အာဆီယံဒေသတွင်းနိုင်ငံတွေမှာ ပြီးခဲ့တဲ့ ၂၄ နာရီအတွင်း ကိုဗစ်-၁၉ ကူးစက်ခံရသူပေါင်း ၄၀,၀၀၀ နီးပါး ရှိခဲ့တယ်လို့ အောက်တိုဘာ ၁၁ ရက်နေ့  နေးရှင်းသတင်းမှာ ဖော်ပြပါတယ်။

ပြီးခဲ့တဲ့ ၂၄ နာရီအတွင်း ကိုဗစ်-၁၉ ရောဂါကူးစက်ခံရပြီး သေဆုံးသူအရေအတွက်ကတော့ အာဆီယံဒေသတွင်း ၄၉၂ ယောက်ရှိခဲ့ပြီး အရင်နေ့က သေဆုံးမှုစုစုပေါင်း ၆၅၄ ထက် ပိုပြီးတော့ လျော့နည်းလာခဲ့တာပါ။

ကမ္ဘောဒီးယားနိုင်ငံကတော့ ကိုဗစ်-၁၉ ရောဂါကူးစက်မှုအခြေအနေဟာ အနည်းဆုံး ၁၀ ရက်လောက် တည်ငြိမ်လာမယ်ဆိုရင် စီးပွားရေးလုပ်ငန်းတွေကို ပြန်လည်ပြီးတော့လည် ပတ်ခွင့်ပြုသွားဖို့ စီစဉ်နေတာ ဖြစ်ပါတယ်။

လတ်တလောမှာတော့ နိုင်ငံတွင်း နေ့စဉ်ကိုဗစ်-၁၉ ရောဂါကူးစက်မှုနှုန်းဟာ ၃၀၀ ဝန်းကျင်နဲ့ နေ့စဉ်သေဆုံးသူ ၂၀ လောက် ရှိနေတာ ဖြစ်ပါတယ်။

တချိန်တည်းမှာပဲ စင်ကာပူနိုင်ငံကတော့ ကိုဗစ်-၁၉ ကာကွယ်ဆေး မထိုးနှံရသေးသူတွေ အတွက် ကျန်းမာရေးစောင့်ရှောက်မှုဆိုင်ရာ နည်းဥပဒေတွေ အဆင်ပြေ ချောမွေ့စေဖို့ ပြင်ဆင်နေပြီး လာမယ့် အောက်တိုဘာ ၁၃ ရက်နေ့က စတင်ပြီးတော့ ကာကွယ်ဆေးမ ထိုးထားသူတွေကို စားသောက်ဆိုင်တွေမှာ စားသောက်ခွင့်၊ ဈေးဝယ်စင်တာတွေနဲ့ အထင်ကရနေရာတွေကို သွားလာလည်ပတ်ခွင့်ပြုတော့မှာ မဟုတ်ဘူးလို့ ဆိုပါတယ်။

ဒါပေမဲ့ အသက် ၁၂ နှစ်အောက်ကလေးတွေနဲ့ ကိုဗစ်-၁၉ ရောဂါကူး စက်ခံရပြီး ပြန် လည်သက်သာလာသူတွေနဲ့ ရောဂါကူးစက်ခံထားရခြင်းမရှိကြောင်း ဓာတ်ခွဲခန်းအဖြေ ထွက်သူတွေကိုတော့ ခြွင်းချက်အနေနဲ့ ခွင့်ပြုသွားမယ်လို့ ဆိုပါတယ်။

လတ်တလောအချိန်ထိ အာဆီယံဒေသတွင်း ကိုဗစ်-၁၉ ရောဂါကူးစက်ခံရသူ စုစုပေါင်း ၁၂ ဒသမ ၅၄ သန်းကျော်နဲ့ သေဆုံးသူပေါင်း ၂၆၈,၆၅၅ ယောက်ထိ ရှိလာခဲ့ပြီ ဖြစ်ပါတယ်။

လတ်တလောအချိန်ထိ အာဆီယံဒေသတွင်းနိုင်ငံတွေထဲမှာတော့ အင်ဒိုနီးရှား၊ ဖိလစ်ပိုင်၊ မလေးရှားနဲ့ ထိုင်းနိုင်ငံတွေက သန်းချီကူးစက်မှု အမြင့်ဆုံးနိုင်ငံတွေအဖြစ် ရှိနေပြီး သူ့ နောက်မှာ မြန်မာနိုင်ငံက ကူးစက်ခံရသူပေါင်း ၈ သိန်းကျော်၊ ဗီယက်နမ်နိုင်ငံက ၄ သိန်း ကျော်စီနဲ့ အသီးသီး ရပ်တည်နေတာ ဖြစ်ပါတယ်။

ကမ္ဘာတဝန်း ကိုဗစ်-၁၉ ရောဂါကူးစက်ခံရသူအရေအတွက်ဟာ သန်း ၂၀၀ ကျော် လာခဲ့ပြီဖြစ်ကာ သန်းချီကူးစက်ခံရတဲ့ နိုင်ငံပေါင်း ၃၁ နိုင်ငံထိ ရှိလာပါတယ်။

တကမ္ဘာလုံးအတိုင်းအတာနဲ့ သေဆုံးသူအရေအတွက်ကတော့ ၄ ဒသမ ၂ ၅ သန်း ကျော်နဲ့ ရောဂါပြန်လည်ပျောက်ကင်းလာသူအရေအတွက်ကတော့ ၁၈၀ ဒသမ ၅ သန်း ကျော် ရှိနေတာပါ။

ရောဂါဖြစ်ပွားမှု အမြင့်ဆုံးနိုင်ငံတွေထဲမှာတော့ အမေရိကန်နိုင်ငံက ကူးစက်ခံရသူ ၃၆ သန်းကျော်၊ သေဆုံးသူ ၆ သိန်း ၃ သောင်းကျော် ရှိနေပြီး သူ့နောက်မှာတော့ အိန္ဒိယ နိုင်ငံက ကူးစက်ခံရသူ ၃၁ ဒသမ ၇ သန်းကျော်၊ သေဆုံးသူ ၄ သိန်း ၂ သောင်းကျော်နဲ့ ရှိ နေပါတယ်။

တတိယနေရာမှာတော့ ဘရာဇီးနိုင်ငံက ကိုဗစ်-၁၉ ရောဂါကူးစက်ခံရသူ သန်း ၂၀ နီးပါး၊ သေဆုံးသူ ၅ သိန်းခွဲကျော်နဲ့ ထိပ်ဆုံး ၃ နိုင်ငံအနေနဲ့ အသီးသီး ရပ်တည်နေပါ တယ်။

အဲဒီ ၃ နိုင်ငံနောက်မှာတော့ ရုရှားနဲ့ ပြင်သစ်နိုင်ငံတွေက ကူးစက်ခံရသူ ၆ သန်း ကျော်၊ ယူကေနဲ့ တူရကီနိုင်ငံတွေက ကူးစက်ခံရသူ ၅ သန်းကျော်၊ အာဂျင်တီးနား၊ ကိုလံဘီယာ၊ စပိန်နဲ့ အီတလီနိုင်ငံတွေက ကူးစက်ခံရသူ ၄ သန်းကျော်၊ အီရန်၊ ဂျာမနီနဲ့ အင်ဒိုနီးရှားနိုင်ငံတွေက ကူးစက်ခံရသူ ၃ သန်းကျော်၊ ပိုလန်၊ မက္ကဆီကို၊ တောင်အာဖရိက၊ ယူကရိန်းနဲ့ ပီရူးနိုင်ငံတွေက ကူးစက်ခံရသူ ၂ သန်းကျော်စီ ရှိနေပါတယ်။

အဲဒီနောက်မှာတော့ နယ်သာလန်၊ ချက်သမ္မတနိုင်ငံ၊ အီရတ်၊ ချီလီ၊ ဖိလစ်ပိုင်၊ ကနေဒါ၊ ဘင်္ဂလားဒေ့ရှ်၊ မလေးရှား၊ ဘယ်လ်ဂျီယမ်၊ ဆွီဒင်၊ ရိုမေးနီးယား၊ ပါကစ္စတန် နိုင်ငံတွေမှာလည်း ကိုဗစ်-၁၉ ရောဂါကူးစက်ခံရသူ အရေအတွက် ၁ သန်းကျော်လာခဲ့ပြီ ဖြစ်တာမို့ ခုချိန်ထိ ကမ္ဘာတဝန်း ကိုဗစ်-၁၉ ရောဂါကူးစက်ခံရသူ ဦးရေ ၁ သန်း ကျော် လာခဲ့တဲ့ နိုင်ငံပေါင်း ၃၁ နိုင်ငံထိ ရှိလာခဲ့ပြီလို့ Worldometers ဝက်ဘ်ဆိုက်ဒ်မှာ ဖော်ပြ ထားပါတယ်။

ရောဂါဖြစ်ပွားမှုစတင်ရာ တရုတ်နိုင်ငံမှာတော့ ကိုဗစ်-၁၉ ရောဂါကူးစက်ခံရသူ အရေအတွက် ၉ သောင်း ၃ ထောင်ကျော်၊ စုစုပေါင်း သေဆုံးသူ ၄,၆၃၆ ယောက်နဲ့ နိုင်ငံအ လိုက် အမှတ်စဉ် ၁၀၇ နေရာထိ ကျဆင်းသွားခဲ့ပါတယ်။

အာဆီယံဒေသတွင်း နိုင်ငံတွေထဲမှာတော့ ကိုဗစ်-၁၉ ရောဂါကူးစက်ပြန့်ပွားမှု အ မြင့်ဆုံးနိုင်ငံတွေအဖြစ် အင်ဒိုနီးရှား၊ ဖိလစ်ပိုင်နိုင်ငံတွေနဲ့အတူ မလေးရှားနိုင်ငံမှာပါ ရော ဂါကူးစက်ခံရသူ ၁ သန်းကျော်ခဲ့ပြီ ဖြစ်တာမို့ စုစုပေါင်း ၃ နိုင်ငံ ရှိလာခဲ့ပြီ ဖြစ်ပါတယ်။

အာရှဒေသတွင်း နိုင်ငံတွေဖြစ်ကြတဲ့ ဂျပန်နိုင်ငံမှာတော့ ကိုဗစ်-၁၉ ရောဂါ ကူးစက် ခံရသူ ၉ သိန်းကျော်၊ အစ္စရေးနိုင်ငံမှာတော့ ၈ သိန်းကျော်စီ အသီးသီး ရှိနေတာ ဖြစ်ပါ တယ်။

မြန်မာနိုင်ငံမှာတော့ လက်ရှိအချိန်ထိ ကိုဗစ်-၁၉ အတည်ပြု လူနာစုစုပေါင်း ၃၁၁,၀၆၇ ယောက်၊ သေဆုံးသူ ၁၀,၃၇၃ ယောက်နဲ့ အာဆီယံနိုင်ငံတွေထဲမှာ ကိုဗစ်-၁၉ ရောဂါကူးစက်မှုနဲ့ သေဆုံးမှုအများဆုံးနိုင်ငံတွေထဲမှာ ပါဝင်နေပါတယ်။

မြန်မာနဲ့ အိမ်နီးချင်းနိုင်ငံတနိုင်ငံဖြစ်တဲ့ ထိုင်းနိုင်ငံမှာတော့ ကိုဗစ်-၁၉ ရောဂါကူး စက်ခံရသူ အရေအတွက် ၆ သိန်း ၇ သောင်းကျော်နဲ့ သေဆုံးသူ ၅,၅၀၀ ကျော် ရှိနေပါ တယ်။

ဗီယက်နမ်နိုင်ငံမှာတော့ ကိုဗစ်-၁၉ ရောဂါကူးစက်ခံရသူ အရေအတွက် ၁ သိန်း ၇  သောင်းကျော်နဲ့ သေဆုံးသူ ၂,၀၀၀ ကျော် ရှိနေပြီ ဖြစ်ပါတယ်။

ကမ္ဘောဒီးယားနိုင်ငံမှာတော့ ကိုဗစ်-၁၉ ရောဂါကူးစက်ခံရသူ အရေအတွက် ၇ သောင်း ၉ ထောင်ကျော်နဲ့ သေဆုံးသူ ၁,၄၀၀ ကျော်ရှိနေပါတယ်။

စင်ကာပူနိုင်ငံကတော့ ရောဂါကူးစက်ခံရသူအရေအတွက် ၆ သောင်းခွဲကျော်နဲ့ သေ ဆုံးသူအရေအတွက် ၃၈ ယောက်ရှိနေတာ ဖြစ်ပါတယ်။

လာအိုနိုင်ငံမှာတော့ ကိုဗစ်-၁၉ ရောဂါကူးစက်ခံရသူ အရေအတွက် ၇,၀၀၀ ကျော် နဲ့ သေဆုံးသူ ၇ ယောက်ရှိနေပြီး ဘရူနိုင်းနိုင်ငံမှာတော့ ရောဂါ ကူးစက်ခံရသူ ၃၃၈ ယောက်နဲ့ သေဆုံးသူအရေအတွက် ၃ ယောက် ရှိနေပါတယ်။