အီဂျစ် နိုင်ငံခြားရေးဝန်ကြီး ဆာမဲဟ်ရှုကရီဟာ အစ္စရေး နိုင်ငံခြားရေးဝန်ကြီး ဂါဘီ အက်ရှ်ခေနာဇီနဲ့ မေလ ၃၀ က အီဂျစ်မြို့တော် ကိုင်ရိုမှာ တွေ့ဆုံဆွေးနွေးခဲ့ပါတယ်။

အစ္စရေးနဲ့ ဟားမတ်စ်တွေကြား အရင်အပတ်က သဘောတူခဲ့တဲ့ အပစ်အခတ်ရပ်စဲရေး ကို ဆက်လက် တည်ဆောက်ဖို့ အားထုတ် ဆွေးနွေး နေကြတာပါ။

အစ္စရေးနဲ့ ပါလက်စတိုင်းတွေကြား ကြားဝင်ဖြန်ဖြေပေးမယ့် အပစ်အခတ်ရပ်စဲရေး အားဖြည့်ဖို့ အီဂျစ်ဟာ အမေရိကန်နဲ့ တခြားဒေသတွင်း မိတ်ဖက်တွေနဲ့ ကြိုးစား ဆောင်ရွက် နေပါတယ်။

ဒါဟာ အစ္စရေးရော ပါလက်စတိုင်းပါ ကြာရှည်ခံ ဆက်ဆံရေး တည်မြဲစေဖို့ ပံ့ပိုးပေးတာပါ။ သီးခြားအနေနဲ့ အီဂျစ် ထောက်လှမ်းရေး အကြီးအကဲ အာဘတ်စ် ခါမယ်လ်ဟာ အစ္စရေး ဝန်ကြီးချုပ် ဘင်ဂျမင် နေတန်ယာဟုနဲ့မနေ့က  ဂျေရုဆလင်မြို့မှာ တွေ့ဆုံခဲ့ပါတယ်။

သူဟာ ပါလက်စတိုင်း သမ္မတ မာမွတ် အာဘတ်စ်၊ ဟားမတ်စ် အရာရှိတွေနဲ့ပါ တွေ့ဆုံမယ်လို့ မျှော်လင့်ရပါတယ်။