သပိတ်မှောက်ခံထားရတဲ့ မြန်မာပလာဇာ မြေညီထပ်မှာ ဖွင့်ထားတဲ့ Harry's Bar အရက်ဆိုင်မှာ ဧပြီ ၁၁ ရက် ဒီ ညနေ ၄ နာရီ ခွဲလောက်က  ဗုံးဖောက်ခွဲတိုက်ခိုက်ခံရပြီး ဆိုင်မှန်တွေကွဲသွားခဲ့ပေမဲ့ လူအထိအခိုက်ရှိမရှိ  မသိရဘူးလို့ ဒေသခံတွေက ပြောပါတယ်။ 

ဒေသခံတစ်ဦးက “ပေါက်တာက အတွင်းဘက်မှာ ပေါက်တာပဲ။ မှန်တွေ ကွဲသွားတယ်။ လူထိခိုက်တာတော့ မကြားဘူး။ ဆိုင်ထိုင်နေတဲ့သူတွေလည်း ရှိနေတယ်။ ပေါက်တာ ၂ ကြိမ်ပေါက်တာ။ ရဲတွေ စစ်သားတွေ ရောက်လာတော့ တကြိမ် အဲ့အနီးနားထပ်ပေါက်တာ”လို့ ပြောပါတယ်။

ဗုံးဖောက်ခွဲမှုကို ဘယ်အဖွဲ့က လုပ်ဆောင်ခဲ့တာလဲဆိုတာတော့ လတ်တလော ထုတ်ပြန်ကြေညာတာမတွေ့ရသေးပါဘူး။ ဗုံးပေါက်ကွဲပြီးနောက်မှာတော့ မြန်မာပလာဇာ အနီးတဝိုက်မှာ စစ်သားနဲ့ ရဲတွေက လုံခြုံရေးတင်းကျပ် စစ်ဆေး ဆောင်ရွက်နေတယ်လို့လည်း သိရပါတယ်။ 

Harry's Bar ဟာ စစ်တပ်ရဲ့ ဒေါက်တိုင် ခရိုနီစီးပွားရေးလုပ်ငန်းရှင်  ဦးတေဇမိသားစုနဲ့ ဆက်နွှယ်နေတဲ့ ဆိုင်ဖြစ်ပြီး  အာဏာသိမ်းပြီးနောက် ပြည်သူတွေ သပိတ်မှောက်ဖို့ တိုက်တွန်းခဲ့တဲ့ ဆိုင်တွေထဲက တဆိုင်လည်း ဖြစ်ပါတယ်။

မြန်မာပလာဇာကိုတော့ ပြီးခဲ့တဲ့ နှစ်က စစ်အာဏာရှင်ဆန့်ကျင်ရေးဆန္ဒပြလူငယ်တွေအပေါ် လုံခြုံရေး၀န်ထမ်းတွေက အကြမ်းဖက်ဖမ်းဆီးခဲ့လို့ ပြည်သူတွေက ဆန့်ကျင်သပိတ်မှောက် ထားတာပါ။

ပြည်သူတွေရဲ့ သပိတ်မှောက်ခံထားရတဲ့  မြန်မာပလာဇာအပြင်ဘက် ရေပန်းဧရိယာအနားမှာ   သင်္ကြန်ပျော်ပွဲရွှင်ပွဲအတွက်  ညဈေးတန်းကိုလည်း ဧပြီ ၁ ရက်မှ ၁၇ ရက်ထိ နေ့စဉ် ညနေ ၄ နာရီခွဲမှ ည ၈ နာရီအထိ ဖွင့်လှစ်ထားပါတယ်။

ပြည်သူတွေရဲ့ သပိတ်မှောက်ခံထားရတဲ့ ရန်ကုန်မြို့ရှိ  မြန်မာပလာဇာမှာ သင်္ကြန်ပျော်ပွဲရွှင်ပွဲအတွက်  ညဈေးတန်းဖွင့်ထားပါတယ်။

အဲဒီညဈေးတန်းကို မြန်မာပလာဇာအပြင်ဘက် ရေပန်းဧရိယာအနားမှာ ဧပြီ ၁ ရက်မှ ၁၇ ရက်ထိ နေ့စဉ် ညနေ ၄ နာရီခွဲမှ ည ၈ နာရီအထိ ဖွင့်လှစ်ထားမှာဖြစ်တယ်လို့  မြန်မာပလာဇာက  ကြေညာထားပါတယ်။

ဆန္ဒပြတဲ့လူငယ်တွေကို ပလာဇာလုံခြုံရေးက အကြမ်းဖက်ဖမ်းဆီးခဲ့တာနဲ့ပတ်သက်လို့    မြန်မာပလာဇာကို  ပြည်သူအများစုက မသွားဘဲ သပိတ်မှောက်ထားတာ  ၄ လကျော် ရှိနေပြီဖြစ်ပါတယ်။

အများပြည်သူ ရုံးပိတ်ရက်တွေမှာတော့  မြန်မာပလာဇာကို ပြန်လည်သွားရောက်နေတဲ့သူ အနည်းငယ် ရှိလာတာကတွေ့ရပါတယ်။

မြန်မာပလာဇာဟာ သပိတ်မှောက်ခံရတဲ့နေ့တွေကစပြီးတော့ ပရိုမိုးရှင်းအမျိုးမျိုး၊ ပျော်ပွဲရွှင်ပွဲ အမျိုးမျိုးတွေနဲ့ ဈေးဝယ်သူတွေ ပြန်လည်စည်ကားအောင် ဆွဲဆောင်နေရပြီးတော့ ယခုအခါမှာ လည်း သင်္ကြန်ကို အကြောင်းပြုပြီး ညဈေးတန်းကို ဖွင့်လှစ်နေတာလည်း ဖြစ်ပါတယ်။

ရန်ကုန်မြို့ ကမ္ဘာအေးဘုရားလမ်းမပေါ်မှာရှိတဲ့ မြန်မာပလာဇာကို ပြည်သူအများစုက ဈေးသွားမဝယ်ဘဲ သပိတ်မှောက်နေတာ ဒီကနေ့ မတ်လ ၂၃ ရက်မှာ   ၄ လ လောက်ရှိနေပြီ ဖြစ်ပါတယ်။

မြန်မာပလာဇာအတွင်း ၂၀၂၁ ခုနှစ် နိုဝင်ဘာ ၂၅ ရက်က စစ်အာဏာရှင်ဆန့်ကျင် ဆန္ဒပြတဲ့ လူငယ်တချို့ကို ပလာဇာလုံခြုံရေးဝန်ထမ်းတွေက ရိုက်နှက်ဖမ်းဆီးခဲ့တဲ့အတွက် ပြည်သူလူထုရဲ့ ဝေဖန်မှုတွေပြ င်းထန်ခဲ့တာကြောင့် အဲ့ဒီနေ့ညမှာပဲ မြန်မာပလာဇာအတွင်းက ဆိုင်ခန်းတွေက အဆိုပါလုပ်ရပ်ကို ကန့်ကွက်တဲ့အနေနဲ့ ဆိုင်ခန်းတွေပိတ်ဖို့ဆုံးဖြတ်ခဲ့ကြပါတယ်။

အဲဒီနောက် နိုဝင်ဘာ ၂၆ ရက်နေ့မှာ မြန်မာပလာဇာကို ဈေးမဝယ်ဘဲ သပိတ်မှောက်ဖို့ တော်လှန်ရေးအဖွဲ့တွေနဲ့ သပိတ်ကော်မတီတွေက တိုက်တွန်းနှိုးဆော်ခဲ့ရာ အဲဒီအချိန်ကစပြီး မြန်မာပလာဇာကို ပြည်သူအများစုက မသွားကြတော့ဘဲ သပိတ်မှောက်နေကြတာ ဖြစ်ပါတယ်။

မတ်လ ၂၂ ရက်နေ့ မွန်းလွဲပိုင်းက မြန်မာပလာဇာအတွင်း ဈေးဝယ်သူအနည်းငယ်နဲ့ စားသုံးသူအချို့ ပြန်လည်ဝင်ရောက်နေတာကို တွေ့ရှိခဲ့ရပေမဲ့ အများစုကတော့ ဈေးဝယ်တာမရှိသလို အရင်လိုမျိုး ဈေးဝယ်သူတွေနဲ့ ပြည့်ကျပ် စည်ကားတာလည်း မရှိပါဘူး။ 

လက်ရှိမြန်မာပလာဇာမှာ ပြန်လည်ဖွင့်လှစ်နေတဲ့ ဆိုင်ခန်းတွေဟာလည်း သပိတ်မှောက်တဲ့အနေနဲ့ ဆိုင်ခန်းတွေပိတ်ကြောင်း ကြေညာပြီးတဲ့ ရက်ပိုင်းအတွင်းမှာ စစ်ကောင်စီက ခေါ်ယူဖိအားပေးတဲ့အတွက် ခံဝန်နဲ့ ပြန်လည်ဖွင့်လှစ်ခဲ့ရပြီး ဆိုင်တချို့က  အပြီးပိတ်သိမ်းသွားခဲ့ပါတယ်။

မြန်မာပလာဇာအနေနဲ့ ပြည်သူတွေရဲ့ သပိတ်မှောက်မှုကို ကြုံတွေ့ခဲ့ရပြီးနောက် ဈေးဝယ်သူနဲ့ လည်ပတ်သူတွေ မြည်လည်ဝင်ရောက်လာကာ အရင်လို ပြန်လည်စည်ကားလာစေဖို့ ပရိုမိုးရှင်းအမျိုးမျိုး၊ ပွဲတော်အမျိုးမျိုး၊ ကံစမ်းမဲအမျိုးမျိုးတွေ ပေးပြီး ဆွဲဆောင်နေပါတယ်။