ယူကရိန်းအနောက်ဘက် လူဗျူးမြို့ရှိ လေယာဉ်ထိန်းသိမ်းရေးစခန်းကို  မတ်လ ၁၈ ရက်က ရုရှားမစ်ဇိုင်းဒုံးကျည်လေးခု ထိမှန်ခဲ့ပြီး အဆောက်အဦတွေ ပျက်စီးသွားပါတယ်။ 

Black Sea ပင်လယ်ဘက်ကနေ အချိန်ခွဲခြား ပစ်ခတ်ခဲ့တာဖြစ်ပြီး ကြီးမားတဲ့ ဗုံးတွေပါတဲ့ Kh-555 မစ်ဇိုင်းအမျိုးစားလို့ ယူကရိန်းစစ်တပ်က အတည်ပြုပါတယ်။

တနင်္ဂနွေနေ့ကလည်း ယူကရိန်းအနောက်ဘက် ယာဗိုရစ်ဗ် စစ်အခြေစိုက်စခန်းကိုလည်း ရုရှားက မစ်ဇိုင်းတွေနဲ့ ပစ်ခတ်ခဲ့ပါတယ်။

ဒုံးကျည်နဲ့ပစ်ခတ်ခံရတဲ့ လူဗျူးမြို့ လေယာဉ်ပြုပြင်ရေး အဆောက်အအုံတွေ အချိန်အတော်ကြာအောင် မီးစွဲလောင်ခဲ့ပါတယ်။