အမျိုးသမီးအဖွဲ့ချုပ်(မြန်မာနိုင်)ကို ဖွဲ့စည်းတည်ထောင်သူလည်းဖြစ်၊ မဇ္ဈိမမီဒီယာကို ပူးတွဲတည်ထောင်သူလည်းဖြစ်တဲ့  ဒေါ်သင်းသင်းအောင် ပြန်လည်လွတ်မြောက်လာတဲ့အပေါ် ဝမ်းမြောက်ကြောင်းနဲ့ ကျန်ရှိနေတဲ့ မတရားဖမ်းဆီးခံထားရသူအားလုံးကို ပြန်လွှတ်ပေးဖို့ အမျိုးသမီးများအဖွဲ့ချုပ် (မြန်မာနိုင်)က တောင်းဆိုလိုက်ပါတယ်။

ဒေါ်သင်းသင်းအောင်ဟာ စစ်အာဏာသိမ်းပြီးနောက် ဧပြီလ ၈ ရက်ကတည်းက  မတရားဖမ်းဆီးခံခဲ့ရပြီး  အစောပိုင်းက ရာဇသတ်ကြီးပုဒ်မ ၅၀၅ (က) နဲ့ စစ်ကောင်စီက တရားစွဲထားတဲ့အတွက်  အမှုရင်ဆိုင်ရသလို  စက်တင်ဘာ ၂၂ ရက်နေ့ကစပြီးလည်း မတရားအသင်းဆက်သွယ်မှု ပုဒ်မ ၁၇ (၁) ဖြင့်ပါ ထပ်တိုး တရားစွဲခံရသူဖြစ်ပါတယ်။

အာဏာသိမ်း စစ်ခေါင်းဆောင်ကို အာဆီယံထိပ်သီးအစည်းအဝေးမှာ ပေးမတက်ဖို့ ဆုံးဖြတ်ကြေညာလိုက်ပြီးနောက်မှာ စစ်ကောင်စီက နိုင်ငံတဝန်း အကျဉ်းထောင်တွေမှာ  ပုဒ်မ ၅၀၅(က)နဲ့ ပြစ်ဒဏ်ကျခံနေရသူ ၁၃၁၆ ဦးနဲ့ အမှုရင်ဆိုင် နေရသူ ၄၃၂၀ ဦးကို ပြန်လွှတ်ပေးကြောင်း ကြေညာခဲ့တာ ဖြစ်ပြီး ပြန်လွတ်သူတချို့ကို ပြန်ဖမ်းဆီးခဲ့တာ လည်းရှိပါတယ်။ 

ပြန်လွတ်လာတဲ့ အကျဉ်းသားတွေထဲမှာ ဒေါ်သင်းသင်းအောင်အပါအဝင်  သတင်းသမား  ၁၆ ယောက်လောက် ပြန်လည်လွတ်မြောက်လာခဲ့ပါတယ်။

အခုလို ဒေါ်သင်းသင်းအောင်နဲ့တကွ တခြားအမျိုးသမီး လူ့အခွင့်အရေးတက်ကြွလှုပ်ရှားသူတွေအပြင် မတရား ဖမ်းဆီးထိန်းသိမ်းခံရသူ လွှတ်မြောက်ရေးအတွက် အဖက်ဖက်မှ ဝိုင်းဝိုင်းစည်းရုံးလှုံ့ဆော်ကြတဲ့ ပြည်တွင်း၊ ပြည်ပအဖွဲ့အစည်းတွေနဲ့ ပုဂ္ဂိုလ်တွေကိုအထူးကျေးဇူးတင်ကြောင်းလည်း  WLB က ထုတ်ပြန်ပါတယ်။

ဒါ့အပြင်  ကျန်ရှိနေတဲ့ မတရားဖမ်းဆီးခံထားရသူတွေ လွတ်မြောက်ရေး၊ စစ်အာဏာရှင်နဲ့ အာဏာရှင်မှန်သမျှအမြစ်ပြုတ်ရေး၊ ကိုယ်ပိုင်ပြဋ္ဌာန်းခွင့်၊ တန်းတူရေး၊ ငြိမ်းချမ်းရေးနဲ့ တရားမျှတမှုကို အာမခံတဲ့ ဖယ်ဒရယ်ဒီမိုကရေစီ ပြည်ထောင်စု ဖော်ထွန်းရေးအတွက် မြန်မာပြည်သူတွေနဲ့အတူ ဆက်လက်စည်းရုံးအားပေးသွားဖို့ ပြည်တွင်းပြည်ပ အဖွဲ့အစည်းတွေကို WLB က တိုက်တွန်းထားပါတယ်။ 

Photo- WLB

အမ်ိဳးသမီးမ်ား ဖြံ႔ၿဖိဳးတုုိးတက္ေရးဆုိင္ရာ အမ်ိဳးသားအဆင့္ မဟာဗ်ဴဟာစီမံကိန္း NSPAW အေပၚ အမ်ိဳးသမီးမ်ားအဖြဲ႔ခ်ဳပ္ (ျမန္မာႏိုင္ငံ) က ျပန္လည္သံုးသပ္တဲ့ အခမ္းအနားကို ေမလ ၂၁ ရက္ေန႔က ရန္ကုန္ၿမဳိ႕၊ Green Hill ဟိုတယ္မွာ က်င္းပပါတယ္။ ျမန္မာအမ်ိဳးသမီးအားလံုး အစိုးရရဲ႕ ပံ့ပိုးကူညီမႈနဲ႔ စြမ္းေဆာင္ရည္ ျမင့္မားလာၿပီး အခြင့္အေရး ရပိုင္ခြင့္ေတြကို အျပည့္အဝ ခံစားရရွိေစဖို႔၊ အမ်ိဳးသမီးတို႔ရဲ႕ဘဝ ဖြံ႔ၿဖိဳးတိုးတက္ေရး က်ား၊ မ ေရးရာ တန္းတူညီမွ်ေရး၊ အမ်ိဳးသမီးမ်ားရဲ႕ အခြင့္အေရးေတြကို အသိအမွတ္ျပဳ နားလည္လက္ခံေစမယ့္စနစ္ေတြ ဖြဲ႔စည္းပံုနဲ႔ လုပ္ထံုးလုပ္နည္းေတြကို အေကာင္အထည္ ေဖာ္ေစဖို႔ ရည္ရြယ္ၿပီး NSPAW ကို ေရးဆြဲခဲ့တာျဖစ္ပါတယ္။ ဒီ အမ်ိဳးသမီးမ်ား ဖြံ႔ၿဖိဳးတိုးတက္ေရးဆိုင္ရာ အမ်ိဳးသားအဆင့္ မဟာဗ်ဴဟာစီမံကိန္း NSPAW ဟာ ေျခာက္ႏွစ္ရွိလာၿပီျဖစ္ေပမယ့္ သိရွိသူအားနည္းၿပီး အမ်ိဳးသမီးေတြ ဘဝ တိုးတက္ဖို႔အတြက္ လက္ရွိအခ်ိန္ထိ မစြမ္းေဆာင္ႏိုင္ေသးဘူးလို႔ အမ်ိဳးသမီးမ်ားအဖြဲ႔ခ်ဳပ္က ေျပာပါတယ္။ ဒီ ဆယ္ႏွစ္စာ အမ်ိဳးသားစီမံကိန္းကို ျမန္မာႏိုင္ငံအစိုးရက ၂၀၁၃ ခုႏွစ္ ေအာက္တိုဘာ ၃ ရက္ေန႔က စတင္မိတ္ဆက္ခဲ့တာ ျဖစ္ပါတယ္။