ဆဲဆိုခဲ့သည့် သြစတြီးယားတိုက်စစ်မှူး အာနူတိုဗစ် တစ်ပွဲပယ် ပြစ်ဒဏ်ချမှတ်ခံရ
ယူရို ၂၀၂၀ ပြိုင်ပွဲ မြောက်မက်ဆီဒိုးနီးယားနဲ့ပွဲစဉ်မှာ အနိုင်ဂိုးသွင်းပြီးနောက် ပြိုင်ဘက်ကစားသမားကို ဆဲဆို ခဲ့တဲ့ သြစတြီးယားတိုက်စစ်မှူး အာနူတိုဗစ်ကို ယူအီးအက်ဖ်အေက တစ်ပွဲပယ်ပြစ်ဒဏ်ချမှတ်ခဲ့ ပါတယ်။
အာနူတိုဗစ်ရဲ့ ဖခင်ဟာ ဆားဘီးယားလူမျိုးဖြစ်ပြီး အယ်လ်ဘေးနီးယားဖွား ကစားသမား ဖြစ်သူ အယ်လီယိုစကီကို အာနူတိုဗစ်က ဆဲဆိုခဲ့တာပါ။
ယူအီးအက်ဖ်အေရဲ့ အရေးယူမှုမှာတော့ လူမျိုးရေး ခွဲခြားတာမျိုးကြောင့်မဟုတ်ဘဲ ပြိုင်ဘက်ကစားသမားကို စော်ကားခဲ့တဲ့ လုပ်ရပ်အပေါ်မှာပဲ အရေးယူခဲ့တာပါ။
ဒါပေမဲ့လည်း အာနူတိုဗစ်ကို ဆက်လက်စစ်ဆေးတာတွေ ပြုလုပ်မှာဖြစ်ပြီး ပြစ်မှု ထင်ရှားခဲ့မယ်ဆိုရင် ပြိုင်ပွဲကနေ ထုတ်ပယ်တဲ့အထိ အရေးယူနိုင်တယ်လို့ သိရပါတယ်။
အယ်လ်ဘေးနီးယားနဲ့ကိုဆိုဗိုနိုင်ငံတွေဟာ ၁၉၉၈ခုနှစ်က ဆားဘီးယား နဲ့ မွန်တီနီဂရိုး နိုင်ငံတွေနဲ့ စစ်ဖြစ်ပွားခဲ့ပြီး ခွဲထွက်ခဲ့ကြတဲ့ နိုင်ငံတွေဖြစ်ပါတယ်။
