတမ်းဝန်ထမ်းတွေ အဖြစ် အတည်ပြုခန့်ထားကြောင်းနဲ့ အကြမ်းဖက်စစ်အုပ်စုက အာဏာသိမ်းဖို့ ကြိုးစားချိန်က စတင်ကာ နိုင်ငံ့ဝန်ထမ်း CDM သူရဲကောင်းတွေ ထုတ်ယူခြင်းမရှိခဲ့တဲ့ လုပ်ခလစာငွေတွေနဲ့ ချီးမြှင့်ငွေတွေ အားလုံးကိုလည်း တော်လှန်ရေးအလွန်ကာလမှာ တလုံးတခဲတည်း ပြန်လည်ပေးအပ်သွားမယ်လို့ ထုတ်ပြန်ချက်မှာ ဖော်ပြပါတယ်။

လတ်တလောမှာတော့ ပြည်သူလူထုတရပ်လုံးရဲ့ ပြတ်သားတဲ့ စိတ်ပိုင်းဖြတ်မှု၊ စွန့်လွှတ်စွန့်စားမှု၊ ရဲစွမ်းသတ္တိနဲ့ တစိုက်မတ်မတ် ကြိုးစားအားထုတ်မှုတွေကို အရင်းတည်ပြီးတော့ တော်လှန်ရေးအုတ်မြစ်ဟာ အခြေခိုင်ခဲ့ကာ လက်ရှိအချိန်မှာ ဘယ်သူကမှ ဖြိုလှဲဖျက်ဆီးပစ်လို့ မရနိုင်တဲ့ ခိုင်မာအားကောင်းမှုတခုနဲ့ ရှေ့ဆက်နေပြီ ဖြစ်တယ်လို့ အမျိုးသားညီညွတ်ရေးအစိုးရ (NUG) က နွေဦးတော်လှန်ရေး ၂ နှစ်ပြည့်တဲ့ ဒီကနေ့ ထုတ်ပြန်ချက်မှာ ဖော်ပြထားပါတယ်။

ဒါ့အပြင် အကြမ်းဖက်စစ်ကောင်စီရဲ့ တရားမဝင် အတုအယောင်ရွေးကောက်ပွဲ အပါအဝင် တခြားသော ခြေလှမ်းတိုင်း၊ လုပ်ရပ်တိုင်းဟာ ပြည်သူ့ အချုပ်အခြာအာဏာကို မတရားရယူဖို့ ကြိုးစားတဲ့ အာဏာဖီဆန်မှုမြောက်တဲ့ ဥပဒေချိုးဖောက်မှုတွေသာဖြစ်ပြီး မြန်မာနိုင်ငံရဲ့ တရားဝင်အစိုးရတရပ်ဖြစ်တဲ့ NUG အစိုးရအနေနဲ့ အဆိုပါ ဥပဒေချိုးဖောက်မှုတွေမှာ တာဝန်ရှိသူတွေအားလုံးကို တရားဥပဒေရှေ့မှောက်ကို ပို့ဆောင်ပြီး ထိခိုက်နစ်နာခဲ့ရသူ အားလုံးအတွက် တရားမျှတမှုကို ရယူပေးနိုင်ဖို့လည်း ကြိုးစားသွားမယ်လို့ ဆိုပါတယ်။

အာဏာသိမ်းစစ်ကောင်စီရဲ့ တရားမဝင်အစိုးရယန္တရားကြီး မလည်ပတ်နိုင်အောင် ရပ် တည်ချက်ခိုင်ခိုင်မာမာနဲ့ ရဲရဲတောက် ဆန့်ကျင်သပိတ်မှောက်ခဲ့ကြတဲ့ CDM ပြည်သူ့ဝန် ထမ်းသူရဲကောင်းတွေအတွက် “ဝန်ထမ်းပြည်သူ လက်ကမ်းကူကမ်ပိန်း” မှာ ပါဝင်လှူဒါန်းနိုင်ဖို့ ဖိတ်ခေါ်ထားပါတယ်။

ဒီကမ်ပိန်းကိုတော့ စက်တင်ဘာ ၂၆ ရက်ကနေ ၃၀ ရက်နေ့အထိ ၄ ရက်ကြာ အလှူငွေတွေ ကောက်ခံသွားမှာဖြစ်ကာ လှူဒါန်းလိုသူတွေအနေနဲ့ ဆေးတက္ကသိုလ်(၁) ကျောင်းသားသမဂ္ဂ ဖေ့စ်ဘွတ်ခ်ချက်ဘောက်စ်ကတဆင့် ဆက်သွယ်လှူဒါန်းနိုင်တယ်လို့ ဆိုပါတယ်။

CDM လှုပ်ရှားမှုဟာ နွေဦးတော်လှန်ရေးရဲ့ ပထမဦးဆုံး ဖက်ဆစ်ဆန့်ကျင်ရေး လှုပ်ရှားမှုတခုဖြစ်သလို တော်လှန်ရေးရဲ့ အရေးကြီးဆုံးထောက်တိုင်တခုလည်း ဖြစ်ပါတယ်။ ဒါ့အပြင် ဆေးတက္ကသိုလ် (၁) ကျောင်းသားသမဂ္ဂအနေနဲ့လည်း CDM သူရဲကောင်းတွေကို လစဉ်လစဉ် ကူညီပေးနေတာဖြစ်ပြီး လူတိုင်းစေ့ ဆက်လက်ထောက်ပံ့နိုင်ဖို့အတွက် အလှူငွေတွေ  များစွာ လိုအပ်နေတယ်လို့ ဆိုပါတယ်။

မြန်မာနိုင်ငံမှာ ပြီးခဲ့တဲ့ ဖေဖော်ဝါရီ ၁ ရက်နေ့က စတင်ကာ အကြမ်းဖက်စစ်အုပ်စုက မတရား အာဏာသိမ်းယူခဲ့တာကို ဆန့်ကျင်ဆန္ဒပြခဲ့ကြတဲ့ နွေဦးတော်လှန်ရေးကာလဟာ ၈ လနီးပါး ကြာမြင့်ခဲ့ပြီ ဖြစ်ပါတယ်။

ဒီကာလတွေအတွင်း နိုင်ငံရေးမတည်ငြိမ်မှုတွေနဲ့အတူ စီးပွားရေး၊ လူမှုရေး၊ ပြည်သူ့ကျန်းမာရေး စောင့်ရှောက်မှုတွေမှာ အဘက်ဘက်က ကျဆင်းနေခဲ့တာ ဖြစ်ပါတယ်။

ဒါ့အပြင် စစ်အုပ်စုရဲ့ အကြမ်းဖက်ဖြိုခွင်းမှုတွေကြောင့် ထိခိုက်ကျဆုံးရသူတွေ၊ ဖမ်းဆီး ထောင်ချခံရသူတွေနဲ့အတူ နိုင်ငံအဝန်း တောရောမြို့ပါမကျန် ဒေသခံပြည်သူ့ကာကွယ် ရေးတပ်တွေနဲ့ စစ်ကောင်စီတပ်တွေကြားတိုက်ပွဲတွေလည်း ပြင်းထန်နေတာပါ။

လတ်တလောမှာတော့ အမျိုးသားညီညွတ်ရေးအစိုးရ(NUG)က စစ်အာဏာရှင် ဆန့်ကျင်ရေး ခုခံတွန်းလှန်စစ်စတင်ကြောင်းနဲ့ မင်းအောင်လှိုင် ဦးဆောင်တဲ့ အကြမ်းဖက်စစ်အုပ်ချုပ်ရေးကို လှည်းနေလှေအောင်း မြင်းဇောင်းမကျန် တွန်းလှန်တိုက်ဖျက်ကြဖို့ စက်တင်ဘာ ၇ ရက်က ကြေညာထားပါတယ်။