ကူလီဘာလီ

July 20, 2022

ဂျွန်တယ်ရီ၏ကျောနံပါတ် ကူလီဘာလီကိုပေးခဲ့သည့်အပေါ် ချဲလ်ဆီးပရိသတ်များ ဒေါသထွက်

နောက်ခံလူသစ် ကူလီဘာလီကို ဂန္ထဝင်နောက်ခံလူ ဂျွန်တယ်ရီ ဝတ်ဆင်ခဲ့ဖူးတဲ့ ကျောနံပါတ် ၂၆ ပါ ဂျာစီဝတ်ဆင်စေခဲ့တဲ့ အပေါ် ချဲလ်ဆီးပရိသတ်တချို့က ဒေါသထွက်ခဲ့ကြပါတယ်။

ဆီနီဂေါနောက်ခံလူ ကူလီဘာလီဟာ နာပိုလီကနေ ပေါင် ၃၄ သန်းနဲ့ ပြောင်းရွှေ့လာခဲ့သူပါ။ သူဟာ နောက်ခံလူဟောင်း ဂျွန်တယ်ရီ ဝတ်ဆင်ခဲ့တဲ့ ကျောနံပါတ် ၂၆ ဂျာစီဝတ်ဆင်နေတာကို ရာသီကြိုလေ့ကျင့်ရေးအစီအစဉ်တွေမှာ မြင်တွေ့နိုင်ပါတယ်။

အဲဒီအပေါ်မှာ ချဲလ်ဆီးပရိသတ်တချို့က ဒေါသထွက်ခဲ့ကြပြီး ကျောနံပါတ်၂၆ ကို အနားမပေးဘဲ ဝတ်ဆင်စေခဲ့တာက ဂျွန်တယ်ရီအပေါ် မလေးစားရာရောက်ကြောင်း တွစ်တာကနေ ဝေဖန်ပါတယ်။

တခြားချဲလ်ဆီး ပရိသတ်တွေကလည်း ကျောနံပါတ် ၄ ရှိနေလျက်နဲ့ အသင်းရဲ့ဂန္ထဝင်အသင်းခေါင်းဆောင်ရဲ့ ကျောနံပါတ်ကို မပေးသင့်ကြောင်း၊ မကြာခင်မှာကျောနံပါတ် ပြောင်းဖို့မျှော်လင့်ကြောင်း တွစ်တာမှာ ရေးသားခဲ့ကြပါတယ်။

တခြားပရိသတ်တစ်ဦးကတော့ တယ်ရီရဲ့ကျောနံပါတ်ကို အနားပေးသင့်တာ မှန်ပေမယ့် ကူလီဘာလီလို ကစားသမားနဲ့လည်း ထိုက်တန်ကြောင်းမှတ်ချက်ပေးခဲ့ပါတယ်။

အသင်းခေါင်းဆောင်ဟောင်းတယ်ရီဟာ ကျောနံပါတ် ၂၆ ကို ၁၉၉၈ ခုနှစ်ကနေ ၂၀၁၇ အထိ ၁၉ နှစ်ကြာ ဝတ်ဆင်ကစားခဲ့ပါတယ်။

49 seconds Ago

July 13, 2020

1.8K

အသင်းပြောင်းရွှေ့ရန် ဆွေးနွေးခဲ့ခြင်းမရှိဟု နာပိုလီနောက်ခံလူ ကူလီဘာလီ ပြော

အသင်းပြောင်းရွှေ့ဖို့ တကြိမ်တခါမှ မဆွေးနွေးဖူးသေးဘူးလို့ နာပိုလီနောက်ခံလူ ကူလီဘာလီက ပြောပါတယ်။ အသက် ၂၉ နှစ်ရှိ ဗဟိုနောက်ခံလူ ကူလီဘာလီကို မန်စီးတီးနဲ့ မန်ယူအသင်းတွေအပြင် တခြားထိပ်တန်းကလပ်တွေကပါ ခေါ်ယူလိုနေတာပါ။ အနာဂတ်နဲ့ ပတ်သက်ပြီး သတင်းစာတွေ နေ့စဉ်ဖတ်နေရပေမယ့် နာပိုလီကနေ ထွက်ခွာဖို့ တစ်ကြိမ်တစ်ခါမှာ ဆွေးနွေးဖူးခြင်းမရှိသေးဘူးလို့ အီတလီသတင်းစာတစ်စောင်နဲ့ အင်တာဗျူးမှာ ကူလီဘာလီက ပြောပါတယ်။ အသင်းနဲ့ ဖြေရှင်းစရာ တခုခုရှိရင်တော့ အဖြေတစ်ခုရှာသွားရမှာဖြစ်ပေမယ့် နာပိုလီမှာ ဆက်နေပြီး ပွဲတွေကစားဖို့ပဲ ရာနူန်းပြည့်အာရုံစိုက်ထားတယ်လို့ ကူလီဘာလီက ပြောပါတယ်။ သူ့ရဲ့ အနာဂတ်ဟာ နာပီုလီအသင်းဥက္ကဋ္ဌအပေါ်မှာ မူတည်ပြီး အသင်းက စာချုပ်သက်တမ်းတိုးမယ်ဆိုရင် ကစားသမားဘဝကနေ အနားယူချိန်အထိ နာပိုလီအသင်းမှာပဲ ဆက်ကစားသွားမယ်လို့ ကူလီဘာလီက ပြောကြားခဲ့ပါတယ်။ ၂၀၁၄ ခုနှစ်က ဂျန့်အသင်းကနေ ပြောင်းရွှေ့လာတဲ့ ကူလီဘာလီဟာ နာပိုလီအတွက် စုစုပေါင်း ၂၃၉ ပွဲအထိ ကစားထားပါတယ်။

2 years Ago