ကာတာကမ္ဘာ့ဖလားပွဲစဉ်တွေမှာ မိနစ် ၁၀ အထိ အချိန်ကြာမြင့်နိုင်ကြောင်း ဒိုင်လူကြီးတွေက ခန့် မှန်းသုံးသပ်ကြပါတယ်။

ပြိုင်ပွဲကြီးတွေမှာ အသာရနေတဲ့အသင်းက အချိန်ဆွဲပြီး အခွင့်အရေး ယူတာ တွေများလာတာကြောင့် နာကျင်အချိန်ပို ထပ်ပေါင်းပြီး မိနစ်၁၀၀ အထိကြာရှည်သွားနိုင်တာပါ။  အချိန်ဆွဲမှုတွေနဲ့ ပတ်သက်လို့ ဒိုင်လူကြီးတွေအားလုံး ဆွေးနွေးခဲ့ပြီး ပြီးခဲ့တဲ့ ၂၀၁၈ ကမ္ဘာ့ဖလား တုန်းကလည်း အလားတူအတွေ့အကြုံတွေရှိခဲ့ပြီး နာကျင်အချိန်ပိုတွေ ပေါင်းထည့်ပြီး သတ်မှတ် ခဲ့ကြောင်း ဟော်လန်ဒိုင်လူကြီး မက်ခယ်လီကပြောပါတယ်။

ဒီအခြေအနေကြောင့် မိနစ်၉၀ အပြင် နာကျင်အချိန်ပို ၆ မိနစ်၊ ၇ မိနစ်၊ ၈ မိနစ် အထိ သတ်မှတ်ပေးတာတွေဟာ ထူးဆန်းတော့မှာမဟုတ်ကြောင်း ဆက်ပြောပါတယ်။

ပွဲချိန်အတွင်း အချိန်ဆွဲတာတွေကို တိတိကျကျ မှတ်သားပြီး နာကျင်အချိန်ပိုမှာ ပေါင်းထည့် သွားမှာဖြစ်လို့ ပွဲချိန်မိနစ် ၁၀၀ အထိရှိသွားနိုင်ကြောင်း ဒိုင်လူကြီးတွေက ကြို တင်အသိပေးထားတာဖြစ်ပါတယ်။ 

ပြင်သစ်ကွင်းလယ်ကစားသမား ကွန်တေဟာ တံကောက်ကြောဒဏ်ရာကို ခွဲစိတ်ကုသခဲ့လို့  ၄ လကြာ အနားယူရမှာဖြစ်ပြီး လာမယ့် ကာတာ ကမ္ဘာ့ဖလားပြိုင်ပွဲကို လွဲချော်တော့မှာပါ။

ချဲလ်ဆီးကွင်းလယ်လူ ကွန်တေဟာ ပြီးခဲ့တဲ့ သြဂုတ် ၁၄ ရက်က စပါးနဲ့ ၂ ဂိုးစီ သရေကျခဲ့တဲ့ပွဲစဉ်မှာ တံကောက်ကြောဒဏ်ရာရခဲ့တာဖြစ်ပြီး အဆုံးသတ်မှာတော့ ခွဲစိတ်ကုသမှု ပြုလုပ်ခဲ့ရတာပါ။

၄ လ အနားယူရမှာဖြစ်လို့ လာမယ့် နိုဝင်ဘာ ၂၀ ရက်မှာ စတင်မယ့် ၂၀၂၂ ကာတာကမ္ဘာ့ဖလား ဘောလုံးပွဲကို လွဲချော်ဖို့ သေချာစေခဲ့တာပါ။

ကွန်တေဟာ ပြီးခဲ့တဲ့ ၂၀၁၈ ကမ္ဘာ့ဖလားမှာ ပြင်သစ်အသင်းနဲ့အတူ ကမ္ဘာ့ချန်ပီယံဖြစ်ခဲ့သူပါ။ ကွန်တေရဲ့ တံကောက်ကြောဒဏ်ရာခွဲစိတ်ကုသမှုဟာ အောင်မြင်ခဲ့ပြီး ၄ လလောက် အနားယူရ မှာဖြစ်ကြောင်း ချဲလ်ဆီးအသင်းကလည်း တရားဝင်သတင်းထုတ်ပြန်ခဲ့ပါတယ်။