တရုတ်သမ္မတ ရှီကျင့်ဖျင်ဟာ ရှန်ဟိုင်းပူးပေါင်းဆောင်ရွက်ရေးအဖွဲ့ (SCO) ရဲ့ (၂၂) ကြိမ်မြောက် အစည်းအဝေးကို တက်ရောက်ပြီး ကာဇက်စတန်နဲ့ ဥဇဘက်ကစ္စတန်နိုင်ငံတွေဆီက နိုင်ငံတော် ခရီးစဉ်တွေကို လည်ပတ်ပြီးတဲ့နောက် စက်တင်ဘာ ၁၇ ရက်မှာ ခရီးစဉ်ပြီးဆုံးခဲ့ပါတယ်။

စက်တင်ဘာ ၁၄ ရက်ကနေ ၁၆ ရက်အထိ ခရီးစဉ်အတွင်း သမ္မတ ရှီဟာ နူးရ်ဆူလ်တန်နဲ့ ဆာမာခန်း မြို့တော်တွေမှာ   နိုင်ငံစုံနဲ့ နှစ်နိုင်ငံအစီအစဉ်တွေပါတဲ့ လုံခြုံရေးနဲ့ ဖွံ့ဖြိုးတိုးတက်ရေး နှစ်ရပ်စလုံး ပါတဲ့ ပွဲစဉ် ၃၀ နီးပါးကို တက်ရောက်ခဲ့ပါတယ်။

အချိန်ဇယား ကြပ်နေပေမယ့် SCO အဖွဲ့ကို တိုးချဲ့တာဟာ ရှေ့တိုးမယ့် ခြေလှမ်းသစ်ကို အခိုင်အမာ တွန်းအားပေးပြီး သက်ဆိုင်ရာနိုင်ငံတွေနဲ့ တရုတ်ရဲ့ ဆက်ဆံရေးကို အမြင့်သို့ ပို့ဆောင်ပေးတဲ့ မီးမောင်းထိုးပြမှုတွေနဲ့ ရလဒ်ကောင်းတွေ အများကြီးရခဲ့တယ်လို့ တရုတ်အစိုးရ ရုပ်သံ CCTV က ဖော်ပြပါတယ်။

တရုတ်သမ္မတ ရှီကျင့်ဖျင်ရဲ့ အာရှအလယ်ပိုင်း ခရီးစဉ်ဟာ အာရှတိုက်နဲ့ ဥရောပတိုက်တို့ ပါဝင်တဲ့ ယူရေးရှားဒေသကိုဖြတ်ပြီး ပိုးလမ်းမကြီးကို ပိုအသက်ဝင်စေသလို လမ်းဆုံလမ်းခွတွေမှာ ရပ်တည်နေတဲ့ နိုင်ငံတကာနဲ့ ဒေသတွင်း အခြေအနေတွေကို ပိုမိုတည်ငြိမ်စေပြီး ခေတ်မီ ဆိုရှယ်လစ်နိုင်ငံတည်ဆောက်ရေး ခရီးစဉ်သစ်တစ်ခု စဖို့ နိုင်ငံတကာ အခြေအနေတွေကို ပိုအဆင်ပြေစေတယ်လို့လည်း စီစီတီဗီက ဖော်ပြပါတယ်။