ဘရာဇီးနိုင်ငံတောင်ပိုင်းမှာ နိုဝင်ဘာ ၂၈ ရက် မနက်အစောပိုင်းက အာကာသကနေ ပြုတ်ကျပြီး ကောင်းကင် တခွင် တောက်ပလင်းချင်းနေတဲ့ ဥက္ကာပျံတစ်ခုရဲ့ ပုံရိပ်ကို ကင်မရာကနေ ဖမ်းမိခဲ့ပါတယ်။

ဘရာဇီးနိုင်ငံ ဟောလားအန်ယွန်း အာကာသစူးစမ်းလေ့လာရေးဌာနက သိပ္ပံဒါရိုက်တာ ကာလို ဖှာနန်ဒိုယွန်း တပ်ဆင်ထားတဲ့ ကင်မရာက ဥက္ကာပျံတစင်း ကမ္ဘာ့လေထုထဲကို ဝင်လာပြီး ကောင်းကင်မှာ လောင်ကျွမ်းသွားတဲ့ ပုံရိပ်ကို ဖမ်းမိခဲ့တာပါ။

ဥက္ကာပျံကြွေကျချိန် ၁ ဒသမ ၈ စက္ကန့်ကြာမြင့်ပြီး  ဥက္ကာပျံဟာ အမြင့် (၇၇ ဒသမ ၀၅ မိုင်) မှာ လေထုထဲ ဝင်ရောက်ခဲ့ပြီး အမြင့် (၆၉ ဒသမ ၅ မိုင်) မှာ မီးငြိမ်းသွားခဲ့တာပါ။

တနင်္လာနေ့က တွေ့ရတဲ့ ဥက္ကာပျံဟာ ဟျိုဂရန်ဒီ ဒူဆူမှာ ၂၀၂၂  ခုနှစ်အတွက် မှတ်တမ်းတင်ဖူးသမျှ အကြီးမားဆုံးလို့ ဖှာနန်ဒိုယွန်းက ပြောပါတယ်။  ဥက္ကာပျံ ကြွေကျတဲ့အတွက် မြေပြင်မှာ ထိခိုက်မှုမရှိခဲ့ပါဘူး။