စနေနေ့ညပိုင်း ကစားသွားတဲ့ မန်ယူနဲ့ တော့တင်ဟမ် ဟော့စပါးတို့ပွဲမှာ ခရစ္စတီရာနို ရော်နယ်ဒိုက လှလှပပ သွင်းယူတဲ့ ၁ ဂိုး အပါအဝင် ၃ ဂိုးပြတ်နဲ့ မန်ယူက အနိုင်ရသွားပါတယ်။ 

မန်ယူအတွက် ပထမဆုံးဂိုးကို ၃၈ မိနစ်မှာ ရော်နယ်ဒိုက အဝေးထောင့်ကျဉ်းကနေ ညာခြေနဲ့ လှလှပပ သွင်းယူခဲ့ပြီး Edinson Cavani နဲ့  Marcus Rashford တို့ကလည်း တယောက် ၁ ဂိုးစီ သွင်းယူပေးခဲ့ပါတယ်။

၆၄ မိနစ်မှာ  Cavani က ဒုတိယဂိုးနဲ့ ပွဲပြီးခါနီး ၄ မိနစ်အလိုမှာ လူစားလဲပြီး ဝင်လာတဲ့ Rashford  တတိယနဲ့ နောက်ဆုံးဂိုးကို သွင်းယူနိုင်ခဲ့ပါတယ်။

ဒီပွဲဟာ မန်ယူအသင်းအတွက် စက်တင်ဘာ ၁၉ ရက်နေ့နောက်ပိုင်း ပထမဆုံးအနိုင်ပွဲ ဖြစ်သလို အမှတ်ပေးဇယားမှာလည်း ၁၀ ပွဲကစား၊ ၁၇ မှတ်နဲ့ နံပါတ် ၅ နေရာကို ရောက်လာပါတယ်။ 

ရော်နယ်ဒိုအတွက်တော့ စပါးနဲ့ ပွဲမှာ ၁၁ ဂိုးမြောက်ဂိုးအဖြစ် မှတ်တမ်းဝင်သွားပါတယ်။