အမေရိကန်နိုင်ငံ၊ ကယ်လီဖိုးနီးယားပြည်နယ် မြောက်ပိုင်းဒေသတွေမှာ မိုးသည်းထန်စွာရွာလို့ ကိုဆမ်းနက်စ်မြစ်ရဲ့ အစိတ်အပိုင်းတွေ ကမ်းပါးပြိုကျခဲ့ပါတယ်။
ဆပ်ခရာမန်တို မြို့နယ်က ဝီလ်တန်မြို့နားမှာ မြစ်ကမ်းပါး တာပေါင်ရိုး ၂ နေရာ ထက်မနည်း ပြိုကျခဲ့လို့ ဇန်န၀ါရီ ၂ ရက် အထိ ရုတ်တရက် ရေလွှမ်းမိုးမှု သတိပေးချက် ထုတ်ပြန်ခဲ့ရပါတယ်။
ဝီလ်တန်မြို့ အနောက်တောင်ဘက်က လူနေရပ်ကွက်တွေဆီ ရေစီးဝင်လာချိန်မှာ လယ်မြေအများအပြားဆီ ရေစီးသန်သန်နဲ့ ရေလွှမ်း ကုန်ပါတယ်။
စနေနေ့မှာ ပထမတာပေါင်ရိုးကျိုးပြီးတဲ့နောက် ဒေသခံတွေကို ဘေးလွတ်ရာဆီ ရွှေ့ပြောင်းခိုင်းခဲ့ပါတယ်။
ကယ်လီဖိုးနီးယားပြည်နယ် မြောက်ပိုင်းဟာ ဒေသတွင်း မိုးကြီးစေနိုင်တဲ့ “လေထုမြစ်” လို့ခေါ်တဲ့ အားကောင်းတဲ့ ရာသီဥတုစနစ်ရဲ့ ဒဏ်ကို ခံနေရတာပါ။
ဒီဒေသမှာ ခုသီတင်းပတ်အတွင်း မုန်တိုင်းတွေ ထပ်ဝင်လာဦးမယ်လို့ အမျိုးသား မိုးလေဝသဌာနက သတိပေး ထုတ်ပြန်ထားပါတယ်။
စစ်ကိုင်းတိုင်း၊ ကသာခရိုင် ကသာမြို့အထက်ဘက် မိုးတားတိုက်နယ်မှာ ဒေသကာကွယ်ရေးတပ်ပေါင်းစုတွေနဲ့ စစ်ကောင်စီတပ်တို့ စက်တင်ဘာ ၁၂ ရက်နေ့ကနေ ၁၆ ရက်နေ့ထိ ၅ ရက်အတွင်း ၅ ကြိမ်ထက်မနည်း တိုက်ပွဲဖြစ်ခဲ့တယ်လို့ ကသာမြို့နယ် ပြည်သူ့ကာကွယ်ရေးအဖွဲ့ ကသာ ပကဖအဖွဲ့က ထုတ်ပြန်ပြောဆိုပါတယ်။
"စကစ စစ်အုပ်စုက မိုးတားလေးကနေ ကသာမြို့ဘက်ကို အပြန်စစ်ကြောင်းထိုးလာခဲ့တယ်။ ဒေသကာကွယ်ရေးအဖွဲ့တွေရဲ့ မိုင်းကွင်းတွေကို ရှောင်ကွင်းတဲ့အနေနဲ့ ကမ်းပါးယံအတိုင်းလာကြရာ ကမ်းပါးပြိုကျပြီး ရေနစ်သေဆုံးခဲ့တဲ့ စစ်သားတကောင်ကို အခု ရရှိထားပါတယ်။ ပုပ်ပွပြီး ပေါ်လာတာ ဖြစ်ပါတယ်။ ၅ ရက်ကြာ ကသာမြို့ အနောက်ဘက်ကမ်းတိုက်ပွဲမှာ စစ်ကောင်စီတပ်က ၂၀ ထက်မနည်း သေဆုံးသွားတယ်လို့ မြေပြင်သတင်းပေးပို့ချက်အရ သတင်းရပါတယ်" လို့ ကသာ ပ.က.ဖ အဖွဲ့က ပြောပါတယ်။
ပြီးခဲ့တဲ့ စက်တင်ဘာ ၁၄ ရက်နေ့ကလည်း မိုးတားလေးကျေးရွာနဲ့ မြေနုရွာကနေ ထွက်လာတဲ့ အကြမ်းဖက်စစ်ကောင်စီတပ်စစ်ကြောင်းကို ကသာမြို့နယ် အထက်ဝဲကြီးကျေးရွာအရောက်မှာ မိုးတားတိုက်နယ် ပ.က.ဖ ဗိုလ်သာလိကာ ဦးဆောင်တဲ့အဖွဲ့က မိနစ် ၄၀ ကြာ ပစ်ခတ်တိုက်ခိုက်ရာ စစ်ကောင်စီဘက်က ဗိုလ်လေး တယောက်နဲ့ အများအပြား ထိခိုက်သေဆုံးပြီး စက်လှေတွေနဲ့ ကသာကို အရေးပေါ်ပို့ဆောင်လိုက်ရတယ်လို့ ကသာ ပကဖ အဖွဲ့က ထုတ်ပြန်ထားပါတယ်။
