မန်ချက်စတာယူနိုက်တက်အသင်းဟာ ထိပ်တန်းအသင်းကြီးတွေရဲ့ပစ်မှတ်ဖြစ်လာတဲ့ ညာနောက်ခံလူ ဒါးလော့ကို စာချုပ်သက်တမ်းတိုးဖို့ စီစဉ်နေပါတယ်။

ပေါ်တူဂီနောက်ခံလူဟာ အခုနှစ်ရာသီမှာ ခြေစွမ်းကောင်းတွေပြသနေပြီး အသင်းရဲ့အဓိက ကစားသမားအဖြစ် ပုံမှန်ပွဲထွက်ရနေတာပါ။

ဒါးလော့ကို ဘာစီလိုနာနဲ့ အေစီမီလန်အသင်းတွေကခေါ်ယူဖို့ ပစ်မှတ်ထားနေကြောင်း သတင်းထွက်ပေါ်လာခဲ့တာကြောင့် မန်ယူအသင်းက သက်တမ်းတိုးဖို့ စီစဉ်လာခဲ့တာပါ။

အသက် ၂၃ နှစ်ရှိ ဒါးလော့ဟာ အခုနှစ်ရာသီအကုန်မှာ စာချုပ်သက်တမ်းကုန်ဆုံးမှာဖြစ်ပြီး ပြောင်းရွှေ့ကြေးအလွတ်နဲ့ လက်မလွှတ်ရဖို့ဆိုရင် မန်ယူအသင်းဘက်က အမြန်ဆုံးသက်တမ်းတိုး ဖို့လိုအပ်ပါတယ်။

ယူနိုက်တက်ဟာ စာချုပ်ပါ သဘောတူညီမှုအတိုင်း နောက်ထပ်တစ်နှစ်သက်တမ်းတိုးဖို့ရှိပြီး နှစ်ရှည်စာချုပ်လည်း ချုပ်ဆိုသွားဖို့ ပြင်ဆင်ထားပါတယ်။

ဒါးလော့ကိုယ်တိုင်ကတော့ စာချုပ်ကိစ္စမေ့ထားပြီး အသင်းလိုက်ခြေစွမ်းတိုးတက်လာဖို့ပဲ အာရုံစိုက်ရမယ့်အချိန်ဖြစ်ကြောင်း စကိုင်းစပေါ့နဲ့ အင်တာဗျူးမှာပြောထားပါတယ်