ကရင်နီအမျိုးသားကောလိပ်(KnNC)ရဲ့ ဒီပလိုမာဘွဲ့အပ်နှင်းခြင်းနဲ့ ကျောင်းဆင်းပွဲအခမ်းအနားကို ကရင်နီဒုက္ခသည်စခန်း အမှတ် (၁) မှာ ဧပြီ ၆ ရက်နေ့က ကျင်းပပါတယ်။

၂၀၂၂ - ၂၀၂၃ ပညာသင်နှစ်မှ ကွန်ပျူတာအထူးပြုဘာသာရပ် ၂၁ ဦး၊ လူမှုဖွံ့ဖြိုးရေးအထူးပြု အယောက် ၃၀၊ လူမှုရေးသိပ္ပံ အထူးပြု အယောက် ၃၀ နဲ့ အထွေထွေသိပ္ပံအထူးပြု ၃၄ ဦး  စုစုပေါင်း ၁၁၅ ဦးကို ဘွဲ့အပ်နှင်းခဲ့တယ်လို့ သိရပါတယ်။

ကရင်နီအမျိုးသားကောလိပ်ကို ကရင်နီပညာရေးဌာနက ၁၉၉၅ ခုနစ်က‌ စတင်ဖွင့်လှစ်ခဲ့ပြီး အခုအချိန်ထိဆိုရင် ကရင်နီလူငယ်တွေကို ပညာသင်ကြားပေးခဲ့တာ ၂၈ နှစ်ရှိခဲ့ပါပြီ။ အဆိုပါကျောင်းမှာ Community Development၊ Social Science၊ Information Technology (IT)၊ Scienceဆိုတဲ့ အထူးပြုဘာသာရပ် ၄  ခုကို အဓိက သင်ကြားပေးနေတာဖြစ်ပါတယ်။

ဓာတ်ပုံ - ကရင်နီအမျိုးသားကောလိပ်