မန်ယူနဲ့လိဒ်ယူနိုက်တက်အသင်းတို့ ပွဲစဉ်မတိုင်ခင်မှာ ပရိသတ်တွေ ခိုက်ရန်ဖြစ်ပွားခဲ့ပြီး ၆ ဦးကို မန်ချက်စတာရဲတပ်ဖွဲ့က ဖမ်းဆီးခဲ့တယ်လို့ သိရပါတယ်။ 

မန်ယူနဲ့ လိဒ်ယူနိုက်တက်အသင်းတို့ဟာ သမိုင်းကြောင်းအရ ဒါဘီပြိုင်ဘက်တွေဖြစ်ကြပြီး နှင်းဆီဒါဘီအဖြစ် လူသိများပါတယ်။ 

ပရီးမီးယားလိဂ်အဖွင့်ပွဲစဉ်ဖြစ်တဲ့ အဲဒီပွဲမတိုင်ခင်မှာ စားသောက်ဆိုင်တန်းတွေရှေ့မှာ ခိုက်ရန်ဖြစ်ပွားခဲ့ကြတာပါ။ 

ရုပ်သံဗွီဒီယိုတွေ ထွက်ပေါ်လာမှုအရ ပရိသတ်တွေဟာ ထိုင်ခုံတွေ၊ အမှိုက်ပုံးတွေကို လက်နက် အဖြစ် အသုံးချပြီး ပစ်ပေါက်ခဲ့ကြပြီး မန်ချက်စတာရဲတပ်ဖွဲ့ဝင်တစ်ဦး ပရိသတ်တွေကြားမှာ ဖျန်ဖြေနေတာကို တွေ့ရပါတယ်။

နောက်ဆုံးမှာတော့ ကိုဗစ်နိုင်တင်းစည်းမျဉ်းတွေကို မလိုက်နာမှု၊ အမိန့်မနာခံမှုတွေနဲ့ ပရိသတ်စုစုပေါင်း ၆ ဦးကို ရဲတပ်ဖွဲ့က ဖမ်းဆီးခဲ့တယ်လို့ သိရပါတယ်။ 

ဒီပွဲစဉ်ဟာ ၁၇ လအတွင်းမှာ ပထမဆုံးအကြိမ် ပရိသတ်တွေ ကွင်းလုံးပြည့် ကြည့်ရှုခွင့် ရခဲ့တာဖြစ်ပါတယ်။