ဘရာဇီးနိုင်ငံသားတွေဟာ ရွေးကောက်ပွဲ ပထမအကျော့ကို အောက်တိုဘာ ၂ ရက်မှာ မဲပေးခဲ့ကြပြီး လက်ဝဲဝါဒီ လူးဝစ်အစ်နာစီယိုလူလာဒါဆီလ်ဗာက လက်ယာယိမ်းလက်ရှိသမ္မတ ယဲဘော့စိုနာရိုကို အနိုင်ရဖို့ မျှော်လင့်ထားပါတယ်။

နိုင်ငံရဲ့ မြို့တော် ဘရာစေးလီးယားရဲ့ ဒေသစံတော်ချိန် ညနေ ၅ နာရီမှာ မဲရုံပိတ်ပြီး နာရီပိုင်းအတွင်း အနိုင်ရရှိသူကို ကြေညာနိုင်မှာပါ။

တကယ်လို့ ကိုယ်စားလှယ်လောင်း တစ်ဦးကမှ မဲအလွတ်နဲ့ ပျက်ကွက်မဲ မပါဘဲ မဲတစ်ဝက် ကျော် အနိုင်မရရင် မဲအများဆုံးရတဲ့ ထိပ်တန်းနောက်ဆုံး နှစ်ဦးဟာ အောက်တိုဘာ ၃၀ ရက် ရွေးကောက်ပွဲမှာ ဆက်ပြီး ယှဉ်ပြိုင်ရမှာဖြစ်ပြီး မဲဆွယ်ကာလလည်း  သက်တမ်း ဆက်ရှည်ဦးမှာ ဖြစ်ပါတယ်။

သဘောထားစစ်တမ်းအများစုကတော့ လူလာ့ အနိုင်ရမယ်လို့ ခန့်မှန်းထားပေမဲ့ ဘော်စိုနာရိုက အရှုံးကို လက်ခံဖို့ငြင်းနိုင်နေလို့ ရွေးကောက်ပွဲအပြီး အကြမ်းဖက်မှုတွေ ဖြစ်လာမှာ စိုးရိမ်နေကြပါတယ်။ 

စစ်တမ်းတွေ အရ ၂၀၀၃ ခုနှစ်ကနေ ၂၀၁၀ ခုနှစ်အထိ သမ္မတဖြစ်ခဲ့တဲ့ လူလာကို ၁၀ ရာခိုင်နှုန်း ကနေ ၁၅ ရာခိုင်နှုန်း အထိ ထောက်ခံခဲ့ကြတာပါ။