တရုတ်နိုင်ငံ၊ အနောက်မြောက်ပိုင်း၊ ရှင်ကျန်းပြည်နယ်မှာ စပါးစိုက်ပျိုးဧရိယာဟာ အရင်နှစ်ထက် ၁၈,၃၃၄ ဟက်တာ တိုးလာပြီး စုစုပေါင်းအထွက်နှုန်းက ခန့်မှန်းခြေ တန်ချိန် ၆ ဒသမ ၅၃၅ သန်းရှိခဲ့လို့ တန်ချိန် ၁၃၇,၄၀၀ ကျော် ပိုထွက်ရှိခဲ့တယ်လို့ ရှင်းကျန်းပြည်နယ် စိုက်ပျိုးရေးနှင့် ကျေးလက်ရေးရာဌာန လက်ထောက်ညွှန်ကြားရေးမှူး လီကျန်းက ပြောပါတယ်။

ဒေသတွင်း နွေစပါးရိတ်သိမ်းမှု တိုးတက်နှုန်းနဲ့ ပတ်သက်ပြီး အမျိုးသားစာရင်းအင်းဗျူရိုက ထုတ်ပြန်တဲ့ အချက်အလက်တွေကို ကိုးကားပြီး လက်ထောက်ညွှန်ကြားရေးမှူး လီကျန်းက သတင်းထောက်တွေကို  တနင်္ဂနွေနေ့က သတင်းစာရှင်းလင်းပွဲမှာ ရှင်းလင်းပြောပြခဲ့တာပါ။

၂၀၂၂ ခုနှစ်မှာ ရှင်ကျန်းဒေသထဲမှာ နွေစပါး စိုက်ပျိုးဧရိယာ ဟက်တာ ၁ ဒသမ ၁၆ သန်း ရှိခဲ့ပြီး ဒေသတွင်းမှာ နွေစပါး ၉၀ ရာခိုင်နှုန်းလောက် ရိတ်သိမ်းပြီးသွားပြီဖြစ်ကာ အထွက်နှုန်း တန်ချိန် ၆ သန်းခွဲကျော် ထွက်ခဲ့တယ်လို့ သိရပါတယ်။

မကြာသေးခင်က  ကိုဗစ်-၁၉ ကပ်ရောဂါ ကူးစက်ဖြစ်ပွားခဲ့တဲ့ ရှင်ကျန်းပြည်နယ်၊ ဝီဂါကိုယ်ပိုင်အုပ်ချုပ်ခွင့်ရဒေသမှာတော့ နွေစပါးရိတ်သိမ်းချိန်နီးလာပြီလို့ ဒေသဆိုင်ရာ စိုက်ပျိုးရေးအရာရှိက ပြောပါတယ်။