အမေရိကန်ဒုသမ္မတ ကမ်မလာဟားရစ်ဟာ စက်တင်ဘာ ၂၉ ရက်မှာ ကိုရီးယားနှစ်နိုင်ငံကို ပိုင်းခြားထားတဲ့ စစ်မဲ့ဇုန် (DMZ) ဆီ သွားရောက်လည်ပတ်ခဲ့ပါတယ်။
မြောက်ကိုရီးယားနယ်စပ်က စစ်မဲ့ဇုန် DMZ ဟာ ငြိမ်းချမ်းရေးစာချုပ်မချုပ်ဘဲ အပစ်အခတ်ရပ်စဲရေး သဘောတူစာချုပ်နဲ့ ပြီးဆုံးခဲ့တဲ့ ၁၉၅၀-၁၉၅၃ ကိုရီးယားစစ်ပွဲရဲ့ အမွေအနှစ်တရပ်ပါ။
၂ ကီလိုမီတာရှည်တဲ့ ကမ်းရိုးတန်းတလျှောက် ဘလိတ်ဓားဆူးကြိုးတွေ၊ အကြီးစား လက်နက်တွေနဲ့ တင့်ကားထောင်ချောက်တွေကို နယ်စပ်မျဉ်း တဖက်တချက်စီမှာ အခိုင်အခံ့ ချထားပါတယ်။
အမေရိကန်သမ္မတတွေနဲ့ ထိပ်တန်းအရာရှိ အများအပြားဟာ စစ်ပုံစံအင်္ကျီတွေဝတ်ပြီး ဒီဇုန်ကို လာလေ့ရှိပါတယ်။
အမေရိကန်သမ္မတ ရော်နယ်ရေဂင်ဟာ DMZ ဆီ လာရောက်လည်ပတ်တဲ့ ပထမဆုံး အမေရိကန်သမ္မတဖြစ်ပြီး အမေရိကန် အောက်လွှတ်တော်ဥက္ကဋ္ဌ နန်စီပေလိုစီကတော့ DMZ ကို လာရောက်လည်ပတ်ခဲ့တဲ့ နောက်ဆုံး အမေရိကန်ခေါင်းဆောင် ဖြစ်ပါတယ်။
ဟားရစ်ဟာ DMZ ဆီ လာရောက်လည်ပတ်တဲ့ သမ္မတ ဂျိုးဘိုင်ဒင်ရဲ့ အုပ်ချုပ်ရေးအဖွဲ့ ပထမဆုံး အကြီးတန်းအရာရှိ ဖြစ်လာမှာပါ။
ဒီခရီးစဉ်ဟာ မြောက်ကိုရီးယားရဲ့ ခြိမ်းခြောက်မှုတွေနဲ့ ရင်ဆိုင်ရချိန်မှာ တောင်ကိုရီးယားနဲ့ အမေရိကန် အစိုးရ နှစ်ရပ်ကြား မဟာမိတ်ဆက်ဆံရေးကို မီးမောင်းထိုးပြဖို့ ရည်ရွယ်ထားတယ်လို့ အမေရိကန်နဲ့ တောင်ကိုရီးယား တာဝန်ရှိသူတွေက ပြောပါတယ်။
အမေရိကန် ဒုတိယသမ္မတ ကမ်မလာဟားရစ်ဟာ ကိုဗစ်-၁၉ ရောဂါ ကူးစက်ခံထားရပေမဲ့ စိုးရိမ်စရာ မရှိဘူးလို့ ဒုတိယသမ္မတရဲ့ ပြောရေးဆိုခွင့်ရှိသူက ပြောပါတယ်။
အိမ်ဖြူတော် ဝန်ထမ်းတွေကြားမှာ ကိုဗစ်-၁၉ ကူးစက်မှု စိုးရိမ်နေရတဲ့ အချိန်မှာ ဒုသမ္မတ ကိုယ်တိုင် ရောဂါကူးစက်ခံထားရတဲ့ သတင်းကို အတည်ပြုလိုက်တာပါ။
ဒါပေမဲ့ ဒီအတောအတွင်းမှာ ဒုတိယသမ္မတနဲ့ သမ္မတ ဂျိုးဘိုင်ဒင်တို့ အနီးကပ် တွေ့ဆုံခဲ့တာ မရှိခဲ့ဘူးလို့ ဒုသမ္မတရဲ့ ပြောခွင့်ရသူ ခရစ္စတင်း အဲလန်က ပြောပါတယ်။
လောလောဆယ်မှာ ဒုသမ္မတဟာ သီးသန့်နေထိုင်မှာ ဖြစ်ပြီး ရောဂါလက္ခဏာ မတွေ့ရတော့မှဘဲ အိမ်ဖြူတော်ကို ပြန်လာမယ်လို့လည်း ပြောပါတယ်။
ကူးစက်မြန်တဲ့ အိုမီခရွန်း BA.2 မျိုးကွဲဟာ အမေရိကန်ပြည်ထောင်စုရဲ့ တချို့နေရာတွေမှာ ရောဂါကူးစက်မှုတွေ မြင့်တက်စေနေပေမဲ့ တနိုင်ငံလုံး အတိုင်းအတာနဲ့တော့ ကူးစက်မှုနှုန်းက ကျဆင်းနေပြီလို့ ကျန်းမာရေး အရာရှိတွေက ပြောပါတယ်။
