တစ်ကမ္ဘာလုံးမှာ ဇွန် ၁၈ ရက်ထိ စာရင်းအရ ကိုဗစ်-၁၉ ကပ်ရောဂါ ကူးစက်ခံ ဦးရေ စုစုပေါင်းဟာ ၁၇၇ ဒသမ ၁၁ သန်းနီးပါး ရှိလာနေပြီး ကူးစက်ခံ သေဆုံးသူ ဦးရေဟာ ၃ ဒသမ ၈၄ သန်း ရှိပြီလို့ ကမ္ဘာ့ကျန်းမာရေးအဖွဲ့(WHO) က ပြောပါတယ်။

ကမ္ဘာတဝန်းမှာ  ဇွန် ၁၆ ရက်ထိ စာရင်းအရ ကာကွယ်ဆေး ထိုးဆေး စုစုပေါင်း ၂ ဒသမ ၃၇၈ ဘီလီယံ ထိုးနှံပေးပြီးပြီလို့လည်း WHO က ပြောပါတယ်။

အမေရိကန်မှာ ဇွန် ၁၉ ရက်ထိ အတည်ပြု စာရင်းအရ ကိုဗစ်-၁၉ ကပ်ရောဂါ ကူးစက်ခံ ဦးရေ စုစုပေါင်း ၃၃ ဒသမ ၅၂ သန်း ရှိပြီး ကူးစက်ခံ သေဆုံးသူဦးရေဟာ ၆ သိန်း ၁၇၁၄ ယောက် ရှိတယ်လို့ ဂျွန်ဟော့ပ်ကင်း တက္ကသိုလ်က ဆိုပါတယ်။

ဒါကြောင့် အမေရိကန်ဟာ ကူးစက်ခံ ဦးရေရော ကူးစက်ခံ သေဆုံးသူ ဦးရေပါ ကမ္ဘာ့ ပထမ အများဆုံးနိုင်ငံ ဖြစ်နေဆဲပါ။

 ဘရာဇီးနိုင်ငံမှာ ကပ်ရောဂါ ကူးစက်ခံ သေဆုံးသူဦးရေ ၅ သိန်းကျော်ပြီလို့ ကျန်းမာရေး ဝန်ကြီးဌာနက စနေနေ့မှာ ပြောပါတယ်။

 ရုရှားမှာတော့ စုစုပေါင်း ကူးစက်ခံ ဦးရေ ၅ ဒသမ ၃ သန်းနီးပါး ရှိနေပြီး ကူးစက်ခံ သေဆုံးသူ ဦးရေ ၁၂၈၀၀၀ ကျော် ရှိနေပါပြီ။