သောကြာနေ့က ယှဉ်ပြိုင်သွားတဲ့ ပဲရစ်မာစတာ ဖလားပြိုင်ပွဲမှာ နာမည်ကျော် နိုဗက် ဂျိုကိုဗစ်က ပြိုင်ဘက် အမေရိကန် တင်းနစ်သမားကို အသာတကြည် အနိုင်ရပြီး ဆီမီးအဆင့်ကို တက်ရောက်သွားပါတယ်။

ကမ္ဘာ့ နံပါတ်တစ်  ဂျိုကိုဗစ်ဟာ Taylor Fritz ကို ကစားချိန် ၇၄ မိနစ်အတွင်း 6-4 6-3 နဲ့ အနိုင်ရရှိသွားပါတယ်။ ဒါဟာ  ဂျိုကိုဗစ်အတွက် ၆ ကြိမ်မြောက် ပဲရစ်မာစတာ ချန်ပီယံ ဖြစ်လာဖို့ လမ်းပွင့်နေတဲ့ သဘောဖြစ်ပါတယ်။ 

ဒီနေ့ စနေနေ့ ဆီမီးအဆင့် ပြိုင်ပွဲမှာ ဂျိုကိုဗစ်ဟာ ကမ္ဘာ့နံပါတ် ၇ ဖြစ်တဲ့ ပိုလန်နိုင်ငံက  တင်းနစ်သမား Hubert Hurkacz နဲ့ ယှဉ်ပြိုင်ရမှာ ဖြစ်ပါတယ်။