ဧရာဝတီတိုင်း၊ ပုသိမ်မြို့မှာ ကိုဗစ်​-၁၉ ကြောင့် ဇူလိုင် ၁၁ ရက်နေ့က ၂၄ ဦး သေဆုံးခဲ့ပြီး   သေဆုံးသူအများစုမှာ ​အောက်ဆီဂျင်မရှိလို့ ​သေဆုံးတာဖြစ်တယ်လို့ လူမှုကူညီ​ရေး​ဆောင်ရွက်​နေသူထံက သိရပါတယ်။

“​အောက်ဆီဂျင် မရတာ​ကြောင့် ​သေဆုံးတာ ပိုများတယ်။ ညဘက်​တွေမှာ အ​ရေး​ပေါ်​အောက်ဆီဂျင်ကျပြီး ​သေဆုံးတာ များတယ်။ ​အောက်ဆီဂျင်အိုး​တွေက ပုသိမ်မှာ ဝယ်လို့မရသလို ရန်ကုန်မှာပါ တက်ဝယ်တာ မရဘူး။ အခုပုံအတိုင်း ဆို မလွယ်ဘူး” လို့ ပုသိမ်မြို့ လူမှုကူညီ​ရေး​ဆောင်ရွက်​နေသူတစ်ဦးက​ ပြောပါတယ်။

မနေ့က  ပုသိမ်​ဆေးရုံကြီးက ၁၃ ဦးနဲ့  ​နေအိမ်တွေ  ၁၁ ဦး ကိုဗစ်-၁၉ ရောဂါနဲ့ သေဆုံးခဲ့ပါတယ်။  ပုသိမ်မြို့ခံတစ်ဦးက “ပုသိမ်မှာ ​အောက်ဆီဂျင် လိုအပ်ချက်များ​နေတယ်။ လှူတယ်၊ လှူ​တာတွေလည်း လှူတယ်။ ​အောက်ဆီဂျင်အိုး မရှိတာရယ်၊ ညဘက်​တွေ ​အောက်ဆီပြတ်တာ ဖြစ်​တော့ ရှာရခက်ပြီး ​သေဆုံးတာ​တွေဖြစ်​နေတာ၊ အာဏာသိမ်းပြီး ပြည်သူအတွက် ဘာမှမလုပ်​ပေးဘူး” လို့ ပြောပါတယ်။

ပုသိမ်မြို့မှာ ဇူလိုင် ၁ ရက်မှ ၁၁ ရက်အထိ ကိုဗစ်-၁၉ နဲ့ သေဆုံးသူ ၉၆ ဦး ရှိသွားပြီဖြစ်တယ်လို့ လူမှုကူညီရေးအဖွဲ့တွေထံက သိရပါတယ်။

Photos : မ​နောဖြူ လူမှုကူညီ​ရေးအဖွဲ့