close

ကတ်ပါ

close

February 28, 2022

ပင်နယ်တီ အဆုံးအဖြတ်တွင် ကတ်ပါကို အသုံးပြုခဲ့သည့်အပေါ် နောင်တမရဟု ချဲလ်ဆီးနည်းပြပြော

ကရာဘောင်ဖလားဗိုလ်လုပွဲရဲ့ ပင်နယ်တီအဆုံးအဖြတ်မှာ ဂိုးသမား ကတ်ပါကို အသုံးပြုခဲ့တဲ့အပေါ် နောင်တရမှာမဟုတ်ကြောင်း ချဲလ်ဆီးနည်းပြ တူချယ်ကပြောပါတယ်။

ချဲလ်ဆီးနဲ့ လီဗာပူးအသင်းတို့ရဲ့ ဗိုလ်လုပွဲစဉ်မှာ အချိန်ပိုအထိ ဂိုးမသွင်းနိုင်ခဲ့တာကြောင့် ပယ်နယ်တီအဆုံးအဖြတ်ခံယူခဲ့ပြီး လီဗာပူးက ၁၁ ဂိုး ၁၀ ဂိုးနဲ့ အနိုင်ရဗိုလ်စွဲခဲ့ပါတယ်။

ချဲလ်ဆီးနည်းပြတူချယ်ဟာ ဂိုးသမား မန်ဒီကို အချိန်ပိုအထိ အသုံးပြုခဲ့ပေမဲ့ ပင်နယ်တီ အဆုံးအဖြတ်ခံယူရမယ့်အချိန်မှာ မန်ဒီကို ဂိုးသမား ကတ်ပါနဲ့ လူစားလဲခဲ့တာပါ။

ကတ်ပါဟာ လီဗာပူးအသင်းရဲ့ပင်နယ်တီ ၁၀ ကြိမ်ကို မကာကွယ်နိုင်ခဲ့သလို ၁၁ လုံး မြောက်ပင်နယ်တီကို ကိုယ်တိုင်ကန်သွင်းခဲ့ရာမှာလည်း ဂိုးဘားပေါ် ကျော်သွားခဲ့တာ ဖြစ်ပါတယ်။

ကတ်ပါကို အသုံးပြုခဲ့တဲ့အပေါ်မှာ နောင်တရစရာမရှိကြောင်း၊ ရလဒ်အပေါ် စိတ်ပျက်ခဲ့ရပေမယ့်လည်း အပြစ်တင်မယ်ဆိုရင် ဆုံးဖြတ်ချက်ချခဲ့တဲ့ မိမိကိုပဲ အပြစ်တင်သင့်ကြောင်း နည်းပြ တူချယ်က ပြောပါတယ်။

ဂိုးသမား မန်ဒီကို ဆက်ပြီးအသုံးပြုခဲ့မယ်ဆိုရင်လည်း ဘယ်လိုရလဒ်ထွက်မလဲဆိုတာ ပြောလို့မရတာကြောင့် ကက်ပါကို အပြစ်တင်ဖို့ မသင့်ကြောင်း နည်းပြတူချယ်က ကာကွယ်ပြောသွားခဲ့ပါတယ်။ 

2 mins Ago

August 3, 2020

ချဲလ်ဆီးဂိုးသမား ကတ်ပါကို ဝယ်ယူမည့်အသင်း မရှိနိုင်ဟု အက်ရှ်လေကိုးလ် သုံးသပ်

ချဲလ်ဆီးအသင်းအနေနဲ့ ဂိုးသမား ကတ်ပါအရစ်ဇာဘလာဂါကို ရောင်းထုတ်ဖို့ ခက်ခဲနိုင်တယ်လို့ နောက်ခံလူဟောင်း အက်ရှ်လေကိုးလ်က သုံးသပ်လိုက်ပါတယ်။  စပိန်ဂိုးသမားကတ်ပါဟာ ပရီးမီးယားလိဂ်နောက်ဆုံးပွဲစဉ်ဖြစ်တဲ့ ဝုဗ်နဲ့ပွဲမှာ ပွဲထွက်ကစားခွင့်မရခဲ့သလို အာဆင်နယ်နဲ့ အက်ဖ်အေဖလားဗိုလ်လုပွဲမှာလည်း အရန်ခုံမှာထိုင်ခဲ့ရတာပါ။  ကတ်ပါကို ဝယ်ယူလိုတဲ့အသင်းတွေအနေနဲ့ ပေါင် ၇၁ သန်းကျော် ပေးချေရမှာဖြစ်ပြီး သူ့ရဲ့လက်စွမ်းထက် ပြောင်းရွှေ့ကြေးက  ဝယ်ယူလိုတဲ့အသင်း သိပ်မရှိနိုင်ဘူးလို့ အက်ရှ်လေကိုးလ်က သုံးသပ်ပါတယ်။  အင်္ဂလန်တိုက်စစ်မှူးဟောင်း အလန်ရှီးယားနဲ့ အာဆင်နယ် တိုက်စစ်မှူးဟောင်း အီယန်ရိုက်တို့ကတော့ ချဲလ်ဆီးအနေနဲ့ လာမယ့်ရာသီအတွက် ဂိုးသမားသစ်တဦး ဝယ်ယူရမယ်လို့ သုံးသပ်ခဲ့ပါတယ်။  ချဲလ်ဆီးအသင်းဟာ ဘန်လေဂိုးသမား နစ်ခ်ပုပ်နဲ့ အေဂျက်ဇ်ဂိုးသမား အန်ဒရီအိုနာနာတို့ကို ခေါ်ယူဖို့ ကြိုးပမ်းမယ်လို့ သတင်းထွက်ပေါ်နေပါတယ်။
2 years Ago
Up