အင်ဒိုနီးရှားနိုင်ငံ၊ ဆူမားတြားကျွန်း အရှေ့ဘက်ကမ်းရိုးတန်းမှာ ကူးတို့သင်္ဘော တိမ်းမှောက်မှုကြောင့် အနည်းဆုံး လူ ၁၁ ဦး သေဆုံးပြီး တဦး ပျောက်ဆုံးနေကြောင်း အမျိုးသား ရှာဖွေရေးနဲ့ ကယ်ဆယ်ရေး အေဂျင်စီက ဧပြီ ၂၈ ရက်မှာ ပြောပါတယ်။

လူ ၇၄ ဦးလောက်ကို တင်ဆောင်ထားတဲ့ ကူးတို့သင်္ဘောဟာ အိမ်နီးချင်း စင်ကာပူနိုင်ငံအနီးရှိ တန်ဂျွန်းပီနန်းကျွန်းငယ်ကို ရွက်လွှင့်လာပြီး မိနစ် ၃၀ လောက်အကြာမှာ သစ်တုံးတတုံးနဲ့ တိုက်မိတယ်လို့ သံသယရှိကြောင်း တာဝန်ရှိသူတွေက ပြောပါတယ်။

ပင်လယ်ပြင်မှာ ကယ်တင်ခံရပြီး အသက်ရှင်ကျန်ရစ်သူတွေကို ဆူမားတြားကျွန်းပေါ်ရှိ အင်ဒရာဂီရိ ဟီလိယာနယ်မြေမှာ ပြုစုစောင့်ရှောက်ပေးနေကြပါတယ်။

ပျောက်ဆုံးနေသူတဦးကို ရှာဖွေနေဆဲဖြစ်ကြောင်း ကယ်ဆယ်ရေးအေဂျင်စီက ပြောကြားပြီး မျက်မြင်သက်သေတွေဆီကလည်း သတင်းတွေ လာနေတယ်လို့ ဆိုပါတယ်။

ပန်းဆိုးတန်း နဲ့ ဒလဘက် ပြေးဆွဲနေတဲ့ အမှတ် ၂ ချယ်ရီကူးတို့ သဘော်ပေါ်မှာ ဒီကနေ့ ည ၇ နာရီဝန်းကျင်က ဗုံးပေါက်ကွဲမှုဖြစ်ပွားခဲ့ပြီး ၁၃ ဦး ဒဏ်ရာရရှိခဲ့တယ်လို့ ဒလမြို့ခံတွေက ပြောပါတယ်။

ပန်းဆိုးတန်းမှ ဒလဘက်ပြန်ထွက်တဲ့ အမှတ် ၂  ချယ်ရီကူးတို့သင်္ဘောပေါ်မှာ ဒီကနေ့ ညနေ ၆ နာရီ မိနစ် ၄၀ လောက် ဗုံးပေါက်ကွဲခဲ့တာလို့ ဒလမြို့ခံတဦးက ဒီဗွီဘီကို ပြောပါတယ်။

"အမှတ် ၂ ချယ်ရီသင်္ဘောပေါ်ပေါက်တာ၊ လူနာတင်ကားတွေနဲ့ လာသယ်တာအများကြီးပဲ၊ ရန်ကုန်ဆေးရုံကြီးကိုပို့တယ်။ အခုကတော့ စစ်ဆေးတာတွေ တအားလုပ်နေတာ စစ်တပ်က။" 

လက်တလောမှာ ထိခိုက်ဒဏ်ရာရရှိသူ ၁၃ ဦးကို ရန်ကုန်ပြည်သူ့ဆေးရုံကြီးကို ပရဟိတအဖွဲ့တွေက ကူညီပို့ဆောင်ပေးခဲ့တယ်လို့ အုပ်ချုပ်ရေးနဲ့နီးစပ်သူတဦးက ပြောပါတယ်။

"၁၃ ဦးဒဏ်ရာရတာတော့ သိတယ်။ ကျား၊ မ ဦးရေတော့ အတိအကျမသိဘူး။ သေချာတာက ၁၀ ဦးထပ်မနည်းပဲ။ အခု ပန်းဆိုးတန်း နဲ့ ဒလမှာရော၊ ဒလဘက်မှာပါ စစ်ဆေးတာတွေလုပ်နေတယ်။"

ကူးတို့သင်္ဘောပေါ် ဗုံးဖောက်ခွဲမှုကို ဘယ်အဖွဲ့က ပြုလုပ်တယ်ဆိုတာတော့ မသိရသေးပါဘူး။

ရန်ကုန်က မြို့နယ်အချို့မှာ ဒီဇင်ဘာ ၁ ရက်မှ ၁၇ ရက်အတွင်း ဗုံးပေါက်ကွဲမှုနဲ့ပစ်ခတ်မှု ၁၇ ကြိမ်ဖြစ်ခဲ့ပြီး ၁ ဦးသေဆုံး၊ ၁၄ ဦးဒဏ်ရာရရှိခဲ့ပါတယ်။