ယူကရိန်းကို ရုရှားကျူးကျော်စစ်တိုက်တဲ့ တစ်နှစ်ပြည့် အထိမ်းအမှတ်အဖြစ် ပိုလန်နိုင်ငံ ဝါဆော မြို့မှာ ဆန္ဒပြသူတွေဟာ ဖေဖော်ဝါရီ ၂၄ ရက်က ရုရှားသံရုံးရှေ့ အပြင်ဘက်မှာ ဆန္ဒပြခဲ့ကြပါတယ်။ 

မနက်အစောပိုင်း ဆန္ဒပြပွဲအတွင်း သံရုံးအပြင်ဘက်ရှိ အလုပ်သမားတွေ နေထိုင်ရာ အဆောက်အဦ အပြင်ဘက်မှာ ဥသြသံ ထွက်ပေါ်လာပြီး ဆန္ဒပြသူတွေက ဆိုင်းဘုတ်တွေ ကိုင်ဆောင် ဆန္ဒပြခဲ့ကြ ပါတယ်။ 

အနောက်နိုင်ငံ စစ်ဘက်အရာရှိတွေကတော့ စစ်ပွဲအတွင်း နှစ်ဘက်စလုံးက အသေအပျောက် များပြီး သေဆုံးသူ ဒါမှမဟုတ် ဒဏ်ရာရသူပေါင်း ၁ သိန်းကျော်ရှိမယ်လို့ ခန့်မှန်းကြပါတယ်။

သောင်းနဲ့ချီတဲ့ အရပ်သားတွေ သေဆုံးမှာကိုလည်း စိုးရိမ်နေရပြီးတော့ သန်းနဲ့ချီတဲ့ ပြည်သူတွေ လည်း စစ်ပွဲတွေကြောင့် ထွက်ပြေးနေရပါတယ်။ 

ယူကရိန်းရဲ့ အဓိကမဟာမိတ်ဖြစ်တဲ့ ပိုလန်ဟာ တင့်ကားတွေ အပါအဝင် ယူကရိန်းကို အကြီးစား စစ်လက်နက်ပစ္စည်းတွေ ပေးလှူဖို့ ဥရောပ မဟာမိတ်တွေကို ဆွဲဆောင် စည်းရုံးရာမှာ အရေးပါတဲ့ နိုင်ငံဖြစ်ပြီး ဒီလှုပ်ရှားမှုကို မကြာသေးခင်ကာလအထိ နိုင်ငံအများအပြားက ကန့်ကွက်ထား ပါတယ်။ 

တရုတ်အစိုးရဟာ ထိုင်ဝမ်ကိုကျူးကျော်ဖို့ ပြင်ဆင်နေတာကို အမေရိကန် အောက်လွှတ်တော်ဥက္ကဋ္ဌ နန်စီ ပေလိုစီရဲ့ အလည်အပတ်ခရီးကို အသုံးချပြီး ဆန့်ကျင်တဲ့အနေနဲ့ စစ်ရေးလေ့ကျင့်တာဖြစ်ကြောင်း ဆင်ခြေပေးနေတယ်လို့ ထိုင်ဝမ် နိုင်ငံခြားရေးဝန်ကြီးက ဩဂုတ် ၉ ရက်မှာ ပြောလိုက်ပါတယ်။

ထိုင်ဝမ်ကျွန်းဟာ သူပိုင်တဲ့ သင်းကွဲပြည်နယ်လို့ တရုတ်က အခိုင်အမာ ပြောထားပြီး ထိုင်ဝမ်သားတွေက သူ့ကိုယ်ပိုင်အစိုးရနဲ့ ဒီမိုကရေစီနည်းကျ အုပ်ချုပ်နေတာပါ။

တရုတ်က ထိုင်ဝမ်ရေလက်ကြားအတွင်း တရားဝင်မဟုတ်တဲ့ အလယ်အလတ်မျဉ်းကို မကြာခဏ ချိုးဖောက်ရင်း ဆက်ပြီး စစ်ရေးလေ့ကျင့်နေပေမဲ့ ထိုင်ဝမ်က ကြောက်ရွံ့နေမှာ မဟုတ်ဘူးလို့ ထိုင်ဝမ် နိုင်ငံခြားရေးဝန်ကြီး ဂျိုးဇက် ဝူက ပြောပါတယ်။

“ထိုင်ဝမ်ကို ကျူးကျော်ရေး ပြင်ဆင်ဖို့ တရုတ်က စစ်ရေးလေ့ကျင့်မှုကို အသုံးချနေတယ်။ ဆိုက်ဘာတိုက်ခိုက်မှုနဲ့ မဟုတ်မမှန် သတင်းပေး လှုံ့ဆော်တာတွေကိုလည်း လုပ်နေတယ်” လို့ ဝူက ပြောပါတယ်။

တရုတ်ပြည်သူ့လွတ်မြောက်ရေးတပ် အရှေ့ပိုင်းတိုင်းက ထိုင်ဝမ်ကျွန်းပတ်လည်က ပင်လယ်ပိုင်နက်နဲ့ လေပိုင်နက်ထဲမှာ စစ်ရေးလေ့ကျင့်တာတွေ ဆက်လုပ်သွားမယ်လို့ အင်္ဂါနေ့မှာ ကြေညာခဲ့ပြီးနောက် ထိုင်ဝမ် နိုင်ငံခြားရေးဝန်ကြီးက ခုလို ပြောလိုက်တာပါ။