ဖေ့စ်ဘွတ်ခ် နဲ့ အင်စတာဂမ် ဆိုဒ်တွေကို ရုရှားပြည်တွင်းမှာ ပိတ်ပင်တားမြစ်ကြောင်း ရုရှားတရားရုံးတခုက ဆုံးဖြတ်လိုက်ပါတယ်။
ဖေ့စ်ဘွတ်ခ်ရဲ့ပိုင်ရှင် Meta Platforms ကုမ္ပဏီက အစွန်းရောက် သွေးထိုးလှုံ့ဆော်မှုတွေ လုပ်နေတယ်လို့ ရုရှားအစိုးရက စွပ်စွဲခဲ့ပြီးနောက် တရားရုံးက မတ်လ ၂၁ ရက်နေ့မှာ ဆုံးဖြတ်လိုက်တာပါ။
ရုရှားနိုင်ငံရဲ့ မီဒီယာသတင်းတွေ ဖေ့စ်ဘွတ်ခ်မှာ မတင်နိုင်အောင် တားမြစ်ထားပါတယ်။ Meta ကုမ္ပဏီက ရုရှားတပ်တွေ ကျူးကျော်မှုနဲ့ အကြမ်းဖက်မှုတွေနဲ့ သက်ဆိုင်တဲ့ သတင်းတွေ သူ့ရဲ့ဆိုရှယ်မီဒီယာပေါ်မှာ တင်ခွင့်ပြုတယ်လို့ ကြေညာပြီးနောက် ရုရှားမှာ ဖေ့စ်ဘွတ်ခ်နဲ့ အင်စတာဂရမ် စတင်အပိတ်ခံရတာပါ။
ရုရှားမှာ တားမြစ်ခံရမှုကို Meta ကုမ္ပဏီက တစုံတရာ ချက်ချင်း မှတ်ချက် မပေးသေးပါဘူး။
